 "અમદાવાદની 6 વર્ષની બાળકીની હત્યાનો ભેદ ઉકેલાયો, આરોપીએ જે કર્યું તે સાંભળીને અરેરાટી થઈ જશે")
Crime News ઉદય રંજન/અમદાવાદ : અમદાવાદ ગ્રામ્યના ચાંગોદરમાં 6 વર્ષની બાળકીની હત્યા કરનાર આરોપીની ધરપકડ કરાઈ. બાળકી પર દુષ્કર્મનો પ્રયાસ કરીને પથ્થરથી માથું છૂંદીને હત્યા કરવામાં આવી હતી. અમદાવાદ જિલ્લા પોલીસના ઓરિયો નામના ડોગે આરોપીને શોધીને હત્યાનો ભેદ ઉકેલાયો છે.
6 એપ્રિલના રોજ બાળકીનો મૃતદેહ મળ્યો હતો
પોલીસ કસ્ટડીમાં જોવા મળતા આરોપી નું નામ છે રવીન્દ્ર કુમાર મોજી જેની અમદાવાદ જિલ્લા પોલીસની ચાંગોદર પોલીસે 6 વર્ષની બાળકીની હત્યા અને દુષ્કર્મના પ્રયાસ કેસમાં ધરપકડ કરવામાં આવી છે. ચાંગોદર માં આવેલ લેબર કોલોની માં 7 એપ્રિલના રોજ 6 વર્ષની બાળકીની હત્યા કરાયેલી હાલતમાં મૃતદેહ મળી આવ્યો હતો.. જે મામલે ચાંગોદર પોલીસે હત્યાનો ગુનો નોંધીને હ્યુમન ઈન્ટેલિજન્સ અને CCTV ફૂટેજના આધારે તપાસ શરૂ કરી હતી.
પોલીસે 100 મજૂરોની પૂછપરછ કરી
પોલીસે લેબર કોલોનીમાં રહેતા 100 મજૂરોની પૂછપરછ શરૂ કરી હતી ..જ્યારે 50થી વધુ CCTV ફૂટેજ ની ચકાસણી કરી.. આ દરમ્યાન 3 શંકાસ્પદ શખ્સ મળી આવ્યા હતા. આ બાળકીની હત્યા કરનાર આરોપી કોણ છે તેની તપાસ માટે પોલીસે ડોગ સ્કોડ ની મદદ લીધી હતી. ત્યારે ઓરિયા નામનો ડોગ ઘટના સ્થળે પહોંચ્યો હતો..અને ઓરિયા ડોગ એ ઘટના સ્થળે બાળકી પાસેથી મળી આવેલ એક કપડાની સ્મેલ પરથી હત્યાનો ભેદ ઉકેલી કાઢ્યો હતો. અને પોલીસે આરોપી રવિન્દ્ર મોજી ની ધરપકડ કરી હતી...
આરોપી બે મહિના પહેલા બિહારથી આવ્યો હતો
પોલીસ તપાસમાં સામે આવ્યું કે આરોપી રવિન્દ્ર મોજી મૂળ બિહાર નો રહેવાસી છે અને બે મહિના પહેલા જ અમદાવાદ આવ્યો હતો. આરોપી લેબર કોલોનીમાં રહેતો અને મજૂરી કરતો હતો. 7 એપ્રિલના રોજ 6 વર્ષની બાળકી પોતાના ઘર નજીક રમી રહી હતી ત્યારે આરોપી બિસ્કિટ આપવાના બહાને બાળકી ને પોતાની ઓરડીમાં લઈ જઈને દુષ્કર્મનો પ્રયાસ કર્યો હતો. બાળકીએ ચીસાચીસ કરી ત્યારે આરોપીએ આવેશમાં આવીને કોઈને જાણ ન થાય એ માટેથી પથ્થરથી બાળકી પર હુમલો કરીને હત્યા કરી દીધી હતી.
અમદાવાદના ગ્રામ્યના ડીવાયએસપી આસ્થા રાણાએ માહિતી આપતા જણાવ્યું કે, આરોપી રવિન્દ્ર મોજી પરિણીત છે અને તેને દોઢ વર્ષનો દીકરો પણ છે. પત્ની અને બાળક બિહારમાં રહેતા હોવાનું સામે આવ્યું છે. રવિન્દ્ર મોજી મૂળ બિહારનો રહેવાસી છે. બે મહિના પહેલા જ અમદાવાદ આવ્યો હતો. લેબર કોલોનીમાં રહેતો અને મજૂરી કરતો હતો. બિસ્કિટ આપવાના બહાને ઓરડીમાં લઈ ગયો હતો.
ત્યારે આ ઘટના બન્યા બાદ ચાંગોદર પોલીસ સહિત ડોગ સ્કોડ પહોંચી હતી અને ત્યારે ઓરિયો નામના ડોગ એ ફરી વધુ એક હત્યા જેવા ગંભીર ગુનાનો ભેદ ઉકેલી અને સફળતા મેળવી છે.. અગાઉ મણિનગરમાં પણ ઘરફોડ ચોરીને પકડ્યો હતો..જ્યારે ગ્રામ્ય માં હત્યાના આરોપીને દબોચી લીધો હતો..હાલમાં 6 વર્ષની બાળકીની હત્યા અને દુષ્કર્મ પ્રયાસ કેસમાં ચાંગોદર પોલીસે પોકસો અને હત્યાનો ગુનો નોંધી આરોપીની ધરપકડ કરીને મેડિકલ તપાસ કરવામાં આવી છે અને આરોપી વિરુદ્ધ ના પુરાવા એકત્ર કરી ચાર્જશીટ બનાવવાની તજવીજ હાથ ધરી છે.
)