 "આ સરકારી સ્કીમમાં તમારા પૈસા થઈ જશે ડબલ, માત્ર 115 મહિનામાં મળી જશે ફાયદો")
)
Post Office: જો તમે પણ તમારા પૈસા સુરક્ષિત રીતે રોકાણ કરવા ઈચ્છો છો, જ્યાં ન તો બજારના ઉતાર-ચઢાવનો ડર હોય ન છેતરપિંડીની ચિંતા હોય તો આ માહિતી તમારા માટે છે. આજના સમયમાં લોકો શેર બજાર, મ્યુચ્યુઅફલ ફંડ કે ખાનગી કંપનીોની સ્કીમમાં રોકાણ કરે છે, પરંતુ ત્યાં જોખમ પણ રહેલું હોય છે.
તેવામાં જો તમે એવી યોજના શોધી રહ્યાં છો જેમાં તમારા પૈસા સુરક્ષિત રહે અને સમયની સાથે ડબલ થઈ જાય, તો તમારા માટે સરકારની એક શાનદાર સ્કીમ કિસાન વિકાસ પત્ર (Kisan Vikas Patra) હાજર છે. ખાસ વાત છે કે તેમાં રોકાણ કરવું સરળ છે અને તમે માત્ર 1000 રૂપિયાથી તેની શરૂઆત કરી શકો છો.
શું છે કિસાન વિકાસ પત્ર યોજના?
કિસાન વિકાસ પત્ર એક સરકારી બચત યોજના છે, જેને પોસ્ટ ઓફિસ દ્વારા ચલાવવામાં આવે છે. આ યોજના ખાસ તે લોકો માટે છે જે જોખમથી દૂર રહી લાંબા સમય સુધી સુરક્ષિત રોકાણ કરવા ઈચ્છે છે. આ યોજનાની સૌથી સારી ખૂબી છે કે તેમાં મળનાર વ્યાજ વાર્ષિક 7.5% ચક્રવૃદ્ધિ હોય છે, જેનાથી તમારા પૈસા માત્ર 115 મહિના એટલે કે આશરે 9 વર્ષ 7 મહિનામાં ડબલ થઈ જાય છે.
તમે આ યોજનામાં ફક્ત 1000 રૂપિયાથી રોકાણ શરૂ કરી શકો છો. સૌથી સારી વાત એ છે કે તેમાં કોઈ મહત્તમ રોકાણ મર્યાદા નથી, એટલે કે, તમે જેટલું ઇચ્છો તેટલું રોકાણ કરી શકો છો.
તમને કેટલું વળતર મળશે?
ધારો કે તમે આ યોજનામાં 1 લાખ રૂપિયાનું રોકાણ કરો છો, તો 115 મહિના પૂર્ણ થયા પછી તમને 2 લાખ રૂપિયા મળશે. આ યોજના તમામ પ્રકારના રોકાણકારો માટે ફાયદાકારક છે, ખાસ કરીને જેઓ લાંબા ગાળા માટે રોકાણ કરવા માંગે છે અને કોઈપણ તણાવ વિના વળતર ઇચ્છે છે.
કોણ કરી શકે છે રોકાણ?
કોઈપણ ભારતીય નાગરિક આ સ્કીમમાં રોકાણ કરી શકે છે. સ્કીમ હેઠળ તમે સિંગલ કે સંયુક્ત એકાઉન્ટ ખોલાવી શકો છો. આ સિવાય અભિભાવક પોતાના સગીર બાળકોના નામે ખાતું ખોલાવી શકે છે.
