Banaskantha: ઉત્તરમાં 'અનરાધાર આફત' અન્નદાતાના હાલ થયા બેહાલ, વાવનું માડકા હજુ પણ પાણીમાં

બનાસકાંઠાઃ ઉત્તર ગુજરાતમાં અનરાધાર વરસાદ વરસ્યો...એવો વરસાદ વરસ્યો કે બનાસકાંઠા બરબાદ થઈ ગયું...જિલ્લાનો વાવ તાલુકો અને આ તાલુકાના અનેક ગામ હજુ પણ પાણીમાં ડૂબેલા છે...ખેતરો બેટ બની જતાં પાક સંપૂર્ણ સાફ થઈ ગયો છે..માલઢોરના મોત થતાં પશુપાલકોની આજીવિકા છીનવાઈ ગઈ છે...ત્યારે જુઓ કુદરતના કહેરનો આ ધારદાર અહેવાલ...

બનાસકાંઠાના વાવ તાલુકામાં વરસાદે આફતનું સ્વરૂપ ધારણ કર્યું છે. આ ખેતરો, જે ગઈ કાલ સુધી લહેરાતા પાકોથી ભરેલા હતા, આજે પાણીના કાળમાં ડૂબી ગયા છે. માડકા ગામના 70 ટકા ભાગમાં પાણીએ તબાહી મચાવી છે. ઘરોમાં પાણી, રાશન પલળેલું, અને અન્નદાતાના આંસુઓ હવે એકમાત્ર સાથી બની ગયા છે. 

બનાસકાંઠા જિલ્લાના સુઈગામ તાલુકાના ગામડાની હાલત આજે પણ કફોડી, લોકો રસ્તા પર તંબુ બાંધી રહેવા મજબૂર
#Gujarat #GujaratRains #Monsoon #Monsoon2025 #Banaskantha #BanaskanthaFloods pic.twitter.com/GkVWHhLxP6

— Zee 24 Kalak (@Zee24Kalak) September 10, 2025

મગફળી, બાજરી, જુવાર, એરંડા, મગ, અડદ, ચોળા...ખેડૂતોની મહેનતનો એક-એક કણ પાણીમાં તણાઈ ગયો. મોંઘા બિયારણ, ખાતર અને દવાઓથી ઉગાડેલા પાક આજે કોહવાઈ ગયા છે. ખેતરોમાં કેડસમું પાણી ભરાયું છે, અને ખેડૂતોના સપનાઓ પણ તેની સાથે ડૂબી ગયા છે. 

ઘરનો માલસામાન પલળી ગયો, રાશન નાશ પામ્યું, અને અસંખ્ય પશુઓના મોતથી આજીવિકા છીનવાઈ ગઈ. ગામની પ્રાથમિક શાળા જર્જરિત થઈ ગઈ છે. બે દિવસથી ગ્રામજનો ભૂખ્યા રહેવા મજબૂર છે. પ્રશ્ન એ નથી કે શું ખાવું, પ્રશ્ન એ છે કે હવે જીવવું કેવી રીતે?...

બનાસકાંઠા ઉચોસણ ગામમાં નથી ઓસર્યા પાણી, રસોડાની સામગ્રી તણાઈ, ઢોરના પણ ઠેકાણા નથી, જુઓ કેવી રીતે પસાર કરે છે દિવસો?#banaskantha #CropDamage #Gujarat #GujaratRains #Monsoon #Monsoon2025 #viralvideo #viral #viralshort #viralshorts #viralvideos pic.twitter.com/qwfodVa1c1

— Zee 24 Kalak (@Zee24Kalak) September 10, 2025

આ ખેડૂતો, જેમણે દિવસ-રાત મહેનત કરીને પોતાના ખેતરોને સીંચ્યા, આજે સરકાર પાસે માત્ર એક જ માગ રાખે છે કે, સહાય. વરસાદે વિરામ લીધો છે, પરંતુ તેની તબાહીએ ગામને ખંડેરમાં ફેરવી દીધું છે.

બનાસકાંઠાના આ ગામની વ્યથા આજે દરેકના હૃદયને ઝંઝોડી રહી છે. પ્રશ્ન એ છે કે આ અન્નદાતાને ન્યાય મળશે કે કેમ?...