Gold Rate Today: બજાર ખુલતા જ સોનાના ભાવ ધડામ, ઘટેલા ભાવે ખરીદી લો સોનું, અમદાવાદ-રાજકોટમાં કેટલો છે ભાવ? જાણો લેટેસ્ટ રેટ
Today gold price in Ahmedabad: સોના અને ચાંદીના ભાવમાં ભારે ઉતાર ચડાવ જોવા મળી રહ્યા છે. હાલ સોનું અને ચાંદી રોકાણની દ્રષ્ટિએ રોકાણકારોને ખુશ કરે છે પરંતુ લગ્નગાળામાં જો સોનાની ખરીદી કરવાની હોય તો ભારે પડે એવા ભાવ જોવા મળી રહ્યા છે. આજના લેટેસ્ટ રેટ ખાસ ચેક કરો.
Trending Photos
- 12
- 6
- 8
- 7
)
Gold Silver price today: ભારતીય શેર બજારમાં આવેલી તેજી વચ્ચે સોનાના ભાવમાં કડાકો જોવા મળી રહ્યો છે. MCX પર સોનાના ભાવમાં ઘટાડો જોવા મળ્યો જ્યારે ચાંદીમાં તેજી જોવા મળી. જ્યારે શરાફા બજારમાં સોનાના ભાવમાં કડાકાનો માહોલ આજે નવા અઠવાડિયાના પહેલા દિવસે પણ ચાલુ રહ્યો અને ચાંદીમાં મામૂલી વધારો જોવા મળ્યો. જો તમે પણ સોના કે ચાંદીની ખરીદીનું વિચારી રહ્યા હોવ તો ફટાફટ લેટેસ્ટ રેટ ચેક કરો.
વાયદા બજારમાં ભાવ
વાયદા બજાર MCX પર આજે સવારે સોનું 44 રૂપિયા તૂટીને ₹87,734 પ્રતિ 10 ગ્રામ પર ટ્રેડ થતું જોવા મળ્યું. જ્યારે ચાંદીના ભાવમાં ઉછાળો જોવા મળ્યો. ચાંદી પ્રતિ કિલોગ્રામ 336 રૂપિયા ઉછળીને ₹98,220 પર ટ્રેડ થઈ રહી હતી.
શરાફા બજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 324 રૂપિયા ગગડીને 87845 રૂપિયાની સપાટીએ ખુલ્યું જે શુક્રવારે કડાકા સાથે 88169 રૂપિયા પર ક્લોઝ થયું હતું. જ્યારે ચાંદી મામૂલી વધારા સાથે એટલે કે 18 રૂપિયા વધીને 97638 રૂપિયા પર ખુલી જે શુક્રવારે કડાકા સાથે 97620 રૂપિયા પર ક્લોઝ થઈ હતી.
આંતરરાષ્ટ્રીય બજારમાં ભાવ
નબળો ડોલર અને નફાવસૂલીના પગલે સોના અને ચાંદીમાં કડાકો જોવા મળ્યો. આંતરરાષ્ટ્રીય બજારમાં સોનું 3050 ડોલરના સ્તરે હતું જ્યારે ચાંદી 1.5% તૂટીને 34 ડોલર નીચે આવી ગઈ. ઘરેલુ બજારમાં સોનું 900 રૂપિયા ગગડીને 87,800 રૂપિયા પર્તિ 10 ગ્રામ નીચે બંધ થયું. જ્યારે ચાંદી 1,500 રૂપિયા તૂટીને 97,900 રૂપિયા પ્રતિ કિલોગ્રામ પર આવી ગઈ. ક્રૂડ ઓઈલના ભાવ 72 ડોલર જળવાઈ રહ્યા છે.
Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
