FASTag Annual Passનું બુકિંગ શરૂ, માત્ર 3 સરળ સ્ટેપમાં થશે એક્ટિવેટ; જાણો પ્રોસેસ અને 10 મોટા સવાલના જવાબ

FASTag Annual Pass complete Guide: આજે આખો દેશ 15 ઓગસ્ટના રોજ 79મો સ્વતંત્રતા દિવસની ઉજવણી કરી રહ્યો છે. આ પ્રસંગે દેશભરમાં એક્સપ્રેસ-વે અને હાઇવે પર મુસાફરીને સરળ બનાવવા માટે FASTag વાર્ષિક પાસ શરૂ કરવામાં આવ્યો છે. આ માટે હાઇવે યાત્રા એપ પર સત્તાવાર બુકિંગ કરવામાં આવી રહ્યું છે. આ વાર્ષિક પાસ લોકોને ફક્ત 3,000 રૂપિયાના ખર્ચે પસંદગીના રસ્તાઓ પર આખા વર્ષ દરમિયાન ટોલ-ફ્રી મુસાફરીની સુવિધા પ્રદાન કરશે. આ પાસ વિશે લોકોના મનમાં ઘણા પ્રશ્નો છે જે 1 વર્ષ માટે 200 ટ્રિપ મર્યાદા સાથે આવે છે, આજે અમે તમારા માટે તેનાથી સંબંધિત 10 મહત્વપૂર્ણ પ્રશ્નોના જવાબો લાવ્યા છીએ.

1. કેટલો ખર્ચ કરવો પડશે?
મંત્રાલય દ્વારા આપવામાં આવેલી માહિતી અનુસાર, ફાસ્ટેગ વાર્ષિક પાસ માટે યુઝર્સે 3,000 રૂપિયા ખર્ચ કરવા પડશે. આ પાસ એક આખા વર્ષ માટે અથવા 200 ટ્રિપ્સ માટે માન્ય રહેશે. જેમાંથી જે પણ પહેલા આવે, પછી ભલે આ સમયગાળો પૂરો થઈ જાય કે પછી યુઝરની 200 ટ્રિપ્સ પૂરી થઈ જાય, ત્યારબાદ પાસ ડિએક્ટિવેટ થઈ જશે.

હવે ચેક ક્લિયર થવા માટે નહીં જોવી પડે 2 દિવસ રાહ, RBIએ નિયમોમાં કર્યા ફેરફાર

2. કયા હાઈવે પર લાગુ થશે?
FASTagનો આ વાર્ષિક પાસનો ઉપયોગ દરેક હાઈવે પર થઈ શકશે નહીં. મંત્રાલયનું કહેવું છે કે, આ પાસ ફક્ત રાષ્ટ્રીય ધોરીમાર્ગ (NH) અને રાષ્ટ્રીય એક્સપ્રેસ વે (NE) પર જ લાગુ પડશે. આ પાસ રાજ્ય સરકારો, સ્થાનિક સંસ્થાઓ દ્વારા સંચાલિત એક્સપ્રેસવે, સ્ટેટ હાઈવે (SH) વગેરેના ટોલ પ્લાઝા અથવા પાર્કિંગ સ્થળો પર કામ કરશે નહીં. આ સ્થળોએ તેનો FASTag પહેલાની જેમ જ કામ કરશે અને જ્યાં જરૂર પડશે ત્યાં FASTagમાંથી રૂપિયા કાપવામાં આવશે. તેથી તમારા FASTagમાં રિચાર્જ રાખો જેથી કોઈપણ પ્રકારની અસુવિધાથી બચી શકાય.

3. કયા પ્રકારના વાહનોને મળશે વાર્ષિક પાસ?
સરકારનું કહેવું છે કે, ફાસ્ટેગ વાર્ષિક પાસ VAHAN ડેટાબેઝના માધ્યમથી ચકાસણી કર્યા પછી માત્ર પ્રાઈવેટ કાર, જીપ અથવા વાન કેટેગરીવાળા નોન-કમર્શિયલ વાહનોને આપવામાં આવશે. આ પ્રોગ્રામમાં કમર્શિયલ વાહન જેમ કે, ટેક્સી-કેબ, ટ્રક, મીની-ટ્રક અથવા બસ જેવા વાણિજ્યિક વાહનો સામેલ નથી. એટલે કે, આ પાસનો લાભ માત્ર પ્રાઈવેટ વાહન માલિકોને જ મળશે. જો ફાસ્ટેગનો ઉપયોગ અન્ય કોઈ વાહન પર થતો પકડાશે, તો તેને ડિએક્ટિવેટ કરવામાં આવશે.

