 "Gold Rate Today: સોનું પહોંચ બહાર ગયું! એક જ ઝટકે સોનાના ભાવમાં તોતિંગ ઉછાળો, ભાવ વધવાના કારણો અને લેટેસ્ટ રેટ જાણો")
સોના અને ચાંદીના ભાવમાં આ અઠવાડિયે ઐતિહાસિક તેજી જોવા મળી રહી છે. ગોલ્ડ $3000 પાર નીકળી ગયું છે. સિલ્વર પણ $34 પાર પહોંચી છે. ઘરેલુ બજારની વાત કરીએ તો વાયદા બજાર (MCX)માં સોનું 1079 રૂપિયા ચડીને 1,04,903 રૂપિયા પર અને ચાંદી 2039 રૂપિયા ઉછળીને 1,22,410 રૂપિયા પર પહોંચી ગઈ છે. બંને મેટલ્સના ભાવ અત્યાર સુધીના સર્વોત્તમ સ્તર પર ટ્રેડ થઈ રહ્યા છે.
આજનો સોનાનો ભાવ
ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટના 10 ગ્રામ સોનાનો ભાવ આજે 2,404 રૂપિયા ઉછળીને 1,04,792 રૂપિયા પર પહોંચી ગયો છે જે લાસ્ટ સેશન (28-8-2025)માં 1,02,388 પર ક્લોઝ થયો હતો. જ્યારે ચાંદીમાં 5,678 રૂપિયાનો ઉછાળો જોવા મળ્યો છે અને ભાવ 1,23,250 રૂપિયાની સપાટીએ પહોંચી ગયો છે. જે લાસ્ટ સેશનમાં 1,17,572 રૂપિયા પર ક્લોઝ થયો હતો.
કેરેટ પ્રમાણે ભાવ
#indicative #Retail Selling #Rates for #Jewellery
To get these rates on your phone give a missed call on - 8955664433
For more details contact: Saurabh +91 9004120120 / 022-23426971 / 022-23427459
Follow us on Twitter : https://t.co/lXovVzctug
Follow us on Instagram :… pic.twitter.com/nkkwVkAaoH
— IBJA (@IBJA1919) September 1, 2025
કેમ સોનાના ભાવમાં ભડકો જોવા મળ્યો?
પહેલું કારણ એ છે કે અમેરિકી મોંઘવારીના આંકડા બાદ ટ્રેડર્સ માની રહ્યા છે કે ફેડરલ રિઝર્વ સપ્ટેમ્બરની બેઠકમાં વ્યાજ દર ઘટાડી દેશે. 89% શક્યતા છે કે ફેડ 25 બેસિસ પોઈન્ટનો રેટ કટ કરશે. વ્યાજ દર ઘટાડાના દૌરમાં ગોલ્ડ અને સિલ્વર જેવા નોન યીલ્ડિંગ એસેટ્સ સૌથી વધુ ફાયદો ઉઠાવે છે. જેના કારણે રોકાણકારોએ સોના અને ચાંદીમાં તાબડતોબ ખરીદી શરૂ કરી છે.
બીજુ કારણ એ છે કે અમેરિકા અને યુરોપીયન સંઘ વચ્ચે ફરીથી ટેરિફ વોર છેડાઈ છે. રાષ્ટ્રપતિ ડોનાલ્ડ ટ્રમ્પે સ્પષ્ટ કહ્યું છે કે જો યુરોપીયન યુનિયન અમેરિકી વ્હિસ્કી પરથી 50 ટકા ટેક્સ નહીં હટાવે તો અમેરિકા યુરોપીયન દારૂ અને લિકર પ્રોડક્ટ્સ પર 200 ટકા ટેરિફ લગાવશે. આ ચેતવણીએ માર્કેટમાં અનિશ્ચિતતાઓ અને ડર વધાર્યા છે. જેનાથી રોકાણકારો સેફ હેવન તરફ ભાગી રહ્યા છે. બંનેમાં લીડ રોલમાં અમેરિકા જ છે.
ગોલ્ડ ETF માં ભારે ઈનફ્લો
છેલ્લા બે અઠવાડિયામાં ગોલ્ડ ETF માં લગભગ 15 ટનનો ઈનફ્લો જોવા મળ્યો છે. જે સ્પષ્ટ દેખાડે છે કે મોટા ફંડ હાઉસથી લઈને નાના રિટેલ રોકાણકારો સુદ્ધા ગોલ્ડમાં પૈસા નાખે છે. એનાલિસ્ટ્સનું કહેવું છે કે ફેડના રેટ કટ આવતા જ તેમાં વધુ તેજી જોવા મળી શકે છે. જ્યારે પણ ગ્લોબલ માર્કેટમાં ખેંચતાણ વધે છે રોકાણકારો સોના અને ચાંદી તરફ વળે છે. કારણ કે તે હંમેશાથી સુરક્ષિત રોકાણ ગણાય છે. આ વખતે પણ સ્થિતિ એવી છે. વ્યાજ દરો પર અનિશ્ચિતતા અને ટ્રેડ વોરના ડરે ગોલ્ડ સિલ્વરને નવી ઊંચાઈઓ પર પહોંચાડ્યા છે.
Disclaimer
IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
)