કોલ્ડપ્લે કોન્સર્ટના દિવસે અમદાવાદના આ રસ્તાઓ રહેશે બંધ, અમદાવાદ પોલીસે બહાર પાડ્યું જાહેરનામું

Ahmedabad News : 25-26 જાન્યુઆરીએ અમદાવાદના નરેમ્દ્ર મોદી સ્ટેડિયમાં કોલ્ડપ્લે કોન્સર્ટનું આયોજન કરાયું છે. મોટી સંખ્યામાં આ કોન્સર્ટની ટિકિટો વેચાઈ છે. આ કોન્સર્ટની ટિકિટની હાલ ધૂમ ડિમાન્ડ છે. ત્યારે મોટી સંખ્યામાં લોકો અમદાવાદમાં યોજાનારી કોન્સર્ટ જોવા પહોંચવાના છે. હાલ આ કોન્સર્ટ બહુ જ ચર્ચામાં છે. પરંતું આ કોન્સર્ટ માટે અમદાવાદ પોલીસે જાહેરનામું બહાર પાડ્યું છે, જે મુજબ કોન્સર્ટના બંને દિવસે કેટલાક રસ્તા બંધ રહેવાના છે, તો કેટલાક ડાયવર્ટ કરાયા છે. 

અમદાવાદ પોલીસ કમિશનરે જાહેરનામામાં જણાવ્યું કે, અમદાવાદ શહેરમાં ‘નરેન્દ્ર મોદી સ્ટેડીયમ' મોટેરા, સાબરમતી ખાતે  Cold Play Music of The Yearsનો કોન્સર્ટ તા. ૨૫/૦૧/૨૦૨૫ તથા તા.૨૬/૦૧/૨૦૨૫ના રોજ થનાર છે. આ મ્યુઝિક શો જોવા માટે આવનાર VVIP, મોટા પ્રમાણમાં અને મર્યાદિત સમયમાં વાહનો સાથે આવતા દર્શકો અને સેલિબ્રિટીને જોવા માટે એકઠી થતી આમ જનતા વચ્ચે વાહનોની અવર-જવર અને ટ્રાફિક પ્રવાહ સરળતાથી પસાર થાય તેમજ માર્ગ અકસ્માતો બનતા નિવારવા હું જી.એસ.મલિક, આઇપીએસ, પોલીસ કમિશનર, અમદાવાદ શહેર, મને મળેલ ગુજરાત પોલીસ અધિનિયમ ૧૯૫૧ની પેટા કલમ 33(૧) (બી) (સી) અંતર્ગત મળેલી સત્તાની રુએ પ્રતિબંધ ફરમાવું છું.

અમદાવાદ શહેરમાં ‘નરેન્દ્ર મોદી સ્ટેડીયમ' મોટેરા, સાબરમતી ખાતે  Cold Play Music of The Years તા. ૨૫/૦૧/૨૦૨૫ તથા તા.૨૬/૦૧/૨૦૨૫ના રોજ કાર્યક્રમ થનાર હોઈ, જે દરમિયાન નીચે જણાવેલ માર્ગ/વિસ્તાર પરથી પસાર થતો ટ્રાફિક તમામ પ્રકારના વાહનોની અવર-જવર માટે પ્રતિબંધિત/ડાયવર્ઝન જાહેર કરવામાં આવે છે.

વાવાઝોડાનું મિની ટ્રેલર આવી રહ્યું છે, જાન્યુઆરીના અંતમાં છે વાતાવરણના મહાસંકટની આગાહી

વાહનોની અવરજવર માટે પ્રતિબંધિત માર્ગની વિગત : 
જનપથ ટીથી મોટેરા સ્ટેડીયમ મુખ્ય ગેટ થઇ કૃપા રેસિડન્સી ટી થઇ મોટેરા ટી સુધીનો જતો-આવતો માર્ગ

વૈકલ્પિક માર્ગની વિગત : 

• તપોવન સર્કલથી ઓ.એન.જી.સી. ચાર રસ્તાથી વિસત ટીથી જનપથ ટી થઇ પાવર હાઉસ ચાર રસ્તા થઇ પ્રબોધ રાવળ સર્કલ સુધીના જતા-આવતા માર્ગ પરથી અવર-જવર કરી શકાશે.
• કૃપા રેસિડેન્સી ટી થઇ શરણ સ્ટેટસ ચાર રસ્તા થઇ ભાટ-કોટેશ્વર રોડ થઇ એપોલો સર્કલ તરફ અવર-જવર કરી શકાશે.

