સફરજન બાદ હવે તુર્કીને વધુ એક ઝટકો, પાકિસ્તાનને ટેકો આપનારને વેપારીઓની ફટકાર

Boycott Turkey: ભારતમાં તુર્કીયે સામે ગુસ્સો જોવા મળી રહ્યો છે. પાકિસ્તાને પહેલગામમાં આતંકવાદી હુમલો કર્યો, ત્યારબાદ બંને દેશો વચ્ચે તણાવ વધી ગયો. આ દરમિયાન, તુર્કીએ પાકિસ્તાન સાથે ઊભુ જોવા મળ્યું હતું. ભારત તુર્કી સાથે મોટો વ્યવસાય કરે છે. હવે તેના વલણને જોઈને ભારતીય ઉદ્યોગપતિઓએ તુર્કી સાથે કામ ન કરવાની જાહેરાત કરી છે. આ અંગે ઉદયપુર માર્બલ પ્રોસેસર્સ કમિટીના પ્રમુખ કપિલ સુરાણાનું એક નિવેદન બહાર આવ્યું છે, જેમાં તેમણે કહ્યું છે કે 'ભારત સરકાર એકલી નથી, આપણે બધા ઉદ્યોગપતિઓ આપણા દેશની સાથે ઉભા છીએ.'

તુર્કીથી આવે છે 70 ટકા માર્બલ

ભારત અને પાકિસ્તાન વચ્ચે ચાલી રહેલા તણાવ વચ્ચે, ઉદયપુરના માર્બલ વેપારીઓએ પાકિસ્તાનને ટેકો આપી રહેલા તુર્કી સાથે કામ કરવાનું બંધ કરી દીધું છે. ઉદયપુર માર્બલ પ્રોસેસર્સ કમિટીના પ્રમુખ કપિલ સુરાણા આ અંગે કહે છે કે ઉદયપુર એશિયામાં સૌથી મોટું માર્બલ નિકાસકાર છે. સમિતિના તમામ સભ્યોએ સંયુક્ત નિર્ણય લીધો છે કે તેઓ તુર્કી સાથે વેપાર બંધ કરી રહ્યા છે. તેમણે કહ્યું કે ભારતમાં આયાત થતા 70 ટકા માર્બલ તુર્કીથી આવે છે.

#WATCH | Udaipur, Rajasthan: Udaipur marble traders end business with Turkiye for siding with Pakistan amid the ongoing tensions between India and Pakistan.

Kapil Surana, President of Udaipur Marble Processors Committee, says, "Udaipur is Asia's biggest exporter of marbles. All… pic.twitter.com/s9pqwuLjrG

— ANI (@ANI) May 14, 2025

ભારત સરકાર સાથે ઉભા છે વેપારીઓ

કપિલ સુરાના કહે છે કે 'માત્ર ઉદયપુર જ નહીં, જો બધા માર્બલ એસોસિએશન તુર્કી સાથેનો પોતાનો વ્યવસાય બંધ કરે, તો તે દુનિયાને એક મોટો સંદેશ આપશે.' બધાને ખબર પડશે કે ભારત સરકાર એકલી નથી, વ્યવસાય અને બધા ભારતીયો આપણી સરકાર સાથે ઉભા છે. તેમણે કહ્યું કે જો આપણે તુર્કી સાથે વેપાર બંધ કરીશું, તો ભારતીય માર્બલની માંગ વધશે. તેમણે કહ્યું કે 'માર્બર સિવાય, તુર્કીથી આવતા અન્ય માલ પર પ્રતિબંધ લગાવવો જોઈએ.' આનાથી અન્ય દેશોને સંદેશ જશે કે ભારત કોઈપણ નિર્ણય લેવા સક્ષમ છે.

તમને જણાવી દઈએ કે આ કારણે પુણેના વેપારીઓએ પણ તુર્કી પાસેથી માલ ન ખરીદવાનો નિર્ણય લીધો હતો. વેપારીઓએ તુર્કીને બદલે હિમાચલ પ્રદેશ, ઉત્તરાખંડ, ઈરાનથી સફરજન ખરીદવાનો નિર્ણય લીધો છે.