ગુજરાતને હચમચાવી દેતો બનાવ, દીકરાની ઘેલછામાં પિતાએ કરી દીકરીની હત્યા

Kheda News : સભ્ય સમાજ પર લાંછન લગાવતો કિસ્સો સામે આવ્યો છે. કળયુગી પિતાએ પુત્રના મોહમાં 7 વર્ષની પુત્રીની હત્યા કરી. ખેડાના કઠલાલ તાલુકાના માલવણ ગામમાં પિતાએ પત્નીની નજર સામે જ પુત્રીને કેનાલમાં ફેંકી મોતને ઘાટ ઉતારી. મૃતકની માતાએ આંતરસુંબા પોલીસ મથકે ફરિયાદ નોંધાવી છે. ફરિયાદના આધારે પોલીસે હત્યારા પિતાની ધરપકડ કરી છે.

કઠલાલ તાલુકાના માલવણ ગામના વિજય સોલંકી નામના પિતાએ 7 વર્ષીય માસુમ દીકરી ભૂમિકાની કેનાલમાં ફેંકી હત્યા કરી છે. મૃતક દીકરીની માતા અંજના સોલંકીએ પતિ વિજય સોલંકી સામે દીકરીની હત્યા કરવાની બાબતમાં આંતરસુંબા પોલીસ મથકમાં ફરિયાદ આપી. 

તપાસમાં સામે આવ્યું કે, આરોપી પિતા વિજય સોલંકીને સંતાનમાં બે દીકરીઓ હતી. પરંતું તેને પુત્રની ઝંખના હતા. તેથી તેણે દીકરીને મારવાનો પ્લાન ઘડ્યો હતો. ઘરેથી દર્શન કરાવવાના બહાને આરોપી તે પત્ની અંજના સોલંકી અને દીકરી ભૂમિકાને મોટરસાઈકલ પર લઈને નીકળ્યો હતો. કપડવંજ પાસેથી પસાર થતી નર્મદા મુખ્ય કેનાલમાં માતા અંજનાની સામે જ દીકરીને નિર્દયી પિતાએ કેનાલમાં ફેંકી દીધી હતી. 
 
પ્રથમ દીકરીના જન્મ પછી વિજય સોલંકીની પુત્ર પ્રાપ્તિની આશા હતી. પરંતું તેના ઘરે બીજી દીકરીનો જન્મ થયો હતો. બીજી દીકરી આવતા જ વિજય પત્નીને માનસિક અને શારીરિક ત્રાસ આપવા લાગ્યો હતો. આખરે રાક્ષસી પિતાએ એક દીકરીનો ભોગ લીધો હતો.

ગોંડલના પાટીદાર યુવક અમિત ખૂંટ આપઘાત કેસ : રાજદીપસિંહ જાડેજાને ન મળી રાહત