సంక్రాంతి లక్ష్మికి సాదర ఆహ్వానం..!

సంక్రాంతి పండగ వచ్చిందంటే చాలు.. భారతావనిలోని గ్రామీణ ప్రాంతవాసులు ఎంతో ఉత్సాహంగా, హుషారుగా ఉత్సవాలకు శ్రీకారం చుడతారు. రైతుకు పంట చేతికొచ్చే రోజు కాబట్టి.. వారు సంక్రాంతి లక్ష్మికి కానుకలర్పించి.. తమ జీవితమంతా సుఖ, సంతోషాలతో తులతూగాలని ఆ దేవదేవిని మనస్ఫూర్తిగా కోరుకుంటారు. 

Updated: Jan 13, 2018, 05:42 PM IST
సంక్రాంతి లక్ష్మికి సాదర ఆహ్వానం..!

సంక్రాంతి పండగ వచ్చిందంటే చాలు.. భారతావనిలోని గ్రామీణ ప్రాంతవాసులు ఎంతో ఉత్సాహంగా, హుషారుగా ఉత్సవాలకు శ్రీకారం చుడతారు. రైతుకు పంట చేతికొచ్చే రోజు కాబట్టి.. వారు సంక్రాంతి లక్ష్మికి కానుకలర్పించి.. తమ జీవితమంతా సుఖ, సంతోషాలతో తులతూగాలని ఆ దేవదేవిని మనస్ఫూర్తిగా కోరుకుంటారు. సంక్రాంతి నేడు ప్రతీ హిందువు ఇంటికి కళ తెచ్చే గొప్ప పర్వదినంగా జగద్విఖ్యాతం చెందింది. ఈ క్రమంలో సంక్రాంతి గురించి మరిన్ని విషయాలు మీకోసం..!

*దక్షిణాయనం ముగిసి ఉత్తరాయణ పుణ్యకాలం ప్రారంభమయ్యే వేళ, పుష్య మాసాన సూర్యభగవానుడు మకర రాశిలోకి ప్రవేశించే తరుణంలో వచ్చే పండుగ 'సంక్రాంతి' అని అంటుంటారు పెద్దలు. ఇది మూడు రోజుల పండుగ. 

*సంక్రాంతి తొలి రోజున ఉదయాన్నే లేచి అందరూ ఇంటి ముందు ముగ్గులు వేస్తారు. ఆ రంగవల్లుల మధ్యలో "గొబ్బెమ్మలు" అలంకరిస్తారు. ఆ తర్వాత వీధుల్లోకి వచ్చి భోగిమంటలు వేస్తారు.చిన్నపిల్లలకు భోగిపండ్లు తినిపిస్తారు. కొన్ని చోట్ల సంక్రాంతి పర్వదినాన బొమ్మల కొలువులు ఏర్పాటు చేసే సంప్రదాయం కూడా ఉంది

*సంక్రాంతిలో భాగంగా జరిగే రెండవ రోజు పండగ నాడు పితృదేవతలకు "తర్పణాలు" వదులుతారు. ఈ రోజున స్వర్గ వాకిళ్లు తెరుస్తారని భక్తుల నమ్మకం. ఇదే రోజు కొన్ని ప్రాంతాల్లో 'తిల సంక్రాంతి’ జరుపుకుంటారు. ఈ రోజు నువ్వులను తమ ఆరాధ్య దేవతలకు నైవేద్యంగా పెడితే, శుభం కలుగుతుందనేది వారి నమ్మకం

*సంక్రాంతిలో భాగంగా జరిగే మూడవ రోజు జరుపుకొనే పండుగే కనుమ పండుగ. దీనినే పశువుల పండుగ అని కూడా అంటారు. ఈ రోజున గోవులను పూజిస్తారు. వాటిని నిండుగా అలంకరిస్తారు. తమిళనాడు ప్రాంతంలో ఇదే రోజు "జల్లికట్టు" ఆడే సంప్రదాయం కూడా ఉంది. 

*సంక్రాంతి నాడు పతంగులు ఎగురవేసే సంప్రదాయం కూడా కొన్ని చోట్ల ఉంది. హైదరాబాద్ లాంటిచోట్ల సంక్రాంతిని పురస్కరించుకొని గాలిపటాల పండుగలు కూడా నిర్వహిస్తూ ఉండడం ఆనవాయితీగా వస్తోంది.

*సంక్రాంతిని పురస్కరించుకొని తమ ఇండ్లకు వచ్చే హరిదాసులకు, కొమ్మదాసరులకు, గంగిరెడ్లను ఆడించే వారికి కానుకలను అందివ్వడం, వారికి మిఠాయిలు, బియ్యం పంచిపెట్టడం కూడా అనేక సంవత్సరాలుగా సంప్రదాయంగా వస్తోంది.

*సంక్రాంతి సందర్భంగా పలువురు మహిళలు నోములు కూడా నోచుకుంటారు. బొమ్మల నోము, గొబ్బి గౌరీవ్రతం, గోదాదేవి నోము అందులో ప్రధానమైనవి

*సంక్రాంతి పండుగ గురించి శాస్త్రపరంగా చాలా విషయాలు చెప్పుకోవచ్చు.  మనకున్న 12 రాశుల్లో  సూర్యుడు నెలకొక రాశిలోకి ప్రవేశిస్తాడు. సూర్యుడు ఏ రాశిలోకి ప్రవేశిస్తే.. ఆ రాశిని సంక్రాంతిగా పరిగణిస్తారు. ఆ విధంగా సంవత్సరానికి 12 సంక్రాంతులు ఉంటాయి. సూర్యుడు మకరరాశిలోకి ప్రవేశించినప్పుడు దానిని 'మకర సంక్రాంతి' అంటారు.

By continuing to use the site, you agree to the use of cookies. You can find out more by clicking this link

Close