 "જબ વી મેટ માટે કરીના નહિ, આ એક્ટ્રેસ હતી ડાયરેક્ટરની પહેલી પસંદ, રોલ ઠુકરાવ્યો ન હોત તો...")
)
preity zinta rejected jab we met : જબ વી મેટ ઓલટાઈમ હીટ ફિલ્મ છે. વર્ષો બાદ આ ફિલ્મ વશે એક ખુલાસો થયો છે. ગીતના રોલ માટે કરીના કપૂર ડિરેક્ટરની પહેલી પસંદ ન હતી, પરંતું પહેલા બીજી અભિનેત્રીને આ રોલ ઓફર કરાયો હતો.
શાહિદ કપૂર અને કરીના કપૂર ખાન સ્ટારર રોમેન્ટિક ડ્રામા ફિલ્મ ‘જબ વી મેટ’ એક સુપરહિટ અને અદ્ભુત ફિલ્મ છે. વર્ષ 2007માં રિલીઝ થયેલી આ ફિલ્મમાં શાહિદ અને કરીનાની જોડીએ દર્શકોને ખૂબ જ પ્રભાવિત કર્યા હતા. કરીનાની બબલી સ્ટાઇલ અને શાહિદની મૂંગી ભૂમિકાએ દર્શકો પર ઊંડી અસર છોડી હતી. આદિત્ય અને ગીતની આ જોડી આજે પણ સિનેમામાં યાદ કરવામાં આવે છે. આ ફિલ્મના દિગ્દર્શક ઈમ્તિયાઝ અલી હતા અને તેમને આ ફિલ્મ માટે દર્શકો તેમજ વિવેચકો તરફથી ઘણી તાળીઓ મળી હતી. જબ વી મેટ એક યાદગાર ફિલ્મ બની ગઈ છે જેને ક્યારેય ભૂલી શકાય તેમ નથી, પરંતુ શું તમે જાણો છો કે કરીના નહીં પરંતુ આ અભિનેત્રી આ ફિલ્મમાં ગીતનું પાત્ર ભજવવાની હતી.
કઈ અભિનેત્રીને ફિલ્મની ઓફર કરવામાં આવી હતી?
કરીના કપૂર ખાને ગીતનું પાત્ર ભજવવામાં કોઈ કસર છોડી નથી. વાસ્તવમાં, ગીતની ભૂમિકાએ જ ફિલ્મમાં સૌથી વધુ જીવ રેડી દીધો હતો. પરંતુ તમને જણાવી દઈએ કે, શરૂઆતમાં પ્રીટિ ઝિન્ટાને કરીના નહીં પણ ગીતના રોલ માટે પસંદ કરવામાં આવી હતી. ઇમ્તિયાઝ અલી માટે પ્રીટિ પહેલી પસંદ હતી. પ્રીતિએ આ રોલમાં વધારે રસ ન દાખવ્યો અને આ રોલ કરીનાને ગયો. જો તમે ફિલ્મ જોઈ હશે તો તમને કરીનાના પાત્ર ગીતમાં કોઈ ખામી જોવા નહીં મળે.
પ્રીટિ ઝિન્ટાએ પોતાની કારકિર્દીમાં જેટલી પણ મોટી ફિલ્મો આપી છે તેટલી મોટી ફિલ્મો નકારી કાઢી છે. જો તેણે આ ફિલ્મો કરી હોત તો કદાચ તેનો ફિલ્મી ગ્રાફ પણ ઊંચો હોત.
શું અભિનેત્રીએ પણ આ ફિલ્મોને રિજેક્ટ કરી હતી?
માત્ર જબ વી મેટ જ નહીં, પ્રીટિએ અભિષેક ચૌબેની ફિલ્મ ઈશ્કિયાને પણ રિજેક્ટ કરી દીધી હતી, ત્યારબાદ આ રોલ વિદ્યા બાલનને આપવામાં આવ્યો હતો. પ્રીતિએ કહ્યું હતું કે તે ઈરફાન ખાન સાથે કામ કરવા માંગતી નથી. સલમાન ખાનની ફિલ્મ મેરીગોલ્ડમાં હોલિવૂડ એક્ટ્રેસ અલી લાર્ટર લીડ એક્ટ્રેસ હતી, પરંતુ આ રોલ પણ પહેલા પ્રીટિ ઝિન્ટાને ઓફર કરવામાં આવ્યો હતો.
પ્રીટિ ઝિન્ટા આજકાલ ફિલ્મોમાં ભાગ્યે જ જોવા મળે છે, પરંતુ તેની આઈપીએલ ટીમ કિંગ્સ ઈલેવન પંજાબ ક્રિકેટના મેદાનમાં ધૂમ મચાવી રહી છે.
