UPIથી પેમેન્ટ કરવા પર હવે ચુકવવો પડશે ચાર્જ ? RBI ગવર્નર સંજય મેહરોત્રાએ આપી ચેતવણી, કહ્યું: કોઈને તો ખર્ચ ઉઠાવવો પડશે

Transaction Charge: હવેથી UPI દ્વારા પેમેન્ટ કરવા માટે ફી ચૂકવવી પડી શકે છે. આરબીઆઈના ગવર્નર સંજય મલ્હોત્રાએ આ તરફ સંકેત આપ્યો છે. તેમણે કહ્યું કે સંપૂર્ણપણે મફત ડિજિટલ વ્યવહારો સમાપ્ત થઈ શકે છે. RBI ગવર્નરે કહ્યું કે UPI સતત નવી ઊંચાઈઓને સ્પર્શી રહ્યું છે. પરંતુ તેને આર્થિક રીતે ટકાઉ બનાવવા માટે પ્રયાસો કરવા પડશે. તેમણે ભારપૂર્વક જણાવ્યું હતું કે કોઈએ તો ખર્ચ સહન કરવો પડશે.

RBI ગવર્નરે શું કહ્યું?

એક કાર્યક્રમમાં બોલતા સંજય મેહરોત્રાએ કહ્યું કે UPI હાલમાં કોઈપણ વપરાશકર્તા ચાર્જ વિના ચાલી રહ્યું છે. આ સમગ્ર સિસ્ટમને મફત રાખવા માટે, સરકાર બેંકો અને અન્ય લોકોને સબસિડી આપી રહી છે. તેઓ કહે છે,  કે પેમેન્ટ અને પૈસા આજના સમયની જીવનરેખા છે. આપણને એક કાર્યક્ષમ અને મજબૂત સિસ્ટમની જરૂર છે. સરકાર બેંકો અને UPI સાથે સંકળાયેલી અન્ય સંસ્થાઓને સબસિડી આપી રહી છે. જેથી UPI પેમેન્ટ સિસ્ટમને મફત રાખી શકાય. પરંતુ તેના ઉપયોગ માટે અમુક ખર્ચ ચૂકવવો પડશે. સંજય મેહરોત્રાએ કહ્યું કે પૈસા ચૂકવવા પડશે. કોઈને તો તેનો ખર્ચ ઉઠાવવો પડશે.

UPI પેમેન્ટમાં વધારો

RBI ગવર્નરનું નિવેદન એવા સમયે આવ્યું છે જ્યારે UPI પેમેન્ટમાં તીવ્ર વધારો જોવા મળ્યો છે. માત્ર 2 વર્ષમાં દૈનિક વ્યવહારો બમણા થયા છે. વ્યવહારો 31 કરોડથી વધીને 60 કરોડ થયા છે. સંજય મેહરોત્રાએ ભાર મૂક્યો છે કે શૂન્ય MDR ની નીતિ ચાલુ રાખવાનો નિર્ણય આખરે સરકારે લેવાનો છે.

તમને જણાવી દઈએ કે, ઘણા સમયથી ચર્ચા થઈ રહી છે કે શું સરકાર UPI દ્વારા પૈસા એકત્રિત કરશે.