 "Guess Who: 3 નહીં, 6 ખાન સાથે કામ કરી ચૂકી છે આ અભિનેત્રી, આટલા કરોડની છે માલકિન")
)
Guess Who: શાહરૂખ ખાન, સલમાન ખાન અને આમિર ખાનની ગણતરી બોલિવૂડના સૌથી મોટા સ્ટાર્સમાં થાય છે. લગભગ દરેક અભિનેત્રી બોલીવુડના આ ટોચના 3 ખાન સાથે કામ કરવાનું સપનું જુએ છે. આપણે જે અભિનેત્રી વિશે વાત કરી રહ્યા છીએ તેણે બોલીવુડના 3 નહીં પરંતુ 6 ખાન કલાકારો સાથે કામ કર્યું છે. તે કપૂર પરિવારની છે અને આ અભિનેત્રી કરોડોની માલિક છે. અહીં આપણે કરીના કપૂર ખાન વિશે વાત કરી રહ્યા છીએ.
કરીના કપૂર ખાને વર્ષ 2000 માં હિન્દી સિનેમામાં પર્દાપણ કર્યું હતું. આ 25 વર્ષોમાં, કરીનાએ ઘણી શાનદાર ફિલ્મોમાં કામ કર્યું છે અને તે તેની કારકિર્દીમાં એક મોટી અભિનેત્રી બનવામાં સફળ રહી છે. શાહરૂખ ખાન, સલમાન ખાન અને આમિર ખાન ઉપરાંત, તે બોલીવુડના ત્રણ વધુ પ્રખ્યાત ખાન કલાકારો સાથે પણ જોવા મળી છે.
ટોપ-3 ખાન સાથે આ ફિલ્મોમાં કર્યું કામ
સલમાન ખાનની સાથે કરીના કપૂર ખાન વર્ષ 2015ની ઓલ ટાઈમ બ્લોકબસ્ટર ફિલ્મ 'બજરંગી ભાઈજાન' માં જોવા મળી હતી. તો આમિર ખાન સાથે કરીના 2009મા બ્લોકબસ્ટર ફિલ્મ થ્રી ઇડિયટ્સ અને 2022મા ફ્લોપ ફિલ્મ લાલ સિંહ ચડ્ઢામાં જોવા મળી હતી. જ્યારે શાહરૂખ ખાન સાથે રા.વન અને અશોકા જેવી ફિલ્મોમાં જોવા મળી હતી.
આ ત્રણ ખાન સાથે પણ કરી છે ફિલ્મો
શાહરૂખ, સલમાન અને આમિર સિવાય કરીનાએ જે ત્રણ ખાન સાથે કામ કર્યું છે તેમાં ઇરફાન ખાન, સૈફ અલી ખાન અને ઇમરાન ખાન પણ સામેલ છે. ઇમરાનની સાથે તેણે વર્ષ 2013ની ફિલ્મ 'ગોરી તેરે પ્યાર મેં' માં કામ કર્યું હતું. જ્યારે પોતાના પતિ સૈફ અલી ખાન સાથે પણ સ્ક્રીન પર ટશન 2008 અને એજન્ટ વિનોદ 2012મા જોવા મળી હતી. તો દિવંગત ઇરફાન ખાન સાથે તેણે અંગ્રેજી મીડિયમમાં કામ કર્યું હતું.
500 કરોડની માલકિન છે કરીના
રણધીર કપૂર અને બબીતાની નાની દીકરી કરીના કપૂર પોતાના કરિયરની શરૂઆત 2000મા ફિલ્મ રેફ્યુઝી સાથે કરી હતી. તેની શાનદાર ફિલ્મોમાં 'કભી ખુશી કભી ગમ', 'બજરંગી ભાઈજાન', ક્રૂ, 'વીરે દી વેડિંગ', જબ વી મેટ, ગુડ ન્યૂઝ અને તલાશ સામેલ છે. કરીનાની નેટવર્થની વાત કરીએ તો તે 500 કરોડ રૂપિયાની માલકિન છે.
