ફરી વધ્યા કપાસિયા તેલ અને સિંગતેલના ભાવ, આ છે લેટેસ્ટ પ્રાઈઝ

• ચીને હાજર માલમાં ખરીદી કરતા ડિમાન્ડ  નીકળી અને આ કારણે ભાવ વધ્યા
• પાસિયા તેલનો ભાવ 2100 થી 2450 થયો છે. તો સિંગતેલનો ડબો 2600 થી 2750 રૂપિયા થયો

ગૌરવ દવે/રાજકોટ :રાજકોટ સિંગતેલના ભાવમાં આ અઠવાડિયામાં ડબે રૂપિયા 40 થી 50 રૂપિયાનો વધારો ઝીંકાયો છે. સિંગતેલના ડબામાં 150 ના ઘટાડો બાદ ફરી વધારો જોવા મળ્યો છે. તો બીજી તરફ, કપાસિયા તેલના ભાવમાં પણ 50 રૂપિયાનો વધારો થયો છે. ભાવ વધારા બાદ કપાસિયા તેલનો ડબો 2100 થી 2450 રૂપિયા થયો છે. તો સિંગતેલનો ભાવ 2600 થી 2750 રૂપિયા થયો છે. ચીને હાજર માલમાં ખરીદી કરતા ડિમાન્ડ  નીકળી અને આ કારણે ભાવ વધ્યા છે. 

આ પણ વાંચો : ધોરણ 10 ના પરિણામનું કાઉન્ટડાઉન શરૂ, આજથી શાળાઓ વેબસાઈટ પર માર્ક અપલોડ કરશે 

મે મહિના ભાવ ઘટ્યા હતા, હવે ફરી વધ્યા 
મે મહિનાના અંતમાં સિંગતેલના ભાવમાં મોટો ઘટાડો થયો હતો. જેથી લોકોને રાહત થઈ હતી. મે મહિનામાં ખાદ્યતેલના ભાવમાં ઘટાડો થતા ખાદ્યતેલમા વાયદા બજાર ખુલતાની સાથે જ કડાકો બોલાયો હતો. જેથી સિંગતેલના ડબ્બાના ભાવમાં 50 રૂપિયાનો ઘટાડો થયો હતો. તો કપાસિયા તેલના ભાવ 30 રૂપિયા ઘટ્યા હતા. સિંગતેલ ડબ્બો 2500થી 2550 થયો હતો. જેના બાદ સતત ભાવ ઘટ્યા હતા. આ પાછળ ચીનની માંગ કારણભૂત છે. સીંગતેલમાં છેલ્લા કેટલાક સમયથી ચાઈના સાથેના વેપાર બંધ હતા.બીજી તરફ ઈમ્પોર્ટ તેલના ભાવ કાબુમાં આવ્યા હતા.તેની સાથે સાથે સીંગતેલના ભાવમાં ધટાડો જોવા મળ્યો હતો.

આ પણ વાંચો : ઓફિસોમાં 100 ટકા હાજરીથી રસ્તાઓ પર ફરી એ જ ભીડ જોવા મળી, ક્યાંક કોરોના ફરી ઉથલો ન મારે

ચીનને કારણે ડિમાન્ડ વધી અને ભાવ પણ વધ્યા 
પરંતુ હવે ચાઈનાએ હાજર માલમાં ખરીદી કરતા ડિમાન્ડ  નીકળી અને આ કારણે ભાવ વધ્યા છે. સ્થિર વલણ રહ્યા બાદ ફરી પાછો ભાવમાં વધારો આવતા કપાસિયા તેલનો ભાવ 2100 થી 2450 થયો છે. તો સિંગતેલનો ડબો 2600 થી 2750 રૂપિયા થયો છે. આ ભાવ અલગ અલગ બ્રાન્ડ મુજબ અલગ અલગ છે.