Gardening Tips: ઘરની બાલકનીમાં આ રીતે ઉગાડો કાકડી, ઓર્ગેનિક અને કેમિકલ ફ્રી કાકડી ખાવા મળશે

Cucumber Gardening Tips: હવે લોકો હેલ્ધી ફૂડ અને હેલ્ધી લાઈફ સ્ટાઈલનું મહત્વ સમજવા લાગ્યા છે જેના કારણે ખાવા પીવામાં ઓર્ગેનિક વસ્તુઓનો ઉપયોગ વધ્યો છે. ખાસ કરીને શાકભાજી તાજા મળે તે માટે લોકો ઘરમાં જ શાકભાજી ઉગાડવાનું પસંદ કરે છે. ઘરમાં ઉગાડેલા શાકભાજી કેમિકલ ફ્રી હોય છે તેથી શરીર માટે પણ લાભકારી છે. ઓર્ગેનિક શાકભાજી નો સ્વાદ પણ લાજવાબ હોય છે. 

આ પણ વાંચો: મોગરાના છોડમાં આવશે મોટા અને વધારે ફુલ, પાણીમાં સાદુ પાણી નહીં આ સફેદ પાણી પીવડાવજો

કાકડી એવું શાક છે જેને સલાડ, રાયતા અને સ્નેક્સમાં પણ ઉપયોગમાં લઈ શકાય છે. સૌથી મોટો ફાયદો એ છે કે જો ઘરે કાકડી ઉગાડવી હોય તો તેના માટે વધારે જગ્યાની પણ જરૂર પડતી નથી. કાકડી નાનકડી બાલકનીમાં પણ ઉગી શકે છે. આજે તમને બાલકનીમાં કાકડી કેવી રીતે ઉગાડી શકાય તેની રીત જણાવીએ. 

બાલકનીમાં કાકડી ઉગાડવાની રીત 

આ પણ વાંચો: 3 એવા છોડ જેની ડાળી કુંડામાં વાવી દેશો તો પણ નવો છોડ ઉગી જાય, બી ખરીદવા નહીં પડે

યોગ્ય માટી અને કુંડું 

બાલ્કનીમાં કાકડી ઉગાડવા માટે આ બે વસ્તુ સૌથી મહત્વની છે. કાકડીનો છોડ વાવવા માટે યોગ્ય કુંડાની પસંદગી કરો અને કુંડાને એવી જગ્યાએ રાખો જ્યાં કાકડીની વેલને વધવા માટે યોગ્ય જગ્યા મળે. કાકડી માટે 12 થી 15 ઈંચ ઊંડું કુંડુ અથવા તો ગ્રો બેગ લઈ શકાય છે. કાકડી માટેની માટી તૈયાર કરવા માટે 50% ગાર્ડન સોઇલ, 30% કમ્પોસ્ટ અને 20% રેતી અથવા કોકોપીટ મિક્સ કરવું. ત્રણેય વસ્તુને સારી રીતે મિક્સ કરીને કુંડામાં ભરો. 

આ પણ વાંચો: વરસાદી વાતાવરણમાં વાવી દો કેળનો છોડ, શિયાળો શરુ થાશે ત્યાં તો આવવા લાગશે કેળા

કાકડી વાવવાની રીત 

કાકડી માટેની માટી તૈયાર થઈ જાય પછી કાકડીના બીજની જરૂર પડશે. કાકડીના બી કોઈ પણ નર્સરીમાં અથવા ઓનલાઇન પણ સરળતાથી મળી જાય છે. બી વાવતા પહેલા તેને થોડા કલાક પાણીમાં પલાળી દેવા જરૂરી છે. પાણીમાં પલાળેલા બીને માટીમાં એક થી બે ઇંચના ઊંડાઈ પર વાવી દેવા અને ઉપરથી માટી ઢાંકી દેવી. એક કુંડામાં બે થી ત્રણ બી વાવવા. 

આ પણ વાંચો: કુંડામાં લીલા મરચા વાવવાની રીત, માટીમાં આ વસ્તુ મિક્સ કરશો તો ઝડપથી ઉગશે મરચા

કાકડીનો છોડ ઉગાડવા માટે આ બે કામ સૌથી મહત્વપૂર્ણ હોય છે. કાકડીનું કુંડું એવી જગ્યાએ રાખવું જ્યાં તડકો આવતો હોય. બી વાવ્યા પછી કુંડામાં વધારે પડતું પાણી ઉમેરવું નહીં જો પાણી વધારે ઉમેરશો તો બી માટીમાં સડી જશે. બીમાંથી છોડ બહાર દેખાવા લાગે પછી રોજ થોડું થોડું પાણી ઉમેરવું. 

કાકડીની વેલ થોડી મોટી થઈ જાય પછી તેને દિવાલ પર ચઢાવવા માટે સપોર્ટની જરૂર. તેના માટે કુંડામાં લાકડી અથવા તો દિવાલ પર જાળી લગાવી શકો છો. દિવાલ પર જાળી લગાવી દેવાથી વેલ સરળતાથી તેની ઉપર વધવા લાગશે. 

આ પણ વાંચો: મીઠા લીમડાનો ગ્રોથ ઝડપથી અને સારો થાય તે માટે માટીમાં મિક્સ કરો આ નેચરલ ખાતર

કાકડી વાવ્યા પછી કેટલા દિવસમાં ફળ મળે? 

કાકડીના બી વાવ્યા પછી 45 થી 50 દિવસે તેમાં કાકડી દેખાવા. જ્યારે કાકડી મીડીયમ સાઈઝની થઈ જાય અને તેની છાલ ચમકતી દેખાય ત્યારે તેને ઉતારી લેવી. વધારે દિવસો સુધી કાકડી રાખવાથી તે અંદરથી પાકી જાય છે અને તેનો સ્વાદ પણ કડવો થઈ જાય છે.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)