શું આને કહેવાય અર્ધાંગની? જામનગરમાં ફિલ્મીઢબે પત્નીએ જ બોયફ્રેન્ડ પાસે કરાવી પતિની હત્યા!

Gujarat Crime News: તાજેતરમાં જ મેરઠની ઘટનાની શાહી હજું સુકાઈ નથી, ત્યાં ગુજરાતમાં ફરી આવી જ ઘટના પ્રકાશમાં આવી છે. મેરઠમાં એક મહિલા અને તેના પ્રેમીએ તેના પતિને ડ્રમમાં હત્યા કરીને સંતોડી દીધો હતો. હવે ગુજરાતની વાત કરીએ તો અહીં એક મહિલાએ તેના પ્રેમી સાથે મળીને પોતાના પતિને રોડ અકસ્માત કરાવ્યો હતો. અકસ્માતમાં મૃત્યુ પામેલા વ્યક્તિની ઓળખ રવિ (30) તરીકે થઈ છે. પોલીસે રવિની પત્ની રિંકલ અને તેના પ્રેમી અક્ષય ડાંગરિયાની ધરપકડ કરી છે, જેમણે તેની હત્યાનું કાવતરું ઘડ્યું હતું.

બોયફ્રેન્ડની મદદથી પતિનો કરાવ્યો એક્સીડન્ટ
આ ઘટના 6 એપ્રિલના રોજ બની હતી જ્યારે રવિ પોતાની બુલેટ બાઇક પર કાલાવડથી જામનગર પરત ફરી રહ્યો હતો. અજાણતાં તેની પત્ની અને તેના પ્રેમીએ તેની હત્યાનો પ્લાન બનાવ્યો હતો. રિંકલે રવિનું લોકેશન અક્ષયની સાથે શેર કર્યું હતું. ત્યારબાદ અક્ષયે પોતાની કંપાસ જીપ (GJ-20-AQ-8262)માં રવિનો પીછો કર્યો હતો અને વિઝરખી ડેમ પાસે જાણી જોઈને રવિની બાઇકને ટક્કર મારી હતી, પરિણામે બાદમાં તેનું મૃત્યુ થયું હતું.

છૂટાછેડા આપતો નહોતો પતિ
તપાસમાં જાણવા મળ્યું કે રિંકલ અને અક્ષય વચ્ચે એક વર્ષથી વધુ સમયથી સંબંધો હતા, જેના કારણે ઘરેલુ ઝઘડા વધી ગયા હતા. રવિ અને રિંકલના લગ્ન આઠ વર્ષ પહેલા થયા હતા અને તેમને ચાર વર્ષનો પુત્ર પણ છે.  આ વિવાદોએ ખતરનાક વળાંક લીધો અને રવિની હત્યા કરવાનો પ્લાન ઘડવામાં આવ્યો. પોલીસને એ પણ જાણવા મળ્યું કે અક્ષયે તેની પત્નીને પહેલેથી જ છૂટાછેડા આપી દીધા હતા અને રિંકલ પણ રવિને છૂટાછેડા આપવાનું વિચારી રહી હતી પરંતુ તેને છૂટાછેડા કરાવવામાં મુશ્કેલીઓનો સામનો કરવો પડી રહ્યો હતો.

રિંકલે કબૂલાત કરી ષડયંત્રની વાત
શરૂઆતમાં તેને અકસ્માત માનવામાં આવ્યો હતો પરંતુ રવિના પરિવારને શંકા ગઈ હતી. તેના કાકા પરેશ મકવાણાએ આ કેસમાં કેટલીક વિસંગતતાઓ ધ્યાનમાં લીધી. જ્યારે રિંકલની પૂછપરછ કરવામાં આવી ત્યારે તે ભાંગી પડી હતી અને કાવતરાની કબૂલાત કરી હતી. જામનગરના ડેપ્યુટી સુપરિન્ટેન્ડેન્ટ આર.બી. દેવધરાએ જણાવ્યું હતું કે, 'અમે આ કેસની તપાસ અકસ્માત તરીકે કરી રહ્યા હતા પરંતુ રિંકલ અને ડાંગરિયા વચ્ચેના સંબંધોની માહિતી મળતાં કેસમાં નવો વળાંક આવ્યો હતો. રવિના પિતાએ પણ ફરિયાદ નોંધાવી હતી, જેમાં રિંકલે ષડયંત્રની વાત સ્વીકારી હતી. પોલીસે હવે રિંકલ અને અક્ષયને કસ્ટડીમાં લીધા છે અને તપાસ ચાલી રહી છે.