બનાસની બહેનોની ખુશી છલકાઈ! મેં વર્ષમાં 2 કરોડ 4 લાખનું દૂધ ડેરીમાં ભરાવ્યું છે, મારો પ્રથમ નંબર આવ્યો

Banaskantha અલકેશ રાવ/બનાસકાંઠા : બનાસકાંઠા જિલ્લામાં આવેલી એશિયાની સૌથી મોટી બનાસ ડેરીની આજે 57 મી વાર્ષિક સાધારણ સભા યોજાઈ. પાલનપુરના બાદરપુરા નજીક આવેલા બનાસ ઓઇલ મીલ ખાતે બનાસ ડેરીના ડિરેક્ટરો તેમજ હજારો પશુપાલકોની ઉપસ્થિતિમાં મળેલી આ 57 મી વાર્ષિક સાધારણ સભામાં બનાસ ડેરીના ચેરમેન શંકર ચૌધરીએ નવા ભાવ વધારાની જાહેરાત સાથે વર્ષ દરમિયાન દૂધ ક્રાંતિમાં સારું પ્રદર્શન કરનાર ટોપ ટેન મહિલાઓનું સન્માન કર્યું. જોકે નવા ભાવ વધારાની જાહેરાત થતા જ જિલ્લાના લાખો પશુપાલકોમાં ખુશીની લહેર પ્રસરી છે..

મોટી સંખ્યામાં પશુપાલકોને એક કરાયા 
બનાસકાંઠા જિલ્લો એ ખેતી અને પશુપાલનને વરેલો જિલ્લો છે આ જિલ્લાના મોટાભાગના લોકો ખેતી અને પશુપાલનના વ્યવસાય સાથે સંકળાયેલા છે જોકે બનાસકાંઠા જિલ્લામાં આવેલી એસીયા ની સૌથી મોટી બનાસ ડેરીએ દૂધ ક્રાંતિની સાથે શ્વેત ક્રાંતિ સરજી છે ત્યારે દર વર્ષે બનાસ ડેરી દ્વારા યોજાતી જનરલ વાર્ષિક સાધારણ સભા આ વખતે પાલનપુર નજીક બાદરપુરા ઓઇલ મીલ ખાતે યોજાઈ હતી. બનાસ ડેરી દ્વારા સાધારણ સભામાં માત્ર ડિરેક્ટર મંડળ જ નહીં પરંતુ બનાસ ડેરીમાં દૂધ ભરાવનારા પશુપાલકો પણ પોતાનો મત રજૂ કરી શકે તે હેતુસર હજારો પશુપાલકોને એકત્રિત કરાતા હોય છે ત્યારે હજારો પશુપાલકોની ઉપસ્થિતિમાં મળેલી આ સાધારણ સભામાં બનાસ ડેરીના ચેરમેન શંકર ચૌધરીએ દેશના પ્રધાનમંત્રી નરેન્દ્ર મોદીનો આભાર વ્યક્ત કરતો ઠરાવ પસાર કર્યો. 

મિત્રો સાથે મસ્તી કરતા પગ લપસ્યો, ને કાતર છાતીમાં ઘૂસી! આ દ્રશ્યો તમને વિચલિત કરશે

અમેરિકાનું દુધ ભારતમાં નહિ આવવા દઉ... 
ચેરમેન શંકર ચૌધરીએ કહ્યું કે અમેરિકા તેનું દૂધ અને પશુપાલનની અલગ અલગ ચીજ વસ્તુઓ ભારતમાં વેચવા માટે દબાણ કરી રહ્યું છે જો તે દૂધ ભારતમાં આવે તો ભારતનો ડેરી ઉદ્યોગ બંધ થઈ જાય જોકે પ્રધાનમંત્રીએ દુનિયાના જગત જમાદાર સામે જુક્યા વગર ભારતના ખેડૂતો અને પશુપાલકો માટે નિર્ણય કર્યો કે અમેરિકાનું દુધ ભારતમાં નહિ આવવા દઉ... જોકે પ્રધાનમંત્રીના આ નિર્ણયને જોતા ચેરમેન શંકર ચૌધરીએ હજારો પશુપાલકોના હાથ ઊંચા કરાવી પ્રધાનમંત્રી ના અન્ય નિર્ણય બદલ તેમનો આભાર વ્યક્ત કરાવ્યો. તો સાથે જ નવા વર્ષનો ભાવ વધારો 2131 કરોડ જાહેર કરી ડેરી દ્વારા 18.32 ટકા ભાવ વધારની ચેરમેન શંકર ચૌધરીએ જાહેર કરતા જિલ્લાના લાખો પશુપાલકોમાં ખુશીની લહેર પ્રસરી છે. જોકે સાથે જ જિલ્લામાં દૂધ ક્રાંતિ માં સારું પ્રદર્શન કરનારી જિલ્લાની ટોપ ટેન મહિલાઓને સન્માનિત કરી છે... તો સાથે જ બનાસ ડેરી દ્વારા આગામી સમયમાં શરૂ થનારા અલગ અલગ પ્રકલ્પોથી ચેરમેન શંકર ચૌધરીએ પશુપાલકોને અવગત કર્યા છે..

