બેંક એકાઉન્ટ ધારકો થઈ જજો સાવધાન! ઘરે આવી રહ્યા છે નવો નક્કોર મોબાઈલ ફોન, ખોલશો તો...

Cyber Fraud: બેંગ્લુરુંમાં રહેનાર એક ટેક પ્રોફેશનલને એક નવી રીતે સાઈબર હુમલાનો શિકાર થવું પડ્યું છે. છેતરપિંડી કરનાર આરોપીએ તેમના કોમ્પ્યૂટર કે ફોનમાં ઘૂસીને તેમની બેંકિંગ જાણકારી ચોરી હતી. આ રીતે તેમણે 2.8 કરોડ રૂપિયાની મોટી રકમ હાંસિલ કરી અને પીડિત વ્યક્તિ કઈ કરી શક્યો નહીં. પીડિતને સિટીબેંકના પ્રતિનિધિ બનીને કોઈએ વોટ્સએપ પર ફોન કર્યો. તેણે કહ્યું કે પીડિતનું ક્રેડિટ કાર્ડ અત્યારે મંજૂર થયું નથી અને તેમણે નવું સીમ કાર્ડ લેવું પડશે. થોડાક દિવસો બાદ પીડિતને સિટી યૂનિયન બેંક તરફથી એક પેકેટ મળ્યું જેમાં એક મોબાઈલ ફોન હતો.

ઘર પહોંચ્યો ફોન
પીડિત વ્યક્તિને આ છેતરપિંડીની જાણ નહોતી. તેણે નવું સિમ કાર્ડ ફોનમાં લગાડી દીધું. બાદમાં ખબર પડી કે આ ફોનમાં પહેલાથી જ અમુક ખતરનાક એપ ઈન્સ્ટોલ કરવામાં આવી હતી. આ એપે પીડિતના ફોન પર આવનાર ઓટીપીને ચોરી દીધી અને છેતરપિંડીથી તેની બેકિંગ જાણકારી હાંસિલ કરી લીધી. સિમ કાર્ડ એક્ટિવ થતાં જ ઠગોએ પીડિતના એચડીએફસી બેંક એકાઉન્ટમાંથી 2.8 કરોડ રૂપિયા ચોરી દીધા, જેમાં ફિક્સ્ડ ડિપોજિટને પૈસા પણ સામેલ હતા.

Add Zee News as a Preferred Source

હેકર્સે શોધી કાઢી એક નવી ટેકનિક
આ ઘટના બાદ લોકોમાં ચિંતા વધી ગઈ છે. ગુનેગારો પ્રી-પ્રોગ્રામ્ડ ફોનનો ઉપયોગ કરીને લોકોને નિશાન બનાવી રહ્યા છે. તેઓ પોતાને SMS અને OTP મોકલીને લોકોના બેંક ખાતાઓ પર નિયંત્રણ મેળવે છે. પીડિતે વ્હાઇટફિલ્ડ પોલીસ સ્ટેશનમાં ફરિયાદ નોંધાવી છે અને અધિકારીઓએ આઇટી એક્ટની સંબંધિત કલમો હેઠળ તપાસ શરૂ કરી છે.

ફરિયાદ મુજબ છેતરપિંડી 27 નવેમ્બર, 2024 ના રોજ શરૂ થઈ જ્યારે પીડિતને સિટી બેંકના પ્રતિનિધિ તરીકે દેખાતા કોઈનો WhatsApp પર કૉલ આવ્યો. 1 ડિસેમ્બર 2024 ના રોજ 'સિટી યુનિયન બેંક'માંથી એક કુરિયર આવ્યું જેમાં MI 13C કંપનીનો મોબાઈલ ફોન હતો. પીડિતે ફોનમાં નવું સિમ કાર્ડ નાખ્યું, પરંતુ તે પછી ક્રેડિટ કાર્ડ વિશે કોઈ સૂચના કે ઈમેલ આવ્યો નહીં. જો કે, જ્યારે પીડિત 5 ડિસેમ્બર, 2024 ના રોજ સ્પષ્ટતા માટે બેંકમાં ગયા ત્યારે તેઓએ જાણ્યું કે તેમના બે HDFC બેંક ખાતામાંથી 2.8 કરોડ રૂપિયા છેતરપિંડીથી ઉપાડી લેવામાં આવ્યા છે.