DA Hike : સરકારે આ કર્મચારીઓને આપી મોટી ભેટ, DAમાં કર્યો 3%નો વધારો

DA Hike : તમિલનાડુના મુખ્યમંત્રી એમ.કે. સ્ટાલિને ગુરુવારે રાજ્ય સરકારના કર્મચારીઓ, શિક્ષકો અને પેન્શનરો માટે મોંઘવારી ભથ્થા (DA)માં 3% વધારો કરવાની જાહેરાત કરી. આનાથી રાજ્યના કર્મચારીઓ માટે મોંઘવારી ભથ્થું 55%થી વધારીને 58% કરવામાં આવ્યું. આ નિર્ણયથી આશરે 16 લાખ સરકારી કર્મચારીઓ, શિક્ષકો અને પેન્શનરોને ફાયદો થશે. 

કર્મચારીઓ માટે મુખ્ય રાહત

Add Zee News as a Preferred Source

મોંઘવારી ભથ્થું (DA)એ પગારનો એક ભાગ છે જે ફુગાવાની અસરોને સરભર કરવા માટે ચૂકવવામાં આવે છે. આ વધારો વધતા જીવન ખર્ચનો સામનો કરી રહેલા તમિલનાડુના કર્મચારીઓ અને પેન્શનરોને રાહત આપશે. રાજ્ય સરકારનું આ પગલું ઘણીવાર કેન્દ્ર સરકાર દ્વારા જાહેર કરાયેલા DA વધારા સાથે સુસંગત છે. તાજેતરમાં કેન્દ્ર સરકારે પણ તેના કર્મચારીઓ અને પેન્શનરો માટે DA અને DRમાં 3% વધારો કરવાનો નિર્ણય લીધો છે.

કેન્દ્ર સરકારે આપી હતી દિવાળીની ભેટ 

ઓક્ટોબરમાં એક મોટા નિર્ણયમાં કેન્દ્ર સરકારે કેન્દ્રીય કર્મચારીઓ અને પેન્શનરો માટે 3% DA/DR વધારાને મંજૂરી આપી હતી. આનાથી 49.19 લાખ કેન્દ્રીય કર્મચારીઓ અને 68.72 લાખ પેન્શનરોને ફાયદો થશે. માહિતી અને પ્રસારણ મંત્રી અશ્વિની વૈષ્ણવે જણાવ્યું હતું કે આ DA/DR વધારો 1 જુલાઈ, 2025થી અમલમાં આવશે અને તેના પરિણામે કેન્દ્રીય તિજોરી પર વાર્ષિક 10,083.96 કરોડનો બોજ પડશે. 

આ વધારો 7મા પગાર પંચ (7મા CPC)ની ભલામણો હેઠળ સ્થાપિત ફોર્મ્યુલા મુજબ કરવામાં આવ્યો છે. કેન્દ્ર સરકાર વર્ષમાં બે વાર, જાન્યુઆરી અને જુલાઈમા DA/DRની સમીક્ષા કરે છે.

રેલવે કર્મચારીઓને મળ્યું બોનસ 

ગયા મહિને કેન્દ્ર સરકારે રેલવે કર્મચારીઓ માટે પરફોર્મન્સ બેઝ બોનસની પણ જાહેરાત કરી હતી, જેનાથી લગભગ 11.27 લાખ રેલવે કર્મચારીઓને ફાયદો થયો.