ગુરુ-શિષ્યના પવિત્ર સંબંધને લજ્જિત કરતી શરમજનક ઘટના: યુવતી સાથે શાળામાં જ હવસખોર શિક્ષકે આચર્યું દુષ્કર્મ

Kutiyana Police Station: પોરબંદર જિલ્લાના કુતિયાણા તાલુકાના મહિયારી ગામમાં ગુરુ-શિષ્યના પવિત્ર સંબંધને લજ્જિત કરનારી અત્યંત શરમજનક ઘટના સામે આવી છે. મહિયારી ગામમાં આવેલી મહંત શ્રી વિજયદાસજી વિદ્યામંદિરમાં એક હાઈસ્કૂલ શિક્ષકે એક વિદ્યાર્થિની પર દુષ્કર્મ આચર્યું હોવાનો સનસનાટીપૂર્ણ બનાવ પોલીસ ચોપડે નોંધાયો છે. આ ઘટનાએ સમગ્ર શિક્ષણ જગત અને સમાજમાં ભારે રોષ અને આઘાત ફેલાવ્યો છે.

ગુજરાત પર હજું 2 સિસ્ટમ સક્રિય! 15મી સપ્ટેમ્બર સુધીમાં આ વિસ્તારોમાં કડાકા-ભડાકા...

શું છે ઘટનાની વિગતો?
પ્રાપ્ત માહિતી અનુસાર, મહિયારીની મહંત શ્રી વિજયદાસજી વિદ્યામંદિર હાઈસ્કૂલમાં શિક્ષક તરીકે ફરજ બજાવતા વિક્રમ પરમાર નામના આરોપીએ ધોરણ 9માં અભ્યાસ કરતી એક વિદ્યાર્થિની પર શાળાના પરિસરમાં જ દુષ્કર્મ આચર્યું હતું. શિક્ષક કે જે વિદ્યાર્થીઓના ભવિષ્યનું ઘડતર કરનાર અને તેમના રક્ષક ગણાય છે, તેણે જ આ પ્રકારનું ઘૃણાસ્પદ કૃત્ય આચરીને સમાજનું માથું શરમથી ઝુકાવી દીધું છે.

15 સપ્ટેમ્બરથી બદલી જશે આ 5 રાશિઓની લાઈફ, કન્યા રાશિમાં બુધનું ગોચર કરી દેશે માલામાલ

પોલીસ ફરિયાદ અને કાર્યવાહી
આ ઘટના પ્રકાશમાં આવ્યા બાદ પીડિત વિદ્યાર્થિનીના પરિવારે તાત્કાલિક કુતિયાણા પોલીસ સ્ટેશનમાં આરોપી શિક્ષક વિક્રમ પરમાર વિરુદ્ધ ફરિયાદ નોંધાવી છે. પોલીસે આ મામલાની ગંભીરતાને ધ્યાનમાં લઈને ત્વરિત કાર્યવાહી હાથ ધરી છે. હાલ આરોપીને પકડવા માટે તપાસ ચાલી રહી છે. શિક્ષક જેવા જવાબદાર પદ પર બેઠેલી વ્યક્તિ દ્વારા આચરવામાં આવેલા આ ગુનાએ વાલીઓ અને વિદ્યાર્થીઓમાં ભયનો માહોલ પેદા કર્યો છે.

અચાનક કેમ કૂણા પડ્યા ટ્રમ્પ? PM મોદી અને ભારત સાથે ટ્રેડ ડીલ પર આપ્યું મોટું નિવેદન

આવી ઘટનાઓ ભવિષ્યમાં ફરી ન બને તે માટે કડક કાયદાકીય પગલાં લેવા અને શાળાઓમાં બાળકોની સુરક્ષા સુનિશ્ચિત કરવી અત્યંત જરૂરી છે.