మలాశయంలో కేజీ బంగారం.. దొరికిన కిలాడీ

మలాశయంలో కేజీ బంగారం.. దొరికిన కిలాడీ

Updated: Sep 13, 2018, 04:46 PM IST
మలాశయంలో కేజీ బంగారం.. దొరికిన కిలాడీ

న్యూఢిల్లీ: ఇందిరా గాంధీ అంతర్జాతీయ (ఐజిఐ) విమానాశ్రయంలో ఒక కిలో బంగారాన్ని అక్రమంగా తరలిస్తున్న ఓ వ్యక్తిని  కస్టమ్స్ అధికారులు అరెస్టు చేసినట్లు బుధవారం అధికారులు ఓ ప్రకటనలో తెలిపారు.

24 ఏళ్ల ప్రయాణికుడు దుబాయి నుంచి న్యూఢిల్లీకి రాగా.. అనుమానం వచ్చి విమానాశ్రయ సిబ్బంది అతని లగేజీని పరిశీలించారు. తర్వాత అతన్ని కూడా క్షుణ్ణంగా పరీక్షించగా.. పురీషనాళంలో (మలాశయం) 1.04 కేజీల బరువున్న 9 బంగారు కడ్డీలను కస్టమ్స్ అధికారులు గుర్తించారు. రూ.32 లక్షల విలువైన ఈ బంగారాన్ని స్వాధీనం చేసుకొని అతన్ని అరెస్ట్ చేసినట్లు కస్టమ్స్ డిపార్ట్‌మెంట్ వెల్లడించింది.

మరో కేసులో బంగారాన్ని అక్రమంగా తీసుకొస్తున్నారంటూ ఓ భారతీయుడితో పాటు మరో ఫ్రెంచ్ దేశస్థుడిని కస్టమ్స్ అధికారులు అరెస్ట్ చేశారు. ఈ ఇద్దరూ రెండు వేర్వేరు ప్రాంతాల నుంచి ఢిల్లీకి వచ్చారు. భారతీయుడు చెన్నై నుంచి రాగా, ఫ్రెంచ్ దేశస్థుడు సింగపూర్ నుండి సోమవారం బయలుదేరినట్లు అధికారులు తెలిపారు. వీరిద్దరి నుంచి సుమారు కేజిన్నర బంగారాన్ని స్వాధీనం చేసుకున్నారు.

By continuing to use the site, you agree to the use of cookies. You can find out more by clicking this link

Close