Bitcoin Scam Judgement : પૂર્વ ધારાસભ્ય નલિન કોટડિયાની મુશ્કેલીમાં વધારો.. શૈલેષ ભટ્ટના બિટકોઈન કેસમાં કોટડિયા દોષિત જાહેર... પૂર્વ IPS જગદીશ પટેલ સહિત 14 આરોપીઓને આજીવન કેદની સજા...
){kind=small}
){kind=logo}
){kind=logo}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=small}
){kind=logo}
){kind=logo}
){kind=logo}
){kind=logo}
){kind=small}
){kind=logo}
Bitcoin Scam Judgement દર્શલ રાવલ/અમદાવાદ : વર્ષ 2018 દરમિયાન સુરતમાં અપહરણ અને ખંડણીના કેસમાં આજે ચુકાદો આવ્યો છે. સુરત બીટકોઈન કૌભાંડ કેસમાં ભાજપના પૂર્વ ધારાસભ્ય નલિન કોટડીયા દોષિત જાહેર થયા છે. નલિન કોટડીયા સહિત અન્યોને બીટકોઈન કૌભાંડ કેસમાં ગુનેગાર ઠેરવવામાં આવ્યા છે. જેતી પૂર્વ MLA નલિન કોટડીયા સહિત 14 દોષિતોને આજીવન કેદની સજા ફટકરાઈ છે. કોર્ટ દ્વારા કેસમાં સજાનો ચુકાદો અપાયો છે. ત્યારે આ કેસ અને કૌભાંડ શું છે તે પહેલા જાણી લો.
ભારતમાં નોટ બંધી બાદ લોકોએ ક્રિપ્ટો કરન્સીમાં રૂપિયા રોકવાનું શરૂ કર્યું હતું. ત્યારે સુરતમાં બીટ કનેક્ટ નામની કંપનીએ ક્રિપ્ટો કરન્સીમાં લોકોને રોકાણ કરાવવાનું શરૂ કર્યું હતું. તે પૈકી બિલ્ડર શૈલેષ ભટ્ટે પણ પોતાની કમાણી રોકી હતી. પરંતુ કંપનીએ તાળા મારી દીધા હતા અને લોકોના પૈસા ડૂબ્યા હતા. જેને લઈને શૈલેષ ભટ્ટે પોતાના મળતિયાઓને સાથે રાખીને બીટ કનેક્ટ લિમિટેડના કર્મચારી અને હોદ્દેદારનું અપહરણ કર્યું હતું અને તેમની પાસેથી બીટકોઈન, લાઈટ કોઈન તેમજ કરોડો રૂપિયા પડાવ્યા હતા. ત્યાર બાદ કેટલાક પોલીસ અધિકારીઓએ શૈલેષ ભટ્ટનું અપહરણ કરી 200 બિટકોઈન પડાવી 32 કરોડ ખંડણી માગી હતી.
શૈલેષ ભટ્ટના અપહરણ અને ખંડણીના આ કેસમાં હવે સિટી સેશન્સ કોર્ટે ચુકાદો આપ્યો છે. જેમાં પૂર્વ ધારાસભ્ય નલિન કોટડીયા, અમરેલીના પૂર્વ એસપી જગદીશ પટેલ, પૂર્વ પીઆઇ અનંત પટેલ સહિત 14 આરોપીઓ દોષિત જાહેર થયા છે. દોષિતોએ શૈલેષ ભટ્ટનું અપહરણ કરીને 200 બિટકોઇન પડાવ્યા હતા અને છોડવા માટે 32 કરોડની માંગ કરી હતી.
તત્કાલિન અમરેલી જિલ્લા પોલીસ વડા જગદીશ પટેલ, તત્કાલીન અમરેલી LCB પીઆઈ અનંત પટેલ, CBI ઈન્સ્પેક્ટર સુનિલ નાયર, કિરીટ પાલડીયા, વકીલ કેતન પટેલ, પોલીસ કર્મચારીઓ તેમજ પૂર્વ BJP MLA નલિન કોટડીયા સહિત 15 લોકોની ધરપકડ થઈ હતી.
શૈલેષ ભટ્ટનું અપહરણ કરનાર આરોપી પોલીસ કર્મચારીઓ સામે અને પૂર્વ MLA નલિન કોટડિયા સામે CID ક્રાઈમ ગાંધીનગર ખાતે ફરિયાદ નોંધાઈ હતી. તેઓ સામે ભ્રષ્ટાચારનો કેસ નોંધાયો હતો. આ કેસ અમદાવાદની સીટી સિવિલ એન્ડ સેશન્સ કોર્ટ ખાતે આવેલ ACB ની વિશેષ અદાલતમાં ચાલ્યો હતો. સરકારે વિશેષ સરકારી વકીલ તરીકે અમિત પટેલની નિમણૂક કરી હતી.
શૈલેષ ભટ્ટની અરજી ઉપર ઉચ્ચ પોલીસ અધિકારી અને CBI ઇન્સ્પેકટર સામે સામે ખંડણીની ફરિયાદ નોંધાઈ હતી. શૈલેષ ભટ્ટ ઉપર આક્ષેપ છે કે તેણે 2257 બિટકોઇન, લાઈટ કોઇન અને 14.5 કરોડ રૂપિયા વાપર્યા છે અથવા સંતાડ્યા છે. શૈલેષ ભટ્ટે બીટ કનેક્ટ કંપનીના હોદ્દેદારો અને કર્મચારીઓને કિડનેપ કરીને 2021 બીટકોઈન, 11000 લાઈટ કોઈન અને 14.5 કરોડ રૂપિયાની ખંડણી મેળવી હતી.
શૈલેષ ભટ્ટે બીટ કનેક્ટ કંપનીમાં આશરે 1.14 કરોડ રૂપિયા ડૂબી જતા તેને પ્લાન બનાવીને કંપનીના હોદ્દેદારો અને કર્મચારીઓનું અપહરણ કરીને બીટકોઈન, લાઈટ કોઈન તેમજ રોકડા રૂપિયા પડાવ્યા હતા. શૈલેષ ભટ્ટે તે સમયના અમરેલીના SP જગદીશ પટેલ અને કેટલાક પોલીસ ઓફિસરો સામે ફરિયાદ નોંધાવેલી. જેમાં તેને જણાવ્યું હતું કે તેનું કિડનેપ કરીને તેની પાસેથી 176 બિટકોઇન પડાવી લેવામાં આવ્યા હતા. શૈલેષ ભટ્ટે બીજી ફરિયાદ CBI ના પોલીસ ઇન્સ્પેક્ટર સુનિલકુમાર વિરુદ્ધ કરી હતી. જેને અરજદારને ED અને આઈકર વિભાગની બીક બતાવીને દસ