ఐపీఎల్ 11లో కోల్‌కతా సూపర్ డూపర్ విక్టరీ

మొత్తానికి కోల్‌కతా చెలరేగి ఆడింది.. ఐపీఎల్ అభిమానులను సంభ్రమాశ్చర్యాలతో ముంచెత్తి అతి పెద్ద విజయాన్ని నమోదు చేసింది. 

Updated: Apr 17, 2018, 05:01 PM IST
ఐపీఎల్ 11లో కోల్‌కతా సూపర్ డూపర్ విక్టరీ
Image Credit: PTI

మొత్తానికి కోల్‌కతా చెలరేగి ఆడింది.. ఐపీఎల్ అభిమానులను సంభ్రమాశ్చర్యాలతో ముంచెత్తి అతి పెద్ద విజయాన్ని నమోదు చేసింది. ఈ సీజన్‌లో ఐపీఎల్ టీ20ల్లో 200 పరుగులు చేసిన జట్టుగా రికార్డు సాధించింది. తొలుత బ్యాటింగ్ చేసిన నైట్ రైడర్లలో రాణా, రసెల్ బౌలర్లపై విరుచుకుపడ్డారు. ఈడెన్‌ గార్డెన్‌ వేదికగా జరిగిన ఈ మ్యాచ్‌లో 201 పరుగుల భారీ లక్ష్యాన్ని ఢిల్లీ డేర్‌ డెవిల్స్‌ ముందు ఉంచగా..  ఏ మాత్రం పోటీ ఇవ్వలేని పరిస్థితిలో ఆ జట్టు 71 పరుగుల తేడాతో ఓడిపోయింది .

స్పిన్నర్లు నరైన్‌ 3, కుల్‌దీప్‌ 2 వికెట్లతో తమదైన శైలిలో రాణించడంతో ఢిల్లీ జట్టు 14.2 ఓవర్లకు 129 పరుగులకు ఆలౌట్ అయ్యింది. ఢిల్లీ ఆటగాళ్లలో రిషబ్‌ పంత్‌ (43; 26 బంతుల్లో 7×4, 1×6), మ్యాక్స్‌వెల్‌ (47; 22 బంతుల్లో 3×4, 4×6) కొంతవరకు నిలదొక్కుకోవడానికి ప్రయత్నించినా.. వికెట్లు పడిపోవడంతో ఓటమి తప్పలేదు. 

తొలుత కోల్‌కతా జట్టు కూడా కష్టాలతోనే మ్యాచ్ ప్రారంభించింది. 7 పరుగులకే ఓపెనర్‌ నరైన్‌ (1) వికెట్‌ కోల్పోయాడు. ఆ తర్వాత 62 పరుగుల వద్ద  ఉతప్ప వికెట్ పడిపోయింది. ఆ తర్వాత క్రిస్ లిన్, దినేశ్ కార్తిక్ కూడా పెవిలియన్‌కి వెళ్లిపోవడంతో కోల్‌కతా కథేమిటో అర్థం కాలేదు.

ఆ సమయంలో యువ ఆటగాడు నితీశ్‌ రాణా (59; 35 బంతుల్లో 5×4, 4×6), ఆండ్రూ రసెల్‌ (41; 12 బంతుల్లో 6×6) వచ్చి మ్యాచ్ స్వరూపం మార్చేశారు. వీరిద్దరూ ఔట్ అయ్యేసరికల్లా  కోల్‌కతా 9 వికెట్ల నష్టానికి 200 పరుగులు మాత్రం పూర్తిచేసేసి ప్రత్యర్థికి చెప్పుకోదగ్గ టార్గట్ ఇచ్చింది.

By continuing to use the site, you agree to the use of cookies. You can find out more by clicking this link

Close