 "1 શેર પર 1 શેર બોનસ આપી રહી છે કંપની, રેકોર્ડ ડેટ જાહેર, ભાવ 10 રૂપિયા")
Stock Market: શેર બજારમાં આજે Julien Agro Infratech Ltd ના શેરમાં તેજી જોવા મળી છે. 10 રૂપિયાની કિંમતવાળા આ શેરમાં તેજી પાછળ એક કારણ છે. કંપનીએ બોનસ શેર માટે રેકોર્ડ ડેટ જાહેર કરી છે. એક્સચેન્જને આપેલી જાણકારીમાં Julien Agro Infratech Ltd એ જણાવ્યું કે 5 રૂપિયાની ફેસ વેલ્યુવાળા એક શેર પર એક બોનસ શેર આપવામાં આવશે. આ બોનસ ઈશ્યુ માટે કંપનીએ 6 ઓક્ટોબર 2025ના દિવસને રેકોર્ડ ડેટ જાહેર કરી છે. એટલે કે આ દિવસે જે ઈન્વેસ્ટરો પાસે કંપનીના શેર હશે તેને બોનસ શેરનો ફાયદો મળશે. નોંધનીય છે કે Julien Agro Infratech Ltd પ્રથમવાર ઈન્વેસ્ટરોને બોનસ શેર આપવાની છે.
કંપનીના શેરમાં તેજી
બીએસઈમાં આ શેર 10.03 રૂપિયાના લેવલ પર ખુલ્યો હતો. પરંતુ ત્યારબાદ શેરમાં તેજી આવી અને કિંમત 10.09 રૂપિયાના ઈન્ટ્રા-ડે હાઈ પર પહોંચી હતી. છેલ્લા બે સપ્તાહમાં Julien Agro Infratech Ltd ના શેરની કિંમતમાં 18 ટકાની તેજી આવી છે. તો છેલ્લા છ મહિનાથી શેરને હોલ્ડ કરનાર ઈન્વેસ્ટરોના પોર્ટફોલિયોમાં 4.85 ટકા નેગેટિવ રિટર્ન જોવા મળી રહ્યું છે. એક વર્ષમાં કંપનીના શેરના ભાવમાં 22 ટકાનો ઘટાડો થયો છે. Julien Agro Infratech Ltd નો 52 વીક હાઈ 17.32 રૂપિયા અને 52 વીકનું લો લેવલ 6.55 રૂપિયા છે. કંપનીનું માર્કેટ કેપ 39.06 કરોડ રૂપિયા છે. છેલ્લા પાંચ વર્ષમાં આ સ્ટોકે ઈન્વેસ્ટરોને 145 ટકાનું રિટર્ન આપ્યું છે.
કંપનીના શેર થયા હતા સ્પ્લિટ
Julien Agro Infratech Ltd ના શેર જુલાઈ મહિનામાં એક્સ-ડિવિડન્ડ ટ્રેડ થયા હતા. ત્યારે કંપનીએ એક શેર પર 0.02 રૂપિયાનું ડિવિડન્ડ આપ્યું હતું. તે પહેલા કંપની આ વર્ષે ફેબ્રુઆરીમાં એક્સ-ડિવિડન્ડ ટ્રેડ થઈ હતી. ત્યારે કંપનીએ એક શેર પર 0.05 રૂપિયાનું ડિવિડન્ડ આપ્યું હતું. મહત્વનું છે કે Julien Agro Infratech Ltd ના શેરનું વિભાજન 2 ભાગમાં થયું હતું. ત્યારબાદ કંપનીના શેરની ફેસ વેલ્યુ ઘટીને 5 રૂપિયા પ્રતિ શેર થઈ ગઈ હતી.
(આ રોકાણની સલાહ નથી. શેર બજાર જોખમો અધીન છે. કોઈપણ રોકાણ પહેલા એક્સપર્ટની સલાહ જરૂર લો)
)