 "Gold Rate Today: GST રેટ કટના એલાનથી સોનું પછડાયું, ભાવમાં ભારે ઘટાડો, જાણો આજનો કેરેટ પ્રમાણે લેટેસ્ટ રેટ")
)
શેર બજારમાં ગુરુવારે જોરદાર તેજી સાથે કામકાજની શરૂઆત જોવા મળી. આ બધા વચ્ચે ઘરેલુ કોમોડિટી બજારમાં કડાકો જોવા મળ્યો છે. આજે સોના અને ચાંદીના ભાવમાં 1 ટકાનો ઘટાડો જોવા મળ્યો. જેનું મોટું કારણ કેન્દ્ર સરકાર તરફથી જીએસટી ના ભાવોમાં સુધારો છે. સરકારના આ નિર્ણયથી રોકાણકારનો જુસ્સો વધ્યો અને બજારમાં ખરીદી થઈ રહી છે. મલ્ટી કોમોડિટી એક્સચેન્જ (MCX) પર 3 ઓક્ટોબરના રોજ કોન્ટ્રાક્ટ એક્સપાયરીવાળું સોનું 1.21 ટકા તૂટીને 1,05,897 રૂપિયા પ્રતિ 10 ગ્રામ પર આજે જોવા મળ્યું. જ્યારે 5 સપ્ટેમ્બરના કોન્ટ્રાક્ટ એક્સપાયરીવાળી ચાંદી પણ 1.5 ટકાથી વધુ સસ્તી થઈ છે. જે વાયદા બજારમાં 1,23,871 રૂપિયા પ્રતિ કિલોગ્રામ જોવા મળી. આ સાથે રિટેલ બજારના ભાવ પણ જાણો.
સોના ચાંદીના આજના ભાવ
ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટના 10 ગ્રામ સોનાનો ભાવ આજે 270 રૂપિયા ઘટીને 105751 રૂપિયાની સપાટીએ પહોંચ્યો. જે કાલે 106021 ના સ્તરે ક્લોઝ થયો હતો. જ્યારે ચાંદીમાં 320 રૂપિયા ઘટ્યા અને ભાવ 122900 રૂપિયા પ્રતિ કિલોગ્રામ જોવા મળ્યો જે કાલે સાંજે 123220 રૂપિયા પર ક્લોઝ થયો હતો.
કેરેટ પ્રમાણે ભાવ
#indicative #Retail Selling #Rates for #Jewellery
To get these rates on your phone give a missed call on - 8955664433
For more details contact: Saurabh +91 9004120120 / 022-23426971 / 022-23427459
Follow us on Twitter : https://t.co/lXovVzctug
Follow us on Instagram :… pic.twitter.com/HJ38nMAd6a
— IBJA (@IBJA1919) September 4, 2025
સરકારે શું કરી જાહેરાત
અત્રે જણાવવાનું કે બુધવારે નાણામંત્રી નિર્મલા સીતારમણના નેતૃત્વમાં જીએસટી કાઉન્સિલની બેઠક શરૂ થઈ. આ બેઠકમાં સરકારે વર્તમાન 4 જીએસટી ટેક્સ સ્લેબને ખતમ કર્યા અને બે નવા સ્લેબની જાહેરાત કરી. જીએસટી કાઉન્સિલે 12 અને 28 ટકાના ટેક્સ સ્લેબને રદ કરવાની મંજૂરી આપી દીધી. જ્યારે 18 ટકા અને 5 ટકાના ટેક્સ સ્લેબની જાહેરાત કરી.
આ સેક્ટર્સને રાહત
આ સાથે સરકારે FMCG, વીમા, ઓટો સેક્ટરોના સામાન પર ટેક્સમાં ભારે કાપ મૂક્યો છે. વિશેષજ્ઞોનું કહેવું છે કે આ સુધારાઓથી આગામી ચારથી છ ત્રિમાસિકમાં ભારતના જીડીપી ગ્રોથમાં એક ટકાનો વધારો આવી શકે છે. આ સમાચારથી ઘરેલુ શેર બજારમાં પણ રોનક જોવા મળી. સેન્સેક્સ અને નિફ્ટી જેવા પ્રમુખ સૂચકઆંક સવારના સૌદાઓમાં લગભગ 1 ટકા જેટલા ઉછળ્યા.
વૈશ્વિક માર્કેટમાં પણ ઘટાડો
ગુરુવારે ગ્લોબલ માર્કેટમાં પણ સોનાના ભાવમાં ઘટાડો જોવા મળ્યો. વૈશ્વિક બજારમાં સોનાના હાલના રેકોર્ડથી તે નીચું ગયું. જો કે તેની પાછળનું કારણ પ્રોફિટ બુકિંગ છે. છેલ્લા કેટલાક ટ્રેડિંગ સેશનથી સોનું સતત ઉછળી રહ્યું હતું પરંતુ હાલ બ્રેક લાગતો જોવા મળ્યો છે.
Disclaimer
IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
