આ વસ્તુઓ પર પહેલા કરતા વધી ગયો ટેક્સ, ચેક કરો નવરાત્રિથી મોંઘા થનારા સામાનોનું લિસ્ટ

2.0 What Costlier: નાણામંત્રી નિર્મલા સીતારમણે જીએસટી સિસ્ટમમાં મોટો ફેરફાર કર્યાં છે. તેને જીએસટી 2.0 નામ આપવામાં આવ્યું છે. નવી સિસ્ટમમાં ટેક્સ સ્ટ્રક્ચરને વધુ સરલ બનાવવા માટે માત્ર બે સ્લેબ રાખવામાં આવ્યા છે. આ સાથે ઘણી વસ્તુ પર ટેક્સના દરમાં ફેરફાર થયો છે. જ્યાં એક તરફ જીવન જરૂરી વસ્તુઓ  પર ટેક્સ ઘટશે. તો બીજીતરફ હવે નુકસાનકારક અને મોજશોખની વસ્તુઓ પર જીએસટી ટેક્સ વધારી દેવામાં આવ્યો છે. જીએસટી કાઉન્સિલે હવેથી જે વસ્તુઓમાં સુગર, અન્ય મિઠાવ આપનાર પદાર્થ કે ફ્લેવર ઉમેર્યા છે (જેમ કે એરેટેડ વોટર અને સોફ્ટ ડ્રિંક્સ) તેના પર લાગનાર જીએસટી 28 ટકાથી વધારી 40 ટકા કરવામાં આવ્યો છે. આ નવી સિસ્ટમ 22 સપ્ટેમ્બર 2025થી લાગૂ થશે.

શું છે સરકારનો ઈરાદો
મહત્વનું છે કે આ ફેરફારનો ઉદ્દેશ્ય સામાન્ય જરૂરિયાતની વસ્તુઓ પર ટેક્સનો ભાર ઘટાડવો અને લક્ઝરી કે હાનિકારક વસ્તુઓ પર વધુ ટેક્સ લગાવવો, જેથી રેવેન્યુ પણ વધે અને ઉપભોગ સંતુલિત રહે. આ સિવાય નાણામંત્રીએ કહ્યું કે 1200 સીસીથી મોટી પેટ્રોલ અને 1500 સીસીથી મોટી ડીઝલ કારો પર 40 ટકા ટેક્સ લાગશે.

આ વસ્તુઓ પર 40 ટકા જીએસટી લાગશે
મહત્વનું છે કે મહત્તમ ટેક્સ સ્લેબ (40% ) બનાવવામાં આવ્યો છે, જેમાં લક્ઝરી અને સિન ગુડ્સ પર લાગૂ કરવામાં આવશે. જે વસ્તુઓ પર 40 ટકા ટેક્સ લાગશે તે નીચે પ્રમાણે છે.

આ પણ વાંચોઃ ખુશખબર! હેલ્થ અને લાઈફ ઈન્શ્યોરન્સ પર નહીં લાગે કોઈ GST, રોજિંદા વસ્તુઓ પર રાહત

- બધા પ્રકારના એરેટેડ વોટર
- કાર્બોનેટેડ બ્રેવરેજ
- કેફીન યુક્ત ડ્રિંક્સ
- નોન-આલ્કોહોલિક બેવરેજ
- 350CCથી ઉપર એન્જિન ક્ષમતાવાળી બાઇકો
- હેલીકોપ્ટર
- યોટ્સ

સરળ ભાષામાં કહો તો સોફ્ટ ડ્રિંક્સ, સુગર અને ફ્લેવર એડેડ ડ્રિંક્સ, લક્ઝરી વસ્તુઓ મોંઘી થશે કારણ કે તેના પર 40 ટકા ટેક્સ લગાવવામાં આવ્યો છે. પરંતુ તમાકુ ઉત્પાદનો પર હાલ 28 ટકા જીએસટી રહેશે, પરંતુ આગળ જતાં તેને 40 ટકાના સ્લેબમાં સામેલ કરવામાં આવી શકે છે.