ખેડૂતો માટે વરદાન છે આ સ્કીમ, સરકાર 50% સુધી આપે છે સબસિડી, આ રીતે ઉઠાવો ફાયદો

નવી દિલ્હીઃ ખેડૂતોની સહાયતા કરવા માટે સરકાર દ્વારા ઘણી યોજનાઓનું સંચાલન કરવામાં આવે છે. આવી જ સબસિડી યોજના રાષ્ટ્રીય બાગાયત બોર્ડ હેઠળ પણ ચલાવવામાં આવી રહી છે. તે બાગાયતને પ્રોત્સાહન આપવા માટે શરૂ કરવામાં આવ્યું છે.

બાગાયતી પાકોનું ઉત્પાદન કરતા ખેડૂતોને પ્રોત્સાહન આપવા માટે રાષ્ટ્રીય બાગાયત બોર્ડ દ્વારા વિવિધ પ્રકારના લાભો આપવામાં આવે છે. જેમાં કૃષિ સંબંધિત સાહસિકો, સ્ટાર્ટઅપ્સ, ખેડૂતો વગેરેને આર્થિક સહાય આપવામાં આવી રહી છે. જેમાં માત્ર ફળો અને ફૂલોની ખેતી માટે જ નહીં પરંતુ મસાલા, સુગંધિત અને ઔષધીય છોડની ખેતી માટે પણ સબસિડી આપવામાં આવી રહી છે.

કેટલી મળશે સબસિડી
ખેડૂતોને સરકાર દ્વારા 50 ટકા સુધીની સબસિડી આપવામાં આવી રહી છે. જેનાથી ખેડૂત પોતાના ખેતરમાં શેડનેટ, ગ્રીન હાઉસ અને પોલીહાઉસમાં ખેતી કરી શકે છે. ખેડૂતોને પાંચ પ્રોજેક્ટ ખર્ચના 50 ટકા સુધીની સબસિડી આપવામાં આવે છે. આ સિવાય આમળા, કેરી, જામફળ જેવા ફળોની ઓપન ફિલ્ડમાં ખેતી કરનારા ખેડૂતોને 40 ટકા સુધીની સબસિડી મળે છે.

આ પણ વાંચોઃ લવ મેરેજનો કરુણ અંજામ, પતિના 15 ટુકડા, ડ્રમમાં નાખીને ઉપર સીમેન્ટ નાખ્યો, તસવીરો જુઓ

આ લોકો માટે પણ સબસિડી
સરકાર દ્વારા ખેડૂતોને માત્ર ગ્રીન હાઉસ અને પોલીહાઉસમાં ખેતી માટે નહીં પરંતુ કોલ્ડ સ્ટોરેજ લગાવવા અને મશરૂમની ખેતી માટે પણ સબસિડી આપવામાં આવી રહી છે. કોલ્ડ સ્ટોરેજ માટે લગભગ 30થી 50 ટકાની સબસિડી આપવામાં આવી રહી છે. આ સિવાય મશરૂમની ખેતી માટે 40 ટકાની સબસિડી આપવામાં આવી રહી છે.

કઈ રીતે કરશો અરજી
ખેડૂતો નેશનલ હોર્ટિકલ્ચર બોર્ડની સત્તાવાર વેબસાઇટ www.nhb.gov.in પર જઈને અરજી કરી શકે છે. જો તમારા પ્રોજેક્ટની કિંમત 20 લાખ રૂપિયા છે, તો તમારે ફી તરીકે 2000 રૂપિયા ચૂકવવા પડશે અને જો ખર્ચ 20 લાખથી 50 લાખ રૂપિયાની વચ્ચે છે, તો તમારે એપ્લિકેશન ફી તરીકે 5,000 રૂપિયા ચૂકવવા પડશે.

આ દસ્તાવેજોની જરૂર પડશે

· પાન કાર્ડ,

 મતદાર કાર્ડ,

· આધાર કાર્ડ,

 ભાગીદારી પેઢીની નોંધણી,

 કંપની, સોસાયટી, ટ્રસ્ટ વગેરેની નોંધણી.