Money Plant: એલોવેરાની મદદથી મની પ્લાન્ટનો ગ્રોથ વધારવાની ટીપ્સ

Gardening Tips For Money Plant: વાસ્તુ શાસ્ત્રમાં મની પ્લાંટ વિશે કહેવાયું છે કે આ છોડ ઘરમાં ધન, સમૃદ્ધિ અને સકારાત્મકતા આકર્ષિત કરે છે. તેથી મોટાભાગના ભારતીય ઘરોમાં મની પ્લાંટ જોવા મળશે. ધન, સમૃદ્ધિનું પ્રતિક ગણાતું હોવાથી લોકો મની પ્લાંટ ઘરમાં રાખવાનું પસંદ કરે છે. 

આ પણ વાંચો: ઘરની બાલકનીમાં આ રીતે ઉગાડો કાકડી, ઓર્ગેનિક અને કેમિકલ ફ્રી કાકડી ખાવા મળશે

જો કે ઘણીવાર એવું જોવા મળે છે કે મની પ્લાંટનો ગ્રોથ અચાનક અટકી જાય છે. અથવા તો તેના પાન પીળા પડવા લાગે છે. આ સ્થિતિમાં સમજાતું નથી કે મની પ્લાંટનો ગ્રોથ વધે તે માટે શું કરવું. આ સિવાય જો ઘરમાં મની પ્લાંટ ન હોય અને પ્લાંટ વાવવો હોય તો એક પાનમાંથી મની પ્લાંટ કેવી રીતે ઉગાડવો તેની ટ્રીક પણ જણાવીએ.

આ પણ વાંચો: મોગરાના છોડમાં આવશે મોટા અને વધારે ફુલ, પાણીમાં સાદુ પાણી નહીં આ સફેદ પાણી પીવડાવજો

મની પ્લાંટનો ગ્રોથ વધારવા માટે નેચરલ ફર્ટીલાઈઝર બનાવવાનું છે તેના માટે એલોવેરાનું પાન, એપ્સમ સોલ્ટ અને પાણીની જરૂર પડશે. હવે સૌથી પહેલા એક એલોવેરા પાનની અંદરથી જેલ કાઢી તેને પાણી સાથે મિક્સ કરી દો. તેમાં એપ્સમ સોલ્ટ ઉમેરી મિશ્રણ તૈયાર કરો. જે લિક્વિડ ફર્ટીલાઈઝર તૈયાર થયું છે તેને એક બોટલમાં ભરી મની પ્લાંટના પાન પર છાંટી દો. દર 15 દિવસે એકવાર આ મિશ્રણ મની પ્લાંટમાં છાંટવું તેનાથી મની પ્લાંટનો ગ્રોથ વધશે. 

આ પણ વાંચો: વરસાદી વાતાવરણમાં વાવી દો કેળનો છોડ, શિયાળો શરુ થાશે ત્યાં તો આવવા લાગશે કેળા

આ નુસખો અજમાવવા સિવાય તમે ચા પત્તીના નુસખાથી પણ મની પ્લાંટનો ગ્રોથ વધારી શકો છો. તેનાથી પણ પ્લાન્ટનો ગ્રોથ ઝડપી થશે. ચા પત્તીનો ઉપયોગ કરવો હોય તો યુઝ થયેલી ચાની ભુક્કીને 5 મિનિટ પાણીમાં પલાળી રાખવી અને પછી તેને ગાળી લેવી જેથી ખાંડની મીઠાશ અને દૂધ દુર થઈ જાય. ત્યારબાદ ચાની ભુક્કીને ગાળી અને તડકે સુકવી દેવી. તડકે સુકાયેલી ચા પત્તીને મની પ્લાંટમાં 15 દિવસે એકવાર નાખી દો. 

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)