સિસ્ટમેટિક ઇન્વેસ્ટમેન્ટ પ્લાન (SIP) એ લાંબા ગાળાની રોકાણ પ્રક્રિયા છે. રોકાણ પર મજબૂત વળતરની સાથે, જો તમે તેને લાંબા ગાળા સુધી જાળવી રાખો છો, તો તમને ચક્રવૃદ્ધિનો લાભ પણ મળે છે અને એક વિશાળ ભંડોળ એકઠું થાય છે.
)
Investment Tips: જીવનમાં દરેક લોકો કરોડપતિ બનવાનું સપનું જુએ છે. આમ તો કરોડપતિ બનવા માટે કોઈ શોર્ટકટ નથી. પરંતુ જો કેટલીક વાતનું ધ્યાન રાખવામાં આવે, પ્લાનિંગ સાથે બચત અને સ્માર્ટ ઈન્વેસ્ટમેન્ટ કરવામાં આવે તો તમે કેટલાક વર્ષમાં મોટું ફંડ બનાવી શકો છો. જેટલી નાની ઉંમરથી ઈન્વેસ્ટમેન્ટ શરૂ કરશો, એટલું વધુ મોટું ફંડ તૈયાર થશે. દરરોજ માત્ર 300 રૂપિયા બચાવી એટલે કે મહિનાના 9000 રૂપિયા જમા કરી કરોડપતિ બની શકાય છે.
જો તમારી ઉંમર 25 વર્ષ છે અને કોઈ નોકરી કરો છો તો તમારા પગારમાંથી દરરોજ 300 રૂપિયા બચાવો. આમ કરવાથી તમે આગામી 21 વર્ષમાં કરોડપતિ બની શકો છો. આ પૈસા તમારે એક Systematic Investment Plan એટલે કે SIP માં લગાવવા પડશે.
દર મહિને 9000 રૂપિયા બચાવી કઈ રીતે બનશો કરોડપતિ?
તે માટે તમારે દરરોજ આશરે 300 રૂપિયા અને દર મહિને 9000 રૂપિયા બચાવવા પડશે.
આ 9000 રૂપિયાની એસઆઈપી કરાવવી પડશે. સમયગાળો 21 વર્ષનો રાખવો પડશે. એટલે કે ત્યાં સુધી તમે SIP માંથી પૈસા ઉપાડી શકશો નહીં.
જો 12% સુધીનું રિટર્ન માની હિસાબ કરો તો તમારૂ કુલ રોકાણ 22,68,000 રૂપિયા થશે.
કમ્પાઉન્ડિંગની સાથે રિટર્નનો હિસાબ કરો તો આ દરમિયાન 79,80,068 રૂપિયા થઈ જશે.
કુલ મળી તમારૂ ટોટલ ફંડ 21 વર્ષમાં 1,02,48,068 રૂપિયા થઈ જશે. જો તમે દર મહિને રોકાણની રકમ વધારો તો 20 વર્ષ પહેલા કરોપડતિ બની જશો.
ડિવિડન્ડ રિઇન્વેસ્ટમેન્ટ પ્લાન
તમે ઈચ્છો તો ડિવિડન્ડ રિઇનવેસ્ટમેન્ટ પ્લાનનો વિકલ્પ પસંદ કરી શકો છો. આ હેઠળ તમને જે રિટર્ન મળે છે તેને બીજીવાર ઈન્વેસ્ટ કરી દો. તેવામાં ઈન્વેસ્ટમેન્ટ થનારી રકમમાં સતત વધારો થાય છે. રિટર્ન પણ વધે છે. આ રીતે 2થી 6 ટકા ડિવિડન્ડ દર વર્ષે મળી શકે છે. આ બધુ ફંડના પ્રકાર અને સ્ટોક પર નિર્ભર કરે છે.
RD પણ સારો વિકલ્પ
દર મહિને 5500 રૂપિયાની આરડી જમા કરવાથી કરોડપતિ બની શકો છો. તે માટે બેંકમાં પહેલા આરડી એકાઉન્ટ ખોલાવો. તેમાં દર મહિને આટલી રકમ જમા કરો. જો તમને 9% હિસાબે દર વર્ષે વ્યાજ મળે તો માત્ર 30 વર્ષમાં તમે કરોડપતિ બની જશો.
