 "Parineeti Chopra: બોલીવુડની વધુ એક અભિનેત્રીએ શેર કરી ગુડ ન્યુઝ, ક્યુટ ફોટો અને વીડિયો સાથે અનાઉંસ કરી પ્રેગ્નેંસી")
Parineeti Chopra: બોલીવુડ અભિનેત્રી પરિણીતિ ચોપડા ટુંક સમયમાં મમ્મી બનશે. રાઘવ ચઢ્ઢા અને પરિણીતિ ચોપડાએ ઈંસ્ટાગ્રામ પર એક પોસ્ટ શેર કરી છે જેમાં તેમણે જણાવ્યું છે કે તેઓ ટુંક સમયમાં મમ્મી પાપા બનશે. સાથે જ તેમણે એક વીડિયો પણ શેર કર્યો છે. આ પોસ્ટ શેર થતાં જ વાયરલ થવા લાગી છે અને પરિણીતિ ચોપડા તેમજ રાઘવ ચઢ્ઢાને શુભકામનાઓ મળવા લાગી છે.
પરિણીતિ ચોપડા અને રાઘવ ચઢ્ઢાએ ઈંસ્ટાગ્રામ પર એક જોઈંટ પોસ્ટ શેર કરી છે જેમાં કેપ્શનમાં લખેલું છે અમારી નાનકડી દુનિયા આવવાની છે... અસીમ કૃપા છે. સાથે જ તેમણે એક ઈમેજ શેર કરી છે જેમાં લખેલું છે કે તેઓ બે માંથી 3 થવાના છે. આ ફોટો સાથે એક વીડિયો પણ છે જેમાં રાઘવ ચઢ્ઢા અને પરિણીતિ ચોપડા એકબીજાનો હાથ પકડી વોક કરી રહ્યા છે.
મહત્વનું છે કે પરિણીતિ ચોપડા અને રાઘવ ચઢ્ઢા થોડા સમય પહેલા જ કપિલ શર્માના શો પર આવ્યા હતા ત્યારે રાઘવ ચઢ્ઢાએ ગુડ ન્યુઝ અંગે હીંટ પણ આપી હતી જે સાચી પડી છે. કપિલ શર્માના પ્રશ્ન પર રાઘવ ચઢ્ઢાએ જણાવ્યું હતું કે તેઓ ટુંક સમયમાં ગુડ ન્યુઝ આપશે. અને રાઘવ ચઢ્ઢાની આ વાત સાચી નીકળી કે તેઓ ખરેખર ગુડ ન્યુઝ શેર કરવાના પ્લાનિંગમાં હતા.
પરિણીતિ ચોપડાની આ પોસ્ટ પર ઘણા સેલેબ્સ પણ પ્રતિક્રિયા આપી રહ્યા છે. પરિણીતિ ચોપડાની પોસ્ટ પર નેહા ધુપિયા, સોનમ કપૂર, રકુલ પ્રીત સહિતની અભિનેત્રીઓએ કોમેન્ટ કરી છે. સાથે જ તેમના ચાહકો પણ અલગ અલગ રીતે કપલને શુભેચ્છા પાઠવી રહ્યા છે.
)