બનાસ ડેરીના ચેરમેન શંકર ચૌધરીએ કહ્યું કે, પશુપાલકોને એમની અપેક્ષા કરતાં વધારે અમારું નિયામક મંડળ ભાવ વધારો આપી શક્યું એનો સન્તોષ છે. 

તો પશુપાલકોમાં પ્રથમ સ્થાન પ્રાપ્ત કરનાર નવલબેન ચૌધરીએ કહ્યું કે, મેં વર્ષ દરમિયાન બે કરોડ ચાર લાખનું દૂધ ડેરીમાં ભરાવ્યું છે મારો પ્રથમ નંબર આવ્યો છે.

તો ટોપ-ટેન પશુપાલકમાં આવનાર મધુબેન ચૌધરીએ કહ્યું કે, મેં આ વર્ષે 91 લાખ 96 હજારનું દૂધ ભરાવ્યું છે હું ટોપ ટેનમાં નવમા નંબરે આવી છું 

પશુપાલક ચેતનાબેન માળીએ કહ્યું કે, અમે આજે બનાસ ડેરીની સાધારણ સભામાં આવ્યા હતા ચેરમેન સાહેબે ભાવ વધારો આપ્યો છે આ ભાવ વધારાથી અમે ખુબ ખુશી છીએ. 

પશુપાલક સુજાનબેને કહ્યું કે, હું પશુપાલન છું વર્ષોથી અમે પશુપાલન કરીએ છીએ આજે ચેરમેન સાહેબે ભાવ વધારો કર્યો એનાથી અમને ખૂબ ફાયદો થશે. 

બનાસ ડેરી એશિયાની અગ્રણી ડેરી સહકારી મંડળી: ₹21,200 કરોડનું ટર્નઓવર
વર્ષ 1969માં પાલનપુર, બનાસકાંઠામાં સ્થપાયેલી બનાસ ડેરી એશિયાની સૌથી મોટી ડેરી સહકારી મંડળીઓ પૈકી એક છે. નાણાકીય વર્ષ 2024-25માં તેનું ટર્નઓવર ₹21,200 કરોડ રૂપિયાથી પણ વધુ હતું. બનાસ ડેરી ગુજરાત, ઉત્તર પ્રદેશ, રાજસ્થાન, હરિયાણા, ઉત્તરાખંડ, બિહાર, ઝારખંડ, ઓરિસ્સા અને આંધ્ર પ્રદેશમાં 20 મેન્યુફેક્ચરિંગ યુનિટ્સ ધરાવે છે. બનાસ ડેરી દૈનિક 10 મિલિયન લિટર દૂધનું પ્રોસેસિંગ કરે છે. બનાસ ડેરી સાથે 1600થી વધુ દૂધ મંડળીઓ અને 4 લાખ ખેડૂતો સંકળાયેલા છે, જે ગ્રામીણ વિકાસમાં મહત્વપૂર્ણ ભૂમિકા ભજવે છે. તે ફક્ત પરંપરાગત ડેરી ઉત્પાદનો જ નહીં, પણ મધ અને ખાદ્ય તેલ પણ બનાવે છે. બીજી તરફ સુઝુકી મોટર કોર્પોરેશન અને નેશનલ ડેરી ડેવલપમેન્ટ બોર્ડ (NDDB) વચ્ચે બાયોગેસ પ્લાન્ટ માટે સફળ ભાગીદારી થઈ છે, તે ટકાઉપણું અને વૃદ્ધિને પ્રોત્સાહન આપશે.

કોણ છે ઈમ્તિયાઝ, જેને કારણે સોશિયલ મીડિયા સ્ટાર જન્નત મીરે આપઘાતનો પ્રયાસ કર્યો