આ હુકમ કાર્યક્રમ સાથે સંકળાયેલ વાહનો, ફરજમાં રોકાયેલા સરકારી વાહનો, ફાયર બ્રિગેડ, એમ્બ્યુલન્સનાં વાહનો તેમજ આકસ્મિક સંજોગોમાં વાહન સાથે અવર-જવર કરનારને આ જાહેરનામું લાગુ પડશે નહીં.
આ જાહેરનામાનો અમલ ગુજરાત પોલીસ અધિનિયમ ૧૯૫૧ની કલમ-૩૩ની જોગવાઈ હેઠળ મહત્તમ સમયમર્યાદાને આધિન રહીને તા. ૨૫/૦૧/૨૦૨૫ તથા તા.૨૬/૦૧/૨૦૨૫ બંને દિવસના કલાક ૧૨.૦૦થી કાર્યક્રમ પૂર્ણ ન થાય ત્યાં સુધી કરવાનો રહેશે.

આ જાહેરનામાના આદેશોનું ઉલ્લંઘન કરનાર ઇસમ ભારતીય ન્યાય સંહિતા (BNS) ૨૦૨૩ની કલમ - ૨૨૩ અને ગુજરાત પોલીસ અધિનિયમ કલમ-૧૩૧ મુજબ શિક્ષાને પાત્ર થશે.

ખોટો કોલલેટર લઈ પોલીસ ભરતી માટે આવેલો યુવક પકડાયો, મિત્રના લેટરમાં કર્યા હતા ચેડાં

દેશ દુનિયાભરમાં જાણીતા કોલ્ડ પ્લે બેન્ડનું કોન્સર્ટ આજથી બે દિવસ માટે અમદાવાદમાં શરૂ થઈ જઈ રહ્યું છે. આજે સાંજે 5 વાગ્યે કોન્સર્ટની શરૂઆત થશે, જે માટે લોકોને 2 વાગ્યાથી જ પ્રવેશ આપવાનું શરૂ કરી દેવાશે... દુનિયાના સૌથી મોટા સ્ટેડિયમ એવા નરેન્દ્ર મોદી સ્ટેડિયમમાં કોલ્ડ પ્લે કોન્સર્ટનું આયોજન કરાયું છે. દુનિયાભરમાં કોલ્ડ પ્લેનું બેન્ડ જાણીતું છે ત્યારે લાખો લોકો કોલ્ડ પ્લેમાં ભાગ લેવા આવી રહ્યા છે. VVIP, VIP સહિતના દિગ્ગજો અમદાવાદ પહોંચી રહ્યા છે. ત્યારે લોકોના સુરક્ષા માટે પોલીસે પણ જડબેસલાક બંદોબસ્ત ગોઠવી દીધો છે. કોલ્ડ પ્લેના કોન્સર્ટ દરમિયાન 3 હજાર 285 પોલીસ અધિકારીઓ અને કર્મચારીઓનો પહેરો રહેશે. સાથે જ 142 PSI, 63 PI, 25 ACP, 14 DCP તહેનાત રહેશે, તો NSGની એક ટીમ, BDDSની 10 ટીમ, 3 ક્વિક રિસ્પોન્સ ટીમ, SDRFની 1 ટીમ બંદોબસ્તમાં ખડેપગે રહેશે. આ ઉપરાંત CCTV સર્વેલન્સની બે વાન સ્ટેડિયમ પર હાજર રહેશે, જે લોકોની અવરજવર પર બાદ નજર રાખશે.