 "Gold Rate Today: હાશ શાંતિ થઈ! ભારે તેજી બાદ સોનાના ભાવ ઘટ્યા! જાણો કેરેટ પ્રમાણે લેટેસ્ટ રેટ")
)
ઘરેલુ વાયદા બજાર (MCX) પર આજે સવારે સોના અને ચાંદીમાં મિક્સ ટ્રેન્ડ જોવા મળ્યો. સોનાના ભાવમાં થોડી નરમાઈ જોવા મળી. જ્યારે ચાંદીમાં સામાન્ય તેજી હતી. બીજી બાજુ રિટેલ બજારમાં પણ સોનું-ચાંદી સુસ્ત જોવા મળ્યા. જેને જોતા તેજી પર જાણે બ્રેક લાગી હોય તેવું જણાય છે. જો તમે પણ સોના અને ચાંદીની ખરીદીનું વિચારતા હોવ તો લેટેસ્ટ રેટ ચેક કરો.
વાયદા બજારમાં ભાવ
વાયદા બજાર (MCX) પર આજે સવારે સોનાનો ભાવ ₹1,09,010.00 પ્રતિ 10 ગ્રામ જોવા મળ્યો હતો. જેમાં 23 રૂપિયાનો સામાન્ય ઘટાડો નોંધાયો હતો. જે ગત ક્લોઝિંગ ₹1,09,033 કરતા થોડો ઓછો છે. સોનાનો અત્યાર સુધીનો સૌથી ઊંચો ભાવ ₹1,09,840 રૂપિયા રહ્યો છે. ચાંદીની વાત કરીએ તો એમસીએક્સ પર આજે ચાંદીમાં તેજી જોવા મળી અને ભાવ ₹1,24,986.00 પ્રતિ કિલોગ્રામ પર પહોંચ્યો. જેમાં 525 રૂપિયાનો વધારો નોંધાયો. જ્યારે ગત ક્લોઝિંગ ભાવ ₹1,24,461 હતો. ચાંદીનો ઓલ ટાઈમ હાઈ ₹1,26,730 છે.
આજનો સોના અને ચાંદીનો ભાવ
ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટના 10 ગ્રામ સોનાનો ભાવ આજે 66 રૂપિયા જેટલો સામાન્ય ઘટાડો નોંધાયો છે અને ભાવ 109409 રૂપિયા પર પહોંચ્યો છે જે કાલે સાંજે 109475 રૂપિયા પર ક્લોઝ થયો હતો. જ્યારે ચાંદીમાં 626 રૂપિયાનો ઘટાડો જોવા મળ્યો છે અને ભાવ 124144 રૂપિયાના સ્તરે પહોંચ્યો છે જે કાલે ક્લોઝિંગમાં 124770 પર બંધ થયો હતો .
કેરેટ પ્રમાણે ભાવ
#indicative #Retail Selling #Rates for #Jewellery
To get these rates on your phone give a missed call on - 8955664433
For more details contact: Saurabh +91 9004120120 / 022-23426971 / 022-23427459
Follow us on Twitter : https://t.co/lXovVzctug
Follow us on Instagram :… pic.twitter.com/gRhnVnx0ZO
— IBJA (@IBJA1919) September 10, 2025
વૈશ્વિક બજારની વાત કરીએ તો સોનાનો ભાવ મજબૂત જોવા મળી રહ્યો છે. સોનું $3,600 પ્રતિ ઔંસની ઉપર જોવા મળ્યું છે. આજે સ્પોટ ગોલ્ડ 0.3% ચડીને $3,635.329 પ્રતિ ઔંસ પર જોવા મળ્યું હતું. જે મંગળવારે $3,673.95 ના રેકોર્ડ હાઈને સ્પર્શી ચૂક્યું હતું.
સોના અને ચાંદીના ભાવમાં આ ઉતાર ચડાવના અનેક કારણો છે. સૌથી મોટું કારણ છે અમેરિકામાં વ્યાજ દરોમાં કાપની આશા. રોકાણકારો આ મહિને અમેરિકાના ફેડરલ રિઝર્વ દ્વારા વ્યાજ દરોમાં કાપની સંભાવના જોઈ રહ્યા છે. જેનાથી સોનામાં રોકાણ વધી રહ્યું છે. ઓછા વ્યાજ દરો સોનાને રોકાણકારો માટે વધુ આકર્ષક બનાવે છે. આ ઉપરાંત આ અઠવડિયે આવનારા અમેરિકી મોંઘવારીના મહત્વપૂર્ણ આંકડા પણ રોકાણકારોની નજરમાં છે. આ આંકડા ભવિષ્યમાં વ્યાજ દરો પર ફેડરલ રિઝર્વના નિર્ણયને પ્રભાવિત કરી શકે છે. જેની સીધી અસર સોનાના ભાવ પર પડશે.
માર્કેટ એક્સપર્ટ માને છે કે હાલ સોનામાં તેજીનો માહોલ રહેશે. પરંતુ ભાવમાં થોડો ઘણો ઘટાડો પણ આવી શકે છે. આ ઘટાડો પ્રોફિટ બુકિંગના કારણે હોઈ શકે છે. જો તમે રોકાણકાર હોવ તો આ ઉતાર ચડાવ પર નજર રાખવી જરૂરી છે.
Disclaimer
IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
