 "કાલુપુર સ્વામિનારાયણ મંદિરના ગાદીપતિના પુત્રનો પત્ની સામે આરોપ : હનીમૂન સમયે કંઈક પીવડાવ્યું હતું")
Ahmedabad News ; કાલુપુર સ્વામીનારાયણ મંદિરને લઇ મોટા સમાચાર સામે આવ્યા છે. કાલુપુર સ્વામિનારાયણ મંદિરના ગાદીપતિના પુત્ર વજેન્દ્ર પ્રસાદે પત્ની અને તેના પરિવારજનો 100 કરોડ માંગ્યાની ફરિયાદ કરી છે. કૌશલેન્દ્ર મહારાજના પુત્રએ ઘાટલોડિયા પોલીસ સ્ટેશનમાં ફરિયાદ નોંધાવી.
કૌશલેન્દ્ર મહારાજ કાલુપુર સ્વામિનારાયણ મંદિરના ગાદીપતિ છે. કૌશલેન્દ્ર પ્રસાદના દીકરા વજેન્દ્ર પ્રસાદે ઘાટલોડિયા પો. સ્ટેશનમાં પત્ની અને તેના પરિવાર વિરુદ્ધ ફરિયાદ નોંધાવી છે. તેમણે પત્ની અવંતિકા શુકલા અને તેના પરિવાર વિરુદ્ધ ફરિયાદ કરી. જેમાં પત્ની અવંતિકા ઈન્ડોનેશિયામાં હનીમૂન સમયે ફરિયાદીને જમવામાં કોઈ પ્રવાહી આપતી હોવાનો ઉલ્લેખ કર્યો છે.
તેમણે ફરિયાદમાં જણાવ્યું કે, પ્રવાહી ખાધા બાદ ફરિયાદી ભાનમાં ન રહેતા તે સમયે અવંતિકા કોઈ સ્ત્રી સાથે અભદ્ર અવસ્થામાં રહેતી હોવાનું જોયા હતા. અવાર નવાર આ પ્રકારનું વર્તન અને યેનકેન પ્રકારે 11 લાખ અવંતિકાએ તેમના પાસેથી લીધા હોવાનો ઉલ્લેખ કર્યો. બદનામી ન થાય માટે ફરિયાદીએ પરિવારને કોઈ જાણ કરી ન હતી. જોકે બાદમાં હદ વટાવતા ફરિયાદીએ પરિવારને જાણ કરતા મામલો સામે આવ્યો.
સમગ્ર ઘટના પ્રકાશમાં આવ્યા બાદ અવંતિકાને તેનો પરિવાર લઈ ગયો હતો. બાદમાં અવંતિકાના પરિવારે વજેન્દ્ર પ્રસાદનો સંપર્ક કરી મામલો પતાવવા અને સમાધાન કરી અવંતિકાને સ્વીકારવાની વાત કરી હતી. જોકે ફરિયાદીએ તે બાબતે ના લાડતા ફરિયાદી અને તેના પરિવારને મારી નાંખવાની ધમકી આપ્યા હોવા અને 100 કરોડ માંગ્યા હોવાનો ફરિયાદમાં ઉલ્લેખ કર્યો છે.
ભાઈની ફી માટે 3 લાખ સહિત અલગ અલગ બહાને 11 લાખ મેળવ્યા
હનીમૂનમાંથી પરત આવ્યા બાદ પત્ની અવંતિકા દ્વારા પૈસાની માંગણી શરૂ કરવામાં આવી હતી. એક વખત ત્રણ લાખ રૂપિયા માંગ્યા હતા. જે તેના ભાઈની એજ્યુકેશન ફી માટે જોઈએ છે તેમ કહી લીધા હતા. આ પૈસા પણ તેણે તાત્કાલિક આપવાનું કહ્યું હતું. જેથી જ મિત્ર પાસેથી મંગાવીને આ પૈસા આપવા પડ્યા હતા. અલગ અલગ કારણો દર્શાવી કુલ 11 લાખ રૂપિયા મેળવી લીધા હતા.
પત્નીની ઈન્સ્ટા ચેટ મળી
દુબઈથી પરત આવ્યા બાદ પણ પત્નીનું વર્તન અલગ જ જોવા મળતું હતું. બગીચામાં કોઈની સાથે ફોન ઉપર વાતચીત કરતી હતી. ગિફ્ટ સ્વરૂપે આપેલો આઈફોન વાપરતી હતી. જુનો ફોન રૂમમાં જ રહેતો હતો અને એક દિવસ વ્રજેન્દ્ર પ્રસાદે તેનો જુનો ફોન ખોલી અને તેના સોશિયલ મીડિયા એકાઉન્ટ અને તેની વોટ્સએપ ચેટ અંગે તપાસ કરતા આઘાતજનક વાતચીત કરેલી જોઇ હતી. જેમાં સ્ત્રી મિત્ર સાથે કૌશલેન્દ્ર પ્રસાદના પરિવારજનોને હાનિ પહોંચાડીને 100 કરોડ રૂપિયા પડાવી ભાગી જવાની વાત કરી હતી. તેના સ્ક્રીનશોટ પણ લઈ લેવામાં આવ્યા હતા.
)