કાલે ખુલશે આ કંપનીનો IPO, ગ્રે માર્કેટમાં ધૂમ, રોકાણકારોને થઈ શકે છે સારી કમાણી

GNG Electronics IPO: જો તમે કોઈ આઈપીઓમાં દાવ લગાવવાનું વિચારી રહ્યાં છો તો તમારા માટે કામના સમાચાર છે. આ દિવસોમાં એક બાદ એક આઈપીઓ રોકાણ માટે ઓપન થઈ રહ્યો છે. તેમાંથી એક જીએનજી ઈલેક્ટ્રોનિક્સ લિમિટેડનો આઈપીઓ છે. કંપનીનો આ ઈશ્યુ 23 જુલાઈએ ખુલશે. ઈન્વેસ્ટરો 25 જુલાઈ સુધી દાવ લગાવી શકશે. તેની પ્રાઇઝ બેન્ડ 237 રૂપિયા પ્રતિ શેર નક્કી કરવામાં આવી છે. Investorgain.com પ્રમાણે કંપનીના શેર ગ્રે માર્કેટમાં 92 રૂપિયાના પ્રીમિયમ પર ઉપલબ્ધ છે. એટલે કે લિસ્ટિંગ પર 39 ટકા સુધીનો નફો થઈ શકે છે.

શું છે વિગત
કંપની દ્વારા જારી કરાયેલા એક નિવેદનમાં જણાવાયું છે કે GNG ઇલેક્ટ્રોનિક્સ લિમિટેડ બુધવારે તેના ઇક્વિટી શેરના IPO માટે ઓફર ખોલશે. એન્કર ઇન્વેસ્ટર ઓફર ખુલવાની તારીખના એક કાર્યકારી દિવસ પહેલા છે, જે 22 જુલાઈ છે. ઓફરની છેલ્લી તારીખ શુક્રવાર છે. કુલ ઓફર કદમાં 2 રૂપિયાના ફેસ વેલ્યુવાળા ઇક્વિટી શેરનો નવો ઇશ્યૂ, કુલ 400 કરોડ રૂપિયાના ઇક્વિટી શેર અને 2 રૂપિયાના ફેસ વેલ્યુવાળા 2,550,000 ઇક્વિટી શેરની ઓફર ફોર સેલનો સમાવેશ થાય છે.

આ પણ વાંચોઃ પત્નીના નામે ઘર ખરીદશો તો એક નહીં, ઘણા ફાયદા મળશે! વ્યાજથી લઈને ટેક્સમાં થશે લાભ

કંપનીની યોજના
આ IPO ની પ્રાઇસ બેન્ડ પ્રતિ ઇક્વિટી શેર રૂ.225 થી રૂ. 237 નક્કી કરવામાં આવી છે. ઓછામાં ઓછા ૬૩ ઇક્વિટી શેર માટે અને ત્યારબાદ 63 ઇક્વિટી શેરના ગુણાંકમાં બોલી લગાવી શકાય છે. કંપની ચોખ્ખી આવકનો ઉપયોગ કંપની અને તેની પેટાકંપની એટલે કે ઇલેક્ટ્રોનિક્સ બજાર FZC દ્વારા લેવામાં આવેલા ચોક્કસ બાકી ઉધારના સંપૂર્ણ અથવા આંશિક રીતે, પ્રીપે અને/અથવા ચુકવણી માટે અને સામાન્ય કોર્પોરેટ હેતુઓ માટે કરવાનો પ્રસ્તાવ રાખે છે.