 "લોકો ધડાધડ વેચવા લાગ્યા આ કંપનીનો શેર, 5 દિવસમાં 32% નો થયો ઘટાડો, એક્સચેન્જે આપી ચેતવણી")
)
Stock Market News: છેલ્લા કેટલાક કારોબારી દિવસ જે કંપનીઓ માટે નિરાશાજનક રહ્યાં તેમાં Affordable Robotic &Automation Ltd પણ સામેલ છે. શુક્રવારે કંપનીના શેરમાં ભારે ઘટાડો જોવા મળ્યો હતો. કંપનીનો શેર 4.27 ટકાના ઘટાડા બાદ 268.25 રૂપિયાના લેવલ પર આવી ગયો છે. પરંતુ માર્કેટ બંધ થવા સમયે આ સ્ટોક 270.60 રૂપિયાના લેવલ પર હતો. માત્ર પાંચ કારોબારી દિવસમાં કંપનીના શેરના ભાવમાં 32.48 ટકાનો ઘટાડો થયો છે. Affordable Robotic &Automation Ltd ના શેરમાં ઘટાડા પાછળનું કારણ અમેરિકી ટેરિફ માનવામાં આવી રહ્યું છે. મહત્વનું છે કે અમેરિકાએ ટેરિફ 50 ટકા સુધી વધારી દીધો છે.
એક્સચેન્જે આપી ચેતવણી
બીએસઈ અને એનએસઈએ Affordable Robotic &Automation Ltd ના સ્ટોકને શોર્ટ ટર્મમાં એડિશનલ સર્વેલાન્સ ફ્રેમવર્કમાં નાખી દીધો છે. એક રીતે એક્સચેન્જ તરફથી ઈન્વેસ્ટરોને આ સ્ટોકને લઈને સાવચેતી રાખવાની વાત કહેવામાં આવી છે.
કંપનીએ શું જણાવ્યું?
એક્સચેન્જની ચિંતાઓ બાદ Affordable Robotic &Automation Ltd એ જણાવ્યું કે તે ટેરિફના પ્રભાવને ઘટાડવાનો પ્રયાસ કરી રહી છે. જેનાથી ઈમ્પોર્ટ પ્રભાવિત ન થાય. કંપનીએ કહ્યું કે આ સિવાય કિંમતોમાં ઘટાડાનું એવું કોઈ કારણ નથી જેથી ભાવ પ્રભાવિત થાય.
કંપનીએ પહેલા પોતાની નોટ્સમાં કહ્યું હતું કે યુએસ વેરહાઉસ ઓટોમેશન માર્કેટ 2025થી 2030 વચ્ચે 20.60 ટકાના CAGR થી વધશે. 2024મા 5.78 બિલિયન ડોલરથી તેનો કારોબાર 16.6 બિલિયન ડોલર સુધી 2030મા પહોંચી શકે છે. પરંતુ હવે ટ્રમ્પના ટેરિફને કારણે તેમાં સાત ટકાનો ઘટાડો આવી શકે છે.
કંપનીના શેરની ખરાબ સ્થિતિ
છેલ્લા એક વર્ષમાં કંપનીના શેરમાં 57 ટકાનો ઘટાડો જોવા મળ્યો છે. તો બે વર્ષમાં કંપનીનો શેર 65 ટકા તૂટ્યો છે. તે છતાં 5 વર્ષમાં કંપનીના શેરમાં 542 ટકાની તેજી આવી છે.
(નોટઃ આ રોકાણની સલાહ નથી. શેર બજાર જોખમો અધીન છે. કોઈપણ રોકાણ કરતાં પહેલાં એક્સપર્ટની સલાહ લો)
