આ ક્ષેત્રમાં કામ કરતા લોકોને સરકાર દર મહિને આપશે 3000 રૂપિયા, આજે જ કરો અરજી, જાણો વિગત

maan dhan yojana: સરકાર દ્વારા દેશના નાગરિકો માટે ઘણા પ્રકારની સ્કીમ ચલાવવામાં આવી રહી છે. આ સ્કીમનો ઉદ્દેશ્ય લોકોને લાભ આપવાનો છે. આ સ્કીમમાંથી એક સ્કીમ પ્રધાનમંત્રી શ્રમ યોગી માનધન યોજના પણ છે, જેને સરકાર દ્વારા વર્ષ 2019ના ફેબ્રુઆરી મહિનામાં લોન્ચ કરવામાં આવી હતી. આ સ્કીમ હેઠળ લોકોને 60 વર્ષની ઉંમર બાદ દર મહિને 3000 રૂપિયાનો લાભ મળે છે. આવો આ સ્કીમ વિશે જાણીએ.

પ્રધાનમંત્રી શ્રીમ યોગી માનધન યોજના
પ્રધાનમંત્રી શ્રમ યોગી માનધન યોજના હેઠળ અસંગઠિત ક્ષેત્રમાં કામ કરનાર શ્રમિકોને 60 વર્ષની ઉંમર બાદ દર મહિને 3000 રૂપિયાનો લાભ મળે છે. આ યોજનાનો લાભ માત્ર તે શ્રમિક લઈ શકે છે, જેનો મહિનાનો પગાર 15000 રૂપિયાથી ઓછો છે. યોજનાનો લાભ 18 વર્ષથી 40 વર્ષના અસંગઠિત ક્ષેત્રના મજૂર લઈ શકે છે. અત્યાર સુધી આ યોજનામાં દેશના  46,29,664 લોકો જોડાઈ ચૂક્યા છે. આ યોજના શ્રમ તથા રોજગાર મંત્રાલય દ્વારા સંચાલિત કરવામાં આવે છે.

આ પણ વાંચોઃ ટેક્સમાં છૂટ, ગેરેન્ટેડ રિટર્ન, 7.7% વ્યાજ, રોકાણ માટે સૌથી બેસ્ટ છે આ સ્કીમ

60 વર્ષની ઉંમર બાદ દર મહિને 3000 રૂપિયાનો લાભ મેળવવા માટે શ્રમિકોએ પોતાની ઉંમર પ્રમાણે અંશદાન પણ આપવું પડશે. સાથે સરકાર પણ અંશદાન આપે છે. જો તમે દર મહિને આ યોજનામાં 500 રૂપિયા જમા કરો છો તો સરકાર પણ તમારા માટે દર મહિને 500 રૂપિયાનું અંશદાન આપશે. તેવામાં દર મહિને આ યોજનામાં 1000 રૂપિયા જમા થશે. 18 વર્ષની ઉંમરમાં લોકો દર મહિને 55 રૂપિયા આપી શકે છે. તો 40 વર્ષની ઉંમરના લોકો દર મહિને 200 રૂપિયા આપી શકે છે.