చిన్న ఇల్లుతో డబ్బు, సమయం ఆదా !

ఇల్లు పెద్దగా ఉంటే మంచిదా? చిన్నగా ఉంటే మంచిదా? అంటే చిన్నగా ఉంటేనే బెటర్ అంటున్నారు చాలామంది.

Updated: Jan 29, 2018, 12:08 AM IST
చిన్న ఇల్లుతో డబ్బు, సమయం ఆదా !

ఇల్లు పెద్దగా ఉంటే మంచిదా? చిన్నగా ఉంటే మంచిదా? అంటే చిన్నగా ఉంటేనే బెటర్ అంటున్నారు చాలామంది. చిన్నగా ఉన్న ఇల్లుతో డబ్బు ఆదా అవుతుందని, టైం కూడా కలిసొస్తుందంటున్నారు. అదెలాగో చూద్దాం..!
 
* ఇల్లు చిన్నగా ఉంటే నిర్వహణ ఖర్చు తక్కువే అవుతుంది. ఖాళీ స్థలాన్ని అలంకరణ వస్తువులతో నింపాల్సిన పని ఉండదు. 

* తక్కువ స్థలం ఉన్నప్పుడు కొనే వస్తువులు కూడా తక్కువగానే ఉంటాయి. అవసరమైన వస్తువులను మాత్రమే కొనుక్కుంటారు. 

* ఇల్లు చిన్నగా ఉంటే బంధాలు కూడా బాగుంటాయి. విశాలమైన ఇంట్లో గదులు ఎక్కువ. అక్కడ నివసించే వారిలో సంబంధ బాంధవ్యాలు అంత చెప్పుకోదగ్గ విధంగా ఉండవు అని చెబుతోంది ఓ విదేశీ స్టడీ. అదే చిన్నఇంట్లో అందరూ కలిసి ఒకేచోట కూర్చోవడం, విషయాలు పంచుకోవడం చేసుకోవడం వల్ల బంధాలు నిజంగానే బలపడతాయి. 

* ఇల్లు పెద్దగా ఉంటే శుభ్రం చేయడానికి ఎక్కువ సమయం పడుతుంది. అదే చిన్నగా ఉంటే తక్కువ సమయంలో ఇల్లు శుభ్రం చేసుకోవచ్చు. సమయం ఆదా అవుతుంది. ఆ సమయాన్ని ఇతర అవసరాలకు ఉపయోగించవచ్చు.  

* పెద్ద ఇల్లును డెకరేట్‌ చేసుకోవాలంటే ఖర్చుతో కూడుకున్న వ్యవహారం. చిన్నఇంటిని అభిరుచికి తగ్గట్టు అలంకరించుకోవచ్చు. డబ్బు ఆదా అవుతుంది.. ఆర్థిక ఇబ్బందులు చాలా వరకు తగ్గుతాయి.  

By continuing to use the site, you agree to the use of cookies. You can find out more by clicking this link

Close