બેંકમાં પણ 100% સુરક્ષિત નથી રહેતા તમારા પૈસા, નાદાર થવા પર તમને મળશે માત્ર આટલા રૂપિયા, જાણો તમારા કામની વાત

નવી દિલ્હીઃ ઓછા સમયમાં વધુ રિટર્ન મેળવવાની ઈચ્છા દરેકની હોય છે. તે માટે લોકો બેંક, પોસ્ટ ઓફિસની નવી સેવિંગ સ્કીમ્સ અને માર્કેટમાં ઉપલબ્ધ ઈન્વેસ્ટમેન્ટ સ્કીમમાં પૈસા લગાવે છે. આપણે આશા રહે છે કે બેંકમાં આપણા પૈસા સેફ રહેશે અને તેના પર આપણે રિટર્ન પણ મળશે. પરંતુ તમે જાણીને ચોંકી જશો કે બેંકમાં પણ તમારા પૈસા 100 ટકા સુરક્ષિત રહેતા નથી. જો તમે 100 રૂપિયા જમા કરો છો તો માત્ર 30 રૂપિયા સુરક્ષિત રહેવાની ગેરંટી મળે છે. સવાલ છે કે જો તમારી બેંક ડૂબી જાય કે નાદાર થઈ જાય તો તમારા પૈસા, ફિક્સ્ડ ડિપોઝિટ અને બાકી રોકાણનું શું થશે? શું બેંકની સાથે તમારી બચત પણ ડૂબી જશે?

DICGC આપે છે બેંક ડિપોઝિટ પર ઈન્શ્યોરન્સ કવર
બેંક પડી ભાંગે કે નાદાર થઈ જાય તો તમારા બધા પૈસા ખોવાઈ જશે નહીં. સરકારે ડિપોઝિટ ઇન્શ્યોરન્સ એન્ડ ક્રેડિટ ગેરંટી કોર્પોરેશન એક્ટ (DICGC) હેઠળ ખાતાધારકોને સુરક્ષા પૂરી પાડી છે. DICGC એ રિઝર્વ બેંકની માલિકીની સંસ્થા છે, જે બેંક ડિપોઝિટ પર વીમા કવચ પૂરું પાડે છે. આ અંતર્ગત, હવે બેંક બંધ થવાના કે ડૂબી જવાના કિસ્સામાં, ગ્રાહકોના 5 લાખ રૂપિયા સુધીના પૈસા સુરક્ષિત રહેશે. અગાઉ, ગ્રાહકો દ્વારા બેંકમાં જમા કરાયેલા 1 લાખ રૂપિયા સુધીના પૈસા જ સુરક્ષિત રહેતા હતા.

કેટલા દિવસમાં મળશે પૈસા?
જો તમારી બેંક કોઈ કારણે નાદાર થઈ જાય તે મોરેટોરિયમમાં જતી રહે તો 90 દિવસમાં તમને તમારા જમા પૈસા મળી જશે. આ કેસમાં નાદાર થઈ ચૂકેલી બેંકએ 45 દિવસમાં DICGC ને એકાઉન્ટ હોલ્ડર્સની વિગતો મોકલવી પડશે. તેના આગામી 45 દિવસમાં ખાતાધારકોને પૈસા પરત મળી જાય છે. તમને પાંચ લાખ રૂપિયા પરત મળશે.

આ પણ વાંચોઃ ઘી-પનીર, ફ્રિજ સસ્તા થશે, મોંઘા સામાનોનું લિસ્ટ પણ તૈયાર, જાણો તમારા ફાયદાની વાત

જો કોઈ વ્યક્તિ પાસે 5 લાખ રૂપિયાથી વધુની ડિપોઝિટ હોય તો શું થશે?
જો કોઈ વ્યક્તિએ બેંકમાં 10 લાખ રૂપિયા જમા કરાવ્યા હોય. જો કોઈ કારણોસર બેંક બંધ થઈ જાય તો પણ, તે વ્યક્તિને ફક્ત 5 લાખ રૂપિયાનું વીમા કવર મળશે. DICGC આ વીમા પર થાપણદારો પાસેથી સીધું કોઈ પ્રીમિયમ લેતું નથી. બેંકો પ્રીમિયમ ચૂકવે છે. જો કોઈ વ્યક્તિ પાસે 4 લાખ રૂપિયાની ડિપોઝિટ હોય, તો નવી જોગવાઈ મુજબ, તેને આ આખી રકમ વીમા કવર તરીકે મળશે.

શું દરેક પ્રકારના બેંક એકાઉન્ટ પર આ સુવિધા મળશે?
DICGC ની આ સ્કીમ બધી કોમર્શિયલ બેંક પર લાગૂ થાય છે. તેમાં વિદેશી, ગ્રામીણ અને સહકારી બેંક આવે છે. સ્કીમમાં સેવિંગ, કરંટ, ફિક્સ્ડ અને રિકરિંગ ડિપોઝિટ એકાઉન્ટ સામેલ હોય છે. પરંતુ સહકારી સમિતિઓને આ સ્કીમમાંથી બહાર રાખવામાં આવી છે.