ఇండియా vs వెస్ట్ ఇండీస్ : డాన్ బ్రాడ్‌మన్ తర్వాత విరాట్ కోహ్లీకే దక్కిన ఘనత

ఇండియా vs వెస్ట్ ఇండీస్: కోహ్లీకి మాత్రమే దక్కిన మరో రికార్డు

Updated: Oct 5, 2018, 03:38 PM IST
ఇండియా vs వెస్ట్ ఇండీస్ : డాన్ బ్రాడ్‌మన్ తర్వాత విరాట్ కోహ్లీకే దక్కిన ఘనత
File photo

టీమిండియా కెప్టేన్ విరాట్ కోహ్లీ గర్జించడం మొదలుపెడితే, ప్రపంచంలో ఏ జట్టు బౌలర్ అయినా సరే అతడి ఆట ముందు తల వంచాల్సిందే. ప్రస్తుతం వెస్ట్ ఇండీస్‌తో రాజ్‌కోట్‌లోని సౌరాష్ట్ర క్రికెట్ అసోసియేషన్ స్టేడియం వేదికగా జరుగుతున్న తొలి టెస్ట్ మ్యాచ్‌లోనూ అటువంటి సీనే రిపీట్ అయింది. నిన్న ప్రారంభమైన ఈ తొలి టెస్టులో 2వ రోజైన నేడు కోహ్లీ సెంచరీ పూర్తిచేశాడు. విరాట్ కోహ్లీ టెస్ట్ కెరీర్‌లో ఇది 24వ సెంచరీ. టెస్ట్ కెరీర్‌లో వేగంగా 24 సెంచరీలు పూర్తి చేసిన క్రికెటర్లలో ఆస్ట్రేలియన్ క్రికెట్ లెజెండ్ డాన్ బ్రాడ్‌మన్ తర్వాత మళ్లీ ఆ ఘనత సొంతం చేసుకుంది విరాట్ కోహ్లీ ఒక్కడే కావడం విశేషం. 184 బంతుల్లో విరాట్ కోహ్లీ సెంచరీ సాధించాడు. 

66 ఇన్నింగ్స్‌లో డాన్ బ్రాడ్‌మన్ ఈ ఘనత సొంతం చేసుకోగా కోహ్లీ 123 ఇన్నింగ్స్‌లో ఈ మార్క్ అందుకోగలిగాడు. కోహ్లీ తర్వాతి స్థానంలో మాస్టర్ బ్లాస్టర్ సచిన్ టెండుల్కర్ 125 ఇన్నింగ్స్, మాజీ కెప్టేన్ సునీల్ గవాస్కర్ 128 ఇన్నింగ్స్‌లో ఈ రికార్డ్ అందుకున్నారు. ఆసక్తికరమైన విషయం ఏంటంటే, వెస్ట్ ఇండీస్‌పై మాత్రం కోహ్లీకి ఇది 2వ టెస్ట్ సెంచరీ మాత్రమే. తొలి రోజు ఆటలో ఓపెనర్ పృథ్వీ షా సెంచరీ నమోదు చేసిన సంగతి తెలిసిందే.

By continuing to use the site, you agree to the use of cookies. You can find out more by clicking this link

Close