 "JIO IPO: શું રિલાયન્સના 44 લાખ શેરધારકોને ફ્રીમાં મળશે જિયોના શેર? આ રહ્યો જવાબ")
JIO IPO: દેશની સૌથી મોટી કંપનીઓમાંથી એક રિલાયન્સ ઈન્ડસ્ટ્રીઝ (RIL) ના ચેરમેન મુકેશ અંબાણીએ જાહેરાત કરી છે કે તેની ટેલીકોમ અને ડિજિટલ સેવાઓવાળી કંપની Jio Platforms હવે આઈપીઓ લાવવાની તૈયારીમાં છે. આ આઈપીઓ 2026ના પ્રથમ છ મહિનામાં આવી શકે છે અને તેના દ્વારા જિયો 13.5 લાખ કરોડ રૂપિયાથી વધુ વેલ્યુએશનવાળી કંપની બની શકે છે.
પરંતુ આ સમાચાર વચ્ચે RIL ના 44 લાખ શેરધારકોના મનમાં એક મોટો સવાલ છે કે શું તેને જિયોમાં સીધો હિસ્સો મળશે કે નહીં. મહત્વનું છે કે વર્ષ 2023મા RIL એ પોતાના નાણાકીય યુનિટ Jio Financial Services ને અલગ કર્યું હતું અને તેના લિસ્ટિંગ પર રિલાયન્સના શેરધારકને એકના બદલે એક શેર ફ્રી મળ્યો હતો.
IPO માં રોકાણ પર જ મળશે શેર?
આ વખતે જિયોના મામલામાં મુકેશ અંબાણીએ આઈપીઓનો માર્ગ પસંદ કર્યો છે એટલે કે શેરધારકોને જિયોના શેર ફ્રી મળશે નહીં પરંતુ જો તે ભાગીદારી ઈચ્છે છે તો તેણે આઈપીઓમાં પૈસા લગાવી શેર ખરીદવા પડશે. પરંતુ ભલે RILના શેરધારકોને સીધા જિયોના શેર ન મળે, પરંતુ RIL ની 66.3% ભાગીદારી Jio Platforms માં રહેશે. તેથી કંપનીના પ્રોફિટનો ફાયદો અંતમાં રિલાયન્સને મળશે અને અહીંથી શેરધારકોને ઇનડાયરેક્ટ રૂપથી લાભ થઈ શકે છે.
ETના અહેવાલ મુજબ, એન્ટિક, જેફરીઝ અને ગોલ્ડમેન સૅક્સ જેવા બ્રોકરેજ હાઉસ માને છે કે Jioનું મજબૂત નાણાકીય પ્રદર્શન, ગ્રાહકોની વૃદ્ધિ અને સંભવિત ટેરિફ વધારા RILને લાંબા ગાળાના ફાયદા લાવશે.
અત્યાર સુધીનો સૌથી મોટો IPO?
જો Jioનો માત્ર 5% હિસ્સો પણ વેચાય છે, તો આ IPO રૂ. 58,000-67,500 કરોડ એકત્ર કરી શકે છે. જે ભારતના અત્યાર સુધીના સૌથી મોટા IPO કરતાં મોટો હશે. અગાઉ, Hyundai Motor India (2024) એ લગભગ રૂ. 27,870 કરોડનો IPO લાવીને રેકોર્ડ બનાવ્યો હતો.
AGM માં મુકેશ અંબાણીએ તે પણ ઈશારો કર્યો કે જિયો હવે માત્ર ભારત જ નહીં પરંતુ વિશ્વભરમાં પોતાની તકનીક અને સેવાઓ લઈ જવાની યોજના બનાવી રહ્યું છે. તેનો મતલબ છે કે જિયો માટે ગ્લોબલ વિસ્તાર અને પ્રીમિયમ વેલ્યુએશનની સંભાવના ખુલી ગઈ છે.
)