 "Gold Rate Today: હદ કરી નાખી સોનાએ, લેટેસ્ટ રેટ જાણી હ્રદયના ધબકારા વધી જશે, છતાં તમને છે સસ્તું સોનું લેવાની તક!")
)
ઘરેલુ અને આંતરરાષ્ટ્રીય બજારમાં સોનું ફરી ચમકી રહ્યું છે. સોમવારે સોનાના ભાવે નવો રેકોર્ડ બનાવ્યો અને આજે મંગળવારે પણ સોનામાં તેજી ચાલુ છે. MCX પર ગોલ્ડ ફ્યૂચર્સ 83,500 રૂપિયાની સપાટી પાર કરી ગયું છે જ્યારે સ્પોટ પ્રાઈસ પણ નવી ઊંચાઈ પર પહોંચી છે. શરાફા બજારમાં પણ સોનું અને ચાંદી ઉછળ્યા છે. જો તમે પણ સોનું કે ચાંદી લેવાનું વિચારતા હોવ તો ફટાફટ લેટેસ્ટ રેટ ચેક કરો.
MCX ગોલ્ડ ફ્યૂચર્સ અને સ્પોટ પ્રાઈસ
આજે MCX પર એપ્રિલ 2025ના ગોલ્ડ ફ્યૂચર્સ કોન્ટ્રાક્ટમાં 83,500 રૂપિયા પ્રતિ 10 ગ્રામના સ્તરે સોનું જોવા મળ્યું. ગત કારોબારી સેશનમાં ગોલ્ડ ફ્યૂચર્સ 83,324 રૂપિયા પર ક્લોઝ થયું હતું. જે આજની સરખામણીમાં 124 રૂપિયા ઓછું હતું. જ્યારે સ્પોટ માર્કેટમાં સોનાનો ભાવ 85,300 રૂપિયા પ્રતિ 10 ગ્રામના નવા રેકોર્ડ સ્તર પર પહોંચી ગયું છે.
ચાંદીમાં પણ તેજી
સોનાની સાથે સાથે ચાંદીમાં પણ તેજી જોવા મળી રહી છે. MCX પર સિલ્વર ફ્યૂચર્સ 94,360 રૂપિયા પ્રતિ કિલોગ્રામ નજીક પહોંચી ગયું છે. ગત સત્રમાં ચાંદી 94,257 રૂપિયા પ્રતિ કિલોગ્રામ પર ક્લોઝ થઈ હતી. જે આજની સરખામણીમાં 35 રૂપિયા ઓછી હતી. સ્પોટ માર્કેટમાં ચાંદીનો ભાવ 96,000 રૂપિયા પ્રતિ કિલોગ્રામના સ્તરે જોવા મળી રહ્યો છે.
શરાફા બજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 259 રૂપિયા ચડીને 82,963 રૂપિયાના સ્તરે પહોંચી ગયું જે કાલે મોટા ઉછાળા સાથે 82,704 પર ક્લોઝ થયું હતું. જ્યારે ચાંદી આજે 162 રૂપિયા ઉછળીને 93,475 રૂપિયા પ્રતિ કિલોગ્રામ પર પહોંચી જે કાલે 93,313 રૂપિયા પર ક્લોઝ થઈ હતી.
#Gold and #Silver Opening #Rates for 04/02/2025
For more details contact: Saurabh +91 9004120120 / 022-23426971 / 022-23427459
Follow us on Twitter : https://t.co/lXovVzbVEI
Follow us on Instagram : https://t.co/ZOr2uGjPPE
Follow us on Facebook : https://t.co/9tJn571sBM… pic.twitter.com/4JYKOUYNmk
— IBJA (@IBJA1919) February 4, 2025
રિટેલ ભાવ પર ફેરવો નજર
કેરેટ પ્રમાણે સોનાના ભાવ ખાસ જાણો.
