Trailer:"આ બંગાળ છે, અહીં બે બંધારણ ચાલે છે", વિવાદ વચ્ચે રિલીઝ થયું The Bengal Files નું ટ્રેલર

Vivek Agnihotri Movie The Bengal Files Trailer Release: બોલીવુડના ફિલ્મોના ડાયરેક્ટર અને એક્ટર વિવેક અગ્નિહોત્રીની નવી ફિલ્મનું ટ્રેલર લોન્ચ થયું છે. વિવેકની કોઈ ફિલ્મ આવે અને વિવાદ ન થાય તેવું બનતું નથી. ધ તાશકંદ ફાઇલ્સ અને ધ કાશ્મીર ફાઇલ્સ બાદ હવે બધાની નજર ધ બંગાળ ફાઇલ્સ પર છે. પરંતુ આ ફિલ્મ સાથે બધુ બરાબર નથી. 16 ઓગસ્ટ 2025ના કોલકત્તામાં વિકેટ અગ્નિહોત્રીની આ ફિલ્મનું સ્ક્રીનિંગ રાખવામાં આવ્યું હતું જ્યાં પર ટ્રેલર રિલીઝ કરવા સમયે બબાલ થઈ અને મેકર્સે ટ્રેલર દેખાડવામાં ખુબ સમસ્યાનો સામનો કરવો પડ્યો. આવો જાણીએ આ ફિલ્મનું ટ્રેલવ કેવું છે અને તેને જોઈ ફેન્સ શું પ્રતિક્રિયા આપી રહ્યાં છે.

કેવું છે ધ બંગાળ ફાઇલ્સનું ટ્રેલર?
ટ્રેલરની વાત કરીએ તો તેમાં બંગાળના ઈતિહાસની કહાની દેખાડવામાં આવી છે. ફિલ્મની કહાની આઝાદી પહેલાની છે. તેમાં હિંદુ-મુસ્લિમ મુદ્દો પણ દેખાડવામાં આવ્યો છે. ટ્રેલરમાં સાંપ્રદાયિક હિંસા જોવા મળી રહી છે અને તે સમયની બંગાળની ગંભીર પરિસ્થિતિને ઝલક જોવા મળી છે. ટ્રેલરમાં ખૂબ મારામારી અને સાંપ્રદાયિક હિંસા જોવા મળી રહી છે. તેમાં કોમ્યુનલ ફાઇટ સાથે તે લોકોની કહાની દેખાડવામાં આવી છે જે મુશ્કેલ સમયમાં લોકોને એક કરવા અને શાંતિનું સમર્થન કરવામાં લાગેલા છે.

વિવેક અગ્નિહોત્રીએ ટ્રેલર રિલીઝ કરવાની સાથે લખ્યું- 'ડાયરેક્ટ એક્શન ડે (16th August 1946) માં પીડિત લોકોની યાદમાં હું તમારા બધાની સામે ધ બંગાળ ફાઇલ્સનું ટ્રેલર રજૂ કરુ છું. હિંદુ નરસંહાર પર આ એક ન જોયેલી કહાની છે જે બેબાક રીતે રજૂ કરવામાં આવી છે.'

ટ્રેલર પર ફેન્સની પ્રતિક્રિયા
ટ્રેલર આવવાની સાથે તેના પર રિએક્શન પણ આવવા લાગ્યા છે. એક વ્યક્તિએ ટ્રેલર પર લખ્યું- એક બંગાળી હોવાને નાતે હું વિવેક અગ્નિહોત્રીની તે વાતની પ્રશંસા કરુ છું કે તેણે આ ફિલ્મ બનાવવાની હિંમત દેખાડી. એક બીજા વ્યક્તિએ લખ્યું- હું બાંગ્લાદેશથી છું, આભાર વિવેક અગ્નિહોત્રી. એક અન્ય વ્યક્તિએ લખ્યું- બંગાળના કોલકત્તાથી હોવાના નાતે હું તે કહેવા ઈચ્છીશ કે દરેક વ્યક્તિએ આ બંગાળનો ન જોયેલો ઈતિહાસ જાણવો જોઈએ. ફિલ્મની વાત કરીએ તો તે 5 સપ્ટેમ્બરે રિલીઝ થશે. ફિલ્મમાં અનુપમ ખેર, પલ્લવી જોશી, પુનીત ઇસ્સર અને મિથુન ચક્રવર્તી સહિત અન્ય સ્ટાર જોવા મળશે.