సిక్కు తలపాగాపై జాత్యాహంకార వ్యాఖ్యలు

కెనడాలోని ఓ ఆర్మీ క్లబ్బులో తన స్నేహితులతో కలిసి పూల్ గేమ్ ఆడుతున్న ఓ సిక్కుపై అక్కడి దేశస్థులు కొందరు జాత్యాహంకార వ్యాఖ్యలు చేశారు.

Updated: Feb 27, 2018, 04:29 PM IST
సిక్కు తలపాగాపై జాత్యాహంకార వ్యాఖ్యలు
Representational Image

కెనడాలోని ఓ ఆర్మీ క్లబ్బులో తన స్నేహితులతో కలిసి పూల్ గేమ్ ఆడుతున్న ఓ సిక్కుపై అక్కడి దేశస్థులు కొందరు జాత్యాహంకార వ్యాఖ్యలు చేశారు. ఆ క్లబ్బు ఆర్మీ క్లబ్బు కాబట్టి.. అక్కడి వెటరన్స్‌కు గౌరవ సూచకంగా ఎవరూ కూడా తలపై టోపీ గానీ హ్యాట్‌గానీ పెట్టుకోకూడదని చెబుతూ వారు ఆ సిక్కు యువకుడిని హెచ్చరించారు. ఆ తర్వాత అసభ్యపదజాలంలో దూషించారు.

ఒకామె ఆ సిక్కు తలపాగాను లాగివేయడానికి కూడా ప్రయత్నించింది. జస్విందర్ సింగ్ దలివాల్ అనే ఆ పేరు గల ఆ సిక్కు యువకుడు అది తమ మత ఆచారం అని చెప్పినప్పటికీ ఎవరూ పట్టించుకోకపోవడం గమనార్హం. ఈ ఘటన జరిగాక అదే క్లబ్బులో పలువురు భారతీయులు స్పందించారు. తలపాగా లేదా టోపీ పెట్టుకోవడం ఆ క్లబ్బులో నిషిద్ధం అయినప్పటికీ.. మతపరమైన డ్రస్సింగ్‌కు మాత్రం ఆ పరిమితులు వర్తించవని.. సిక్కులు తలపాగా పెట్టుకొని క్లబ్బులోకి రావచ్చని తెలిపారు. ఆ క్లబ్బుకి సంబంధించిన రూల్స్ బుక్‌లో అది ఉందని కూడా తెలిపారు. ఈ ఘటనపై స్పందిస్తూ క్లబ్బు  ప్రెసిడెంట్ స్టీఫెన్ గాలెంట్ మరోమారు క్లబ్బు నియమ నిబంధనలను పరిశీలిస్తామని.. తప్పు తమవైపు ఉంటే క్షమాపణ చెబుతామని తెలియజేశారు.

By continuing to use the site, you agree to the use of cookies. You can find out more by clicking this link

Close