Gold Rate: અમેરિકા-ચીન વચ્ચે ટેરિફ વોરથી સોનું રોકેટ બન્યું, એક જ દિવસમાં 6000 રૂપિયા મોંઘુ થયું

ભારતમાં સોનાના ભાવમાં ભારે ઉછાળો જોવા મળ્યો છે. કોમોડિટીથી લઈને સ્થાનિક શરાફા બજાર સુધી શુક્રવારે ગોલ્ડની ખુબ ડિમાન્ડ રહી છે. અખિલ ભારતીય શરાફા સંઘના જણાવ્યાં મુજબ સ્થાનિક આભૂષણ વિક્રેતાઓની ભારે માંગણીના કારણે શુક્રવારે દિલ્હીમાં સોનાનો ભાવ 6250 રૂપિયા ઉછળીને 96,450 રૂપિયા પ્રતિ 10 ગ્રામના રેકોર્ડ હાઈ લેવલે પહોંચી ગયો. સોનાના ભાવમાં આ ઉછાળો ચીન-અમેરિકી વચ્ચે શરૂ થયેલી ટેરિફ વોરના કારણે છે. 

અમેરિકા ચીન વેપાર તણાવ વધવા વચ્ચે મજબૂત સુરક્ષિત રોકાણ માંગણીના કારણે ઈન્ટરનેશનલ બજારમાં કિંમતી ધાતુના ઓલટાઈમ હાઈ લેવલે પહોંચવાથી ઘરેલુ ભાવોમાં ઉછાળો જોવા મળ્યો. બુધવારે 99.9 ટકા પ્યોરિટીવાળું ગોલ્ડ 90,200 રૂપિયા પ્રતિ 10 ગ્રામ પર બંધ થયું હતું. 

એક જ દિવસમાં 6 હજાર રૂપિયા ઉછળ્યું
4 દિવસના ભારે કડાકા બાદ 99.5 ટકા શુદ્ધતાવાળું સોનું 6,250 રૂપિયા ઉછળ્યું અને તે 96,000 રૂપિયા પ્રતિ 10 ગ્રામના સ્તરે પહોંચ્યું. જ્યારે એક દિવસ પહેલા તેનો ભાવ 89,750 રૂપિયા પ્રતિ 10 ગ્રામ હતું. 

ચાંદીના ભાવમાં પણ તેજી
ગ્લોબલ માર્કેટમાં તેજીના કારણે ચાંદીનો ભાવ પણ 2,300 રૂપિયાની તેજી સાથે 95,500 રૂપિયા પ્રતિ કિલોગ્રામ પર પહોંચી ગયો. ગત બજાર બંધમાં ચાંદીનો ભાવ 93,200 રૂપિયા પ્રતિ કિલોગ્રામ પર બંધ થયો હતો. મહાવીર જયંતીના અવસરે ગુરુવારે શરાફા બજાર બંધ રહ્યા. 

MCX ઉપર પણ રેકોર્ડ બનાવ્યો
વાયદા બજાર મલ્ટી કોમોડિટી એક્સચેન્જ (MCX) પર જૂન વાયદા માટે સોનાનો  ભાવ 1,703 રૂપિયા ચડીને 93,736 રૂપિયા પ્રતિ 10 ગ્રામના ઉચ્ચતમ સ્તરે પહોંચી ગયો. એમસીએકસ ઉપર પણ ગોલ્ડે રેકોર્ડ સ્તર ટચ કર્યો. એ જ રીતે ઈન્ટરનેશનલ માર્કેટમાં હાજર સોનું 3,237.39 ડોલર પ્રતિ ઔંસના નવા શિખર પર પહોંચી ગયું અને પછી તે 3,222.04 ડોલર પ્રતિ ઔંસ સુધી આવ્યું. આ ઉપરાંત એશિયન બજારોમાં કોમેક્સ સોનું વાયદો વધીને 3,249.16 ડોલર પ્રતિ ઔંસના રેકોર્ડ ઉચ્ચ સ્તર પર પહોંચી ગયું. 

ટ્રમ્પ-જિનપિંગમાં છેડાઈ જંગ!
અમેરિકાના રાષ્ટ્રપતિ ડોનાલ્ડ ટ્રમ્પ ચીનને પાઠ ભણાવવા માટે ટેરિફને વધારી રહ્યા છે. બીજી બાજુ ચીની રાષ્ટ્રપતિ શી જિનપિંગ પણ અમેરિકા પર વળતો પ્રહાર કરીને ટેરિફ ઝીંકી રહ્યા છે. અમેરિકાએ ચીન પર અત્યાર સુધીમાં 145 ટકા ટેરિફ લગાવ્યો. જ્યારે ચીને અમેરિકા પર 125 ટકા ટેરિફની જાહેરાત કરી છે. જે આજે એટલે કે 12 એપ્રિલથી પ્રભાવી થશે. આવામાં મંદીનું જોખમ વધતું જોવા મળી રહ્યું છે.