'પરમાણુ ધમકીઓથી નહીં ડરીએ...', લાલ કિલ્લા પરથી PM મોદીની ચેતવણી

4. કેવી રીતે અને ક્યાંથી ખરીદી શકો છો પાસ?
FASTag વાર્ષિક પાસ માત્ર નેશનલ હાઇવે ઓથોરિટી ઓફ ઇન્ડિયા (NHAI)ની સત્તાવાર વેબસાઇટ અથવા હાઇવે યાત્રા મોબાઇલ એપ્લિકેશન દ્વારા જ ઓનલાઇન ખરીદી અથવા એક્ટિવ કરી શકાય છે. મંત્રાલયે સ્પષ્ટપણે કહ્યું છે કે, કોઈપણ અન્ય વેબસાઇટ અથવા એપ્લિકેશન દ્વારા વાર્ષિક પાસ ખરીદવાની ભૂલ ન કરો, તે છેતરપિંડી હોઈ શકે છે.

5. કેવી રીતે એક્ટિવેટ થશે FASTag વાર્ષિક પાસ?
વાહનની યોગ્યતા અને સંબંધિત FASTag પુષ્ટિ થયા પછી વાર્ષિક પાસ એક્ટિવેટ કરવામાં આવશે. આ માટે યુઝર્સે NHAI વેબસાઇટ અથવા હાઇવે યાત્રા એપ્લિકેશન પર જવું પડશે, જ્યાં આ માટે એક લિંક મળશે. તેને હાઇવે યાત્રા એપ્લિકેશન પર ફક્ત 3 સરળ સ્ટેપમાં એક્ટિવેટ કરી શકાય છે. આ માટે એપ્લિકેશન પર આપેલ "Annual Toll Pass" ટેબ પર ક્લિક કરો, અને એક્ટિવેટ બટન દબાવો. બીજા સ્ટેપમાં વાહનનો રજિસ્ટ્રેશન નંબર દાખલ કરો, પછી તમારા રજિસ્ટર્ડ મોબાઇલ નંબર પર OTP આવશે, તેને દાખલ કરો અને ત્રીજા સ્ટેપમાં પેમેન્ટ કરીને પ્રક્રિયા પૂર્ણ કરો. પેમેન્ટ કર્યા પછી પાસ સક્રિય કરવાની પ્રક્રિયા શરૂ થશે. સામાન્ય રીતે 2 કલાકની અંદર વાર્ષિક પાસ ઉપરોક્ત FASTag પર સક્રિય થઈ જશે.

PM મોદીએ મોટાપા સામે કરી યુદ્ધની જાહેરાત, 10% તેલ ઓછું ખાવાની કેમ કરી અપીલ?

6. શું ખરીદવું પડશે નવું FASTag?
ના, વાર્ષિક પાસ એક્ટિવેટ કરવા માટે યુઝર્સને નવું FASTag ખરીદવાની જરૂર નથી. વાર્ષિક પાસ તમારા હાલના FASTag પર જ એક્ટિવેટ કરવામાં આવશે, જો તે પાત્રતા માપદંડોને પૂર્ણ કરે છે. ઉદાહરણ તરીકે, FASTag વાહનના વિન્ડશિલ્ડ પર યોગ્ય રીતે ઇન્સ્ટોલ કરેલું હોય, માન્ય વાહન રજિસ્ટ્રેશન નંબર સાથે લિંક હોય અને બ્લેકલિસ્ટ થયેલ ન હોય. તેથી, વાર્ષિક પાસ એક્ટિવેટ કરાવતા પહેલા આ બાબતોની ખાતરી કરો.

7. શું વાર્ષિક પાસ ટ્રાન્સફર કરી શકાય છે?
ના, વાર્ષિક પાસ કોઈપણ સંજોગોમાં ટ્રાન્સફર કરી શકાતો નથી. તે ફક્ત તે વાહન માટે માન્ય રહેશે જેના પર FASTag ઇન્સ્ટોલ કરેલ અને રજીસ્ટર થયેલ છે. કોઈ પણ અન્ય વાહન પર તેનો ઉપયોગ કરવા પર તે ઓટોમેટિકલી ડિએક્ટિવેટ કરી દેવામાં આવશે. પાસના સચોટ એક્ટિવેશન માટે FASTagનું એ જ વાહનના વિન્ડશિલ્ડ પર ઇન્સ્ટોલ કરેલ હોવું જરૂરી છે, જેના પર તે રજીસ્ટર થયેલ છે.

