Good News મૂવીનું નવું ગીત Maana Dil થયું રિલીઝ, સુપર ઇમોશનલ છે શબ્દો

મુંબઈ : અક્ષયકુમાર (Akshay Kumar) અને કરીના કપૂર ખાન (Kareena Kapoor Khan)ની ફિલ્મ ગુડ ન્યૂઝ (Good Newwz) બહુ જલ્દી રિલીઝ થવાની છે. હાલમાં આ બંને ફિલ્મનું જબરદસ્ત પ્રમોશન કરી રહ્યા છે. આ ફિલ્મના ટ્રેલરને જબરદસ્ત પ્રતિભાવ મળી રહ્યો છે. હવે ફિલ્મને મેકર્સે નવું ગીત માના દિલ (Maana Dil) રિલીઝ કર્યું છે. આ ગીતને બી પ્રાકે અવાજ આપ્યો છે અને એના શબ્દો સુપર ઇમોશનલ છે. 

આ ફિલ્મના ટ્રેલર અને ગીત ‘ચંડીગઢ મેં’ અને ‘સૌદા ખરા ખરા’ને સારો રિસ્પોન્સ મળ્યા પછી ડિરેક્ટર્સે સોમવારે બીજુ એક ગીત ‘માના દિલ’ રીલિઝ કર્યું છે. નોંધનીય છે કે આ પહેલા પણ બી પ્રાક ‘કેસરી’ ફિલ્મના ગીત ‘તેરી મિટ્ટી’માં પોતાનો અવાજ આપી ચૂક્યો છે. આ ગીત પણ દર્શકોને ખૂબ જ પસંદ પડ્યું હતું. ‘ગુડ ન્યૂઝ’ના ગીત ‘માના દિલ’માં ફિલ્મ લીડ કેરેક્ટર્સ અક્ષય, કરીના, દિલજીત અને કિયારા વિચિત્ર સ્થિતિમાંથી પસાર થતાં જોવા મળે છે. આ ગીતમાં બતાવવામાં આવ્યું છે કે દરેક લોકો ‘ગુડ ન્યૂઝ’ મળ્યા પછી ખુશી થવાની જગ્યાએ દુઃખી થતાં જોવા મળે છે. તનિષ્ક બાગચીએ આ ગીતનું મ્યૂઝિક આપ્યું છે.

આ ફિલ્મમાં અક્ષય અને કરીના કપૂર એવા વિવાદિત કપલની ભૂમિકામાં જોવા મળશે, જે બાળક માટે પ્રયત્ન કરી રહ્યા છે. આ ફિલ્મ કરણ જોહરના ધર્મા પ્રોડક્શનના બેનર બની છે. તો બીજી તરફ રાજ મહેતા ડાયરેક્ટર તરીકે આ ફિલ્મ દ્વારા ડેબ્યૂ કરી રહ્યા છે. હીરૂ જોહર, અરૂણા ભાટીયા, કરણ જોહર, અપૂર્વા મહેતા અને શશાંક ખેતાને આ પ્રોડ્યૂસ કરી છે. આ ફિલ્મના ડાયરેક્ટર રાજ મહેતા છે અને ધર્મા પ્રોડક્શન હાઉસ અને ઝી સ્ટૂડિયોના બેનર હેઠળ બની છે.