 "Upcoming IPO: 22 ઓગસ્ટથી ઓપન થશે આ કંપનીનો આઈપીઓ, પ્રાઇસ બેન્ડ 82-87 રૂપિયા, GMP 20%")
IPO News: ક્લાસિક ઈલેક્ટ્રોડ્સ (ઈન્ડિયા) લિમિટેડના આઈપીઓની પ્રાઇઝ બેન્ડ 82-87 રૂપિયા પ્રતિ શેર નક્કી થઈ ગઈ છે. એક લોટમાં 1600 શેર છે. રિટેલ ઈન્વેસ્ટરે 1 લાખ 31 હજાર 200 રૂપિયાનું રોકાણ કરવું પડશે.
ક્લાસિક ઈલેક્ટ્રોડ્સ આઈપીઓ સબ્સક્રિપ્શન માટે 22 ઓગસ્ટે ખુલશે અને 26 ઓગસ્ટે બંધ થશે. શેર એલોટમેન્ટ પ્રક્રિયાને 28 ઓગસ્ટે અંતિમ રૂપ આપવામાં આવશે. 1 સપ્ટેમ્બરે કંપનીના શેર એનએસઈ એસએમઈ પર લિસ્ટ થશે.
આ આઈપીઓ દ્વારા કંપનીએ 41.51 કરોડ રૂપિયા એકત્ર કરવાનો પ્લાન બનાવ્યો છે, જે હેઠળ 48 લાખ શેર જારી કરવામાં આવશે. ઈશ્યુ 50 ટકા યોગ્ય સંસ્થાગત બાયર્સ (qualified institutional buyers) માટે, લગભગ 35 ટકા રિટેલ ઈન્વેસ્ટર (retail investors) અને બાકીના 15 ટકા બિન-સંસ્થાગત ઈન્વેસ્ટર (non-institutional investors) માટે રિઝર્વ છે.
કોલકત્તા સ્થિત ક્લાસિક ઈલેક્ટ્રોડ્સ ઈન્ડિયા લિમિટેડની સ્થાપના વર્ષ 1997મા થઈ હતી. આ કંપની ભારતની એક મુખ્ય નિર્માતા છે, જે ઇલેક્ટ્રોડ અને MIG વાયર જેવા વેલ્ડીંગ ઉપભોક્તા વસ્તુઓ બનાવવામાં નિષ્ણાંત છે.
કંપની સ્થાનિક અને આંતરરાષ્ટ્રીય ગ્રાહકો માટે વેલ્ડીંગ ઇલેક્ટ્રોડનું ઉત્પાદન જ નથી કરતી, પરંતુ તેમને અદ્યતન એન્જિનિયરિંગ સોલ્યુશન્સ પણ પૂરા પાડે છે.
ક્લાસિક ઇલેક્ટ્રોડ્સ વિવિધ ઔદ્યોગિક જરૂરિયાતોને પૂર્ણ કરવા માટે વેલ્ડીંગ ઉપભોક્તા વસ્તુઓની વિશાળ શ્રેણી પ્રદાન કરે છે. તેમાં બે સક્રિય ઉત્પાદન એકમો છે - યુનિટ-1 ધુલાગઢ (પશ્ચિમ બંગાળ) અને યુનિટ-2 ઝજ્જર (હરિયાણા).
કંપનીના આ એકમો વ્યૂહાત્મક રીતે એવા સ્થળોએ સ્થિત છે, જેના કારણે કાચા માલનું સોર્સિંગ, ઉત્પાદનોનું વિતરણ અને ગ્રાહકો સુધી પહોંચ સરળ બને છે. ખાસ કરીને પશ્ચિમ બંગાળમાં સ્થિત એકમો વિવિધ પરિવહન સુવિધાઓ સાથે જોડાયેલા છે, જેના કારણે કંપનીની સપ્લાય ચેઇન વધુ મજબૂત બને છે. નાણાકીય વર્ષ 24 માં, કંપનીની આવક રૂ. 194.41 કરોડ હતી અને કર પછીનો નફો રૂ. 12.28 કરોડ હતો.
કંપની આ ઇશ્યૂમાંથી એકત્ર થયેલી મૂડીનો ઉપયોગ પ્લાન્ટ અને મશીનરી ખરીદવા, કેટલાક ઉધાર ચૂકવવા, કાર્યકારી મૂડીની જરૂરિયાતો પૂરી કરવા અને સામાન્ય કોર્પોરેટ હેતુઓ પૂરા કરવા માટે કરશે.
બજાર સૂત્રોના જણાવ્યા અનુસાર, અનલિસ્ટેડ બજારમાં ક્લાસિક ઇલેક્ટ્રોડ્સ IPO GMP રૂ. 18 છે, જે કેપ પ્રાઇસ કરતા 20.6 ટકા વધારે છે.
GYR કેપિટલ એડવાઇઝર્સ પ્રાઇવેટ લિમિટેડ ઇશ્યૂના બુક રનિંગ લીડ મેનેજર છે અને MUFG ઇન્ટાઇમ ઇન્ડિયા પ્રાઇવેટ લિમિટેડ ઇશ્યૂના રજિસ્ટ્રાર છે. કંપનીના પ્રમોટર્સ હનુમાન પ્રસાદ અગ્રવાલ, સુશીલ કુમાર અગ્રવાલ, નિતેશ અગ્રવાલ, સુનિલ કુમાર મિત્તલ અને મેસર્સ ઓલટાઇમ સપ્લાયર્સ પ્રાઇવેટ લિમિટેડ છે.
)