ઇન્દિરા ગાંધીનો તૂટી ગયો રેકોર્ડ... લાલ કિલ્લા પર પહોંચતા જ PM મોદીએ રચ્યો ઇતિહાસ

8. શું ચેસીસ નંબર સાથે રજીસ્ટડ FASTag પર પાસ મળશે?
બિલકુલ નહીં, સરકારનું કહેવું છે કે, વાર્ષિક પાસ એક્ટિવેટ કરવા માટે યુઝર્સે તેના FASTag પર વાહન રજિસ્ટ્રેશન નંબર (VRN) અપડેટ કરવો ફરજિયાત રહેશે. આ પાસ એવા FASTag પર એક્ટિવેટ થશે નહીં જે ફક્ત ચેસીસ નંબર પર રજીસ્ટર્ડ છે. આ માટે યુઝર્સે પરિવહન વિભાગની સત્તાવાર વેબસાઇટ (Parivahan.gov.in)ની મુલાકાત લઈને તેમના વાહનની વિગતો અપડેટ કરી શકે છે.

9. વાર્ષિક પાસ માટે ટ્રિપ કેવી રીતે ગણવામાં આવશે?
મંત્રાલય અનુસાર, પોઈન્ટ-આધારિત ટોલ પ્લાઝાના દરેક ક્રોસિંગ કરવા પર સિંગલ ટ્રિપ માનવામાં આવશે. એટલે કે, જો રાઉન્ડ ટ્રિપ (આવવા-જવા) કરવામાં આવે છે, તો તેને 2 ટ્રિપ ગણવામાં આવશે. બીજી બાજુ, બંધ ટોલ પ્લાઝાને ક્રોસ કરવાના કિસ્સામાં એન્ટ્રી અને એક્ઝિટ બન્નેને સિંગલ ટ્રિપ એટલે કે 1 ટ્રિપ ગણવામાં આવશે. તેથી, મુસાફરી કરતી વખતે આ ધ્યાનમાં રાખો.

ઝાંસીની રાણી માટે લડ્યા હતા કર્નલ સોફિયા કુરેશીના પૂર્વજો? KBCમાં જણાવી કહાની

10. શું FASTag વોલેટમાં રહેલી રકમમાંથી પાસ ખરીદી શકાય?
ના, વાર્ષિક પાસ ખરીદવા માટે તમારે હાઇવે યાત્રા મોબાઇલ એપ્લિકેશન અથવા NHAIની સત્તાવાર વેબસાઇટ દ્વારા 3,000 રૂપિયાની સંપૂર્ણ રકમ ચૂકવવી પડશે. ત્યારબાદ જ પાસ એક્ટિવેટ કરવામાં આવશે. તમારા FASTag વોલેટ અથવા બેલેન્સ રકમનો ઉપયોગ પાસ ખરીદવા માટે કરી શકાશે નહીં. FASTagમાં બાકીની રકમનો ઉપયોગ સામાન્ય હાઈવે પર ચુકવણી કરવા માટે કરવામાં આવશે જે આ પાસના દાયરામાં આવતા નથી.

કેટલાક મહત્વપૂર્ણ પ્રશ્નો
FASTag વાર્ષિક પાસ એક્ટિવેટ થતાંની સાથે જ, તમને તમારા રજિસ્ટર્ડ મોબાઇલ નંબર પર મેસેજ દ્વારા જાણ કરવામાં આવશે. આ ઉપરાંત તમને હાઇવે મોબાઇલ એપ્લિકેશન પર પણ તેના વિશે માહિતી મળશે, આ માટે તમારે નોટિફિકેશન એલર્ટ પ્રાપ્ત કરવાની પરવાનગી આપવી પડશે. વાર્ષિક પાસ સંપૂર્ણપણે વૈકલ્પિક છે, તેને એક્ટિવેટ કરવું કે નહીં તે તમારી ઇચ્છા છે. તે દરેક માટે ફરજિયાત નથી. આ એક એડ-ઓન સુવિધા તરીકે ઉપયોગમાં લેવાતી સેવા છે.