Post Office ની સૌથી જબરદસ્ત સ્કીમ, દરરોજ 400 રૂપિયાની બચતથી બનશે 70 લાખનું ફંડ

પોસ્ટ ઓફિસની ઘણી સ્કીમ રોકાણ માટે સારો વિકલ્પ માનવામાં આવે છે, જે સુરક્ષિત રોકાણની સાથે શાનદાર રિટર્ન ઈચ્છે છે. અહીં મેચ્યોરિટી પર કોઈ જોખમ વગર સારી કમાણી કરી શકાય છે, બસ તે માટે યોગ્ય રકમથી શરૂઆત કરવામાં આવે. જો તમે સુરક્ષિત અને ગેરેન્ટેડ રિટર્ન ઈચ્છો છો તો સુકન્યા સમૃદ્ધિ યોજના એક શાનદાર વિકલ્પ છે. આ યોજના ખાસ કરી દીકરીઓના ભવિષ્યને સુરક્ષિત કરવા માટે બનાવવામાં આવી છે. તેમાં રોકાણ શરૂ કરવા માટે તમારે દરરોજ માત્ર 70 રૂપિયા બચાવવા પડશે.

કેટલું વળતર મળશે?
હાલમાં, પોસ્ટ ઓફિસની સુકન્યા સમૃદ્ધિ યોજનામાં લગભગ 8.2% વાર્ષિક વ્યાજ આપવામાં આવી રહ્યું છે, અને આખી યોજના કરમુક્ત છે. રોકાણ નાની રકમથી શરૂ કરી શકાય છે, પરંતુ લાંબા સમય સુધી નિયમિત રોકાણ કરીને પરિપક્વતા પર મોટું ભંડોળ તૈયાર કરી શકાય છે. આ રકમ પુત્રીના શિક્ષણ, લગ્ન અથવા અન્ય મોટા ખર્ચ માટે ખૂબ મદદરૂપ સાબિત થાય છે.

રોકાણ મર્યાદા
આ યોજનામાં, તમે વાર્ષિક રૂ. 250 થી રૂ. 1.5 લાખ સુધીનું રોકાણ કરી શકો છો. ખાતું 10 વર્ષથી ઓછી ઉંમરની છોકરીના નામે ખોલી શકાય છે. એક પરિવારમાં વધુમાં વધુ બે પુત્રીના નામે ખાતું ખોલી શકાય છે, જ્યારે જોડિયા પુત્રીના કિસ્સામાં ત્રણ ખાતા ખોલવાની મંજૂરી છે.

આ પણ વાંચોઃ કોઈપણ કંપનીના શેર ખરીદતા પહેલા આ 7 વાત સમજી લો, ક્યારેય નહીં થાય નુકસાન!

400 રૂપિયા દરરોજની બચત કઈ રીતે બનશો લાખોપતિ?
જો તમે તમારી પુત્રીના નામ પર આ ખાતું ખોલાવો છો અને મેચ્યોરિટી પર લગભગ 70 લાખ રૂપિયાનું ફંડ મેળવવા ઈચ્છે છે તો દરરોજ આશરે 400 બચાવવા પડશે. એટલે કે દર મહિને 12500 રૂપિયા અને વર્ષે 1.5 લાખ રૂપિયાનું રોકાણ. જો પુત્રીની ઉંમર 5 વર્ષથી વાર્ષિક 104 લાખ રૂપિયાનું રોકાણ શરૂ કરો તો 21 વર્ષ બાદ તેના નામ પર લગભગ  69,27,578 રૂપિયા તૈયાર થશે. તેમાં 15 વર્ષ સુધી તમારૂ કુલ રોકાણ 22,50,000 રૂપિયા થશે અને બાકી આશરે 46,77,578 રૂપિયા માત્ર વ્યાજથી આવશે.

રોકાણ પર નિયંત્રણ વાલીઓ પાસે
ખોતું ખોલાવ્યા બાદ વધુમાં વધુ 15 વર્ષ સુધી પૈસા જમા કરી શકાય છે. જો કોઈ નાણાકીય વર્ષમાં ઓછામાં ઓછા 250 રૂપિયા જમા ન કરવામાં આવે તો એકાઉન્ટ ડિફોલ્ડ થઈ શકે છે, જેને 15 વર્ષની અંદર બીજીવાર સક્રિય કરી સકાય છે. પુત્રી 18 વર્ષની થવા પર કે ધોરણ 10 પાસ કર્યા બાદ આંશિક ઉપાડ સંભવ છે. પૈસા એક સાથે કે વાર્ષિક હપ્તામાં ઉપાડી શકાય છે. ખાતું ખોલાવવાના 21 વર્ષ બાદ મેચ્યોરિટી પૂર્ણ થશે, પરંતુ તમારે ડિપોઝિટ માત્ર 15 વર્ષ સુધી કરવી પડશે.