#indicative #Retail selling #Rates for #Jewellery
To get these rates on your phone give a missed call on - 8955664433For more details contact: Saurabh +91 9004120120 / 022-23426971 / 022-23427459
Follow us on Twitter : https://t.co/lXovVzbVEI
Follow us on Instagram :… pic.twitter.com/IpplKCLAoE
— IBJA (@IBJA1919) February 4, 2025
આંતરરાષ્ટ્રીય બજારમાં અસર
આંતરરાષ્ટ્રીય બજારમાં કોમેક્સ ગોલ્ડનો ભાવ 2,827.50 ડોલર પ્રતિ ઔંસ નજીક છે. જો કે ગ્લોબલ માર્કેટમાં સોનાના ભાવમાં મામૂલી ઘટાડો જોવા મળ્યો છે. પરંતુ ઘરેલુ બજારમાં રૂપિયાની નબળાઈના કારણે સોનાના ભાવમાં તેજી છે. કાલે રૂપિયો અમેરિકી ડોલરની સરખામણીમાં 87.17ના ઓલરાઈમ લો સ્તર પર બંધ થયો. જેનાથી સોનાના ભાવમાં વધુ ઉછાળો જોવા મળ્યો.
કેમ વધી રહ્યા છે સોનાના ભાવ
રૂપિયાની નબળાઈ
અમેરિકી ડોલરની સરખામણીમાં રૂપિયાની કિંમતમાં ઘટાડાથી સોનાના ભાવ વધી રહ્યા છે.
વૈશ્વિક અનિશ્ચિતતા
અમેરિકા દ્વારા કેનેડા, મેક્સિકો અને ચીન પર ટેરિફે લગાવવાની યોજનાથી વૈશ્વિક બજારમાં અનિશ્ચિતતા વધી છે.
મોંઘવારીનું દબાણ
મોંઘવારી વધવાની આશંકાના કારણે રોકાણકારો સોના તરફ વળી રહ્યા છે.
માંગણીમાં વધારો
ઘરેણા વેચનારા વેપારીઓ અને સ્ટોકિસ્ટોની માંગણીમાં વધારો થવાથી પણ સોનાના ભાવને સપોર્ટ મળી રહ્યો છે.
Gold Price Outlook
એચડીએફસી સિક્યુરિટીઝના વરિષ્ઠ જિન્સ વિશ્લેષક સૌમિલ ગાંધીએ કહ્યું કે, અમેરિકી ડોલરમાં મજબૂતી અને તરલતા દબાણ છતાં સોનાના ભાવમાં તેજી જોવા મળી રહી છે. અમેરિકી રાષ્ટ્રપતિ ડોનાલ્ડ ટ્રમ્પની ટેરિફ યોજનાથી વૈશ્વિક બજારમાં અનિશ્ચિતતા વધી છે જેનાથી સોનું એક સુરક્ષિત રોકાણ વિકલ્પ તરીકે ઉભરી રહ્યું છે.
વિશેષજ્ઞોનું માનવું છે કે જો રૂપિયો વધુ નબળો પડે તો ગ્લોબલ માર્કેટમાં અનિશ્ચિતતા જળવાઈ રહે તો સોનાના ભાવ વધુ ઉપર જઈ શકે છે. જો કે અમેરિકી ડોલરમાં મજબૂતી અને વ્યાજ દરોમાં વધારાની આશંકાથી સોનાના ભાવ પર દબાણ પણ બની શકે છે.
રોકાણકારોને સલાહ
રોકાણકારોએ સોનામાં રોકાણ કરતી વખતે બજારની સ્થિતિ અને વૈશ્વિક ઘટનાક્રમોને ધ્યાનમાં રાખવા જોઈએ. જો તમે લાંબા ગાળાનું રોકાણ કરતા હોવ તો સોનું એક સુરક્ષિત વિકલ્પ હોઈ શકે છે. જો કે ટૂંકાગાળાના રોકાણકારોએ બજારમાં ઉતાર ચડાવ પ્રત્યે સતર્કતા રાખવાની જરૂર છે.
ખાસ નોંધ
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
