లైఫ్ ఇన్సూరెన్స్ పాలసీ తీసుకోవడం ఇస్లామ్ విరుద్ధమా..!

లైఫ్ ఇన్సూరెన్స్ పాలసీలు తీసుకోవడం ఇస్లామ్ మతానికి విరుద్ధమని పలు ముస్లిం సంఘాలు ఫత్వా జారీ చేశాయి.

Updated: Feb 10, 2018, 02:09 PM IST
లైఫ్ ఇన్సూరెన్స్ పాలసీ తీసుకోవడం ఇస్లామ్ విరుద్ధమా..!

లైఫ్ ఇన్సూరెన్స్ పాలసీలు తీసుకోవడం ఇస్లామ్ మతానికి విరుద్ధమని పలు ముస్లిం సంఘాలు ఫత్వా జారీ చేశాయి. జీవితానికే కాదు.. ఆస్తులకు కూడా బీమా చేయించడం మతానికి విరుద్ధమని ఈ సంఘాలు తెలిపాయి. ముస్లిం పౌరులు భగవంతుడైన అల్లాపైనే నమ్మకాన్ని, విశ్వాసాన్ని కలిగి ఉండాలి తప్పితే.. బీమా కంపెనీలపై కాదని ఆ సంఘాలు స్పష్టం చేశాయి.

ఘజియాబాద్‌ ప్రాంతంలో జరిగిన ఓ సమావేశంలో ఓ ముస్లిం పౌరుడు అడిగిన ఓ ప్రశ్నకు ప్రత్యుత్తరం ఇస్తూ.. ఈ ఫత్వాని జారీ చేశారు. ఈ ఫత్వాకి కారణాలు కూడా వారు తెలిపారు. జనన, మరణాలు అల్లా చేతిలో ఉంటాయని.. ఇన్సూరెన్స్ కంపెనీల చేతులలో కాదని వారు తెలిపారు.

ఏ ఇన్సూరెన్స్ కంపెనీ అయినా.. ప్రజలు పెట్టే పెట్టుబడిపైనే వడ్డీలు సంపాదిస్తాయి కాబట్టి.. వడ్డీ పై ఆదాయం ఇస్లాంలో నిషిద్ధం కనుక, ఇన్సూరెన్స్ పాలసీలు తీసుకోవడం కూడా నిషిద్ధమేనని ఆయా ముస్లిం సంఘాలు పేర్కొన్నాయి. యూపీకి చెందిన దియోబంద్ ఉలేమాలు ఈ ఫత్వాని జారీ చేశారు. 

By continuing to use the site, you agree to the use of cookies. You can find out more by clicking this link

Close