Gold Rate Today: મોતીયા મરી ગયા બા...અચાનક સોનાના ભાવમાં જબરદસ્ત વધારો, અમદાવાદ-રાજકોટમાં શું ભાવ? જાણો લેટેસ્ટ રેટ

ટેરિફ વોર અને ગ્લોબલ બજારોના ટેન્શન વચ્ચે ગોલ્ડમાં મેગા રેલી ચાલુ છે. વિદેશી અને ઘરેલુ બજારોમાં  ગોલ્ડ રેકોર્ડ પર રેકોર્ડ બનાવે છે. આંતરરાષ્ટ્રીય બજારમાં શુક્રવારે સોનું પહેલીવાર 3240 ડોલર પ્રતિ ઔંસના મહત્વપૂર્ણ પડાવને પાર કરીને એક નવા રેકોર્ડ હાઈ પર પહોંચી ગયું. જેનું કારણ નબળો ડોલર અને વધતું વેપાર યુદ્ધ હતું, જેના કારણે રોકાણકારો સુરક્ષિત સંપત્તિઓમાં રોકાણ કરી રહ્યા છે. 

ચાંદી અઢી ટકા ઉછળીને ફરીથી 31 ડોલર પ્રતિ ઔંસ પાર જતી રહી. ટેરિફ વોરની અનિશ્ચિતતાઓની સાથે ડોલર પણ નબળો પડ્યો છે, જેના કારણે સોનું ઘરેલુ બજારમાં પહેલીવાર 93,300 રૂપિયા પાર જોવા મળ્યું છે. 

MCX પર સોના ચાંદીના ભાવ
આજે સવારે MCX (મલ્ટી કોમોડિટી એક્સચેન્જ) એટલે કે ભારતીય વાયદા બજારમાં સોનું ઓપનિંગમાં 1500 રૂપિયા ઉછળ્યું હતું. સવારે 10 વાગ્યાની આસપાસ તેમાં 1286 રૂપિયાની તેજી જોવા મળી હતી અને તે 93,319 રૂપિયા પર પહોંચી ગયું હતું. બુધવારે તે 92,033 રૂપિયા પર બંધ થયું હતું. ચાંદી આ દરમિયાન 821 રૂપિયા ચડીને 92,416 રૂપિયા ટ્રેડ થઈ રહી હતી જે ગત સેશનમાં 91,595 રૂપિયા પર બંધ થઈ હતી. 

શરાફા બજારમાં આજના ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 2,913 રૂપિયાનો ઉછાળો જોવા મળ્યો અને સોનું 93,074 રૂપિયાની સપાટીએ પહોંચી ગયું. જે 9 તારીખે સાંજે ક્લોઝિંગમાં 90,161 રૂપિયાના ભાવે જોવા મળ્યું હતું. કાલે મહાવીર જયંતીની રજા હોવાથી લેટેસ્ટ ભાવ જાહેર થયા નહતા. જ્યારે ચાંદીમાં પણ આજે 1,958 રૂપિયાનો ઉછાળો જોવા મળ્યો છે અને ભાવ 92,627 રૂપિયાની સપાટીએ પહોંચ્યો છે જે 9 એપ્રિલે 90,669 રૂપિયા પ્રતિ કિલોના ભાવે ક્લોઝ થઈ હતી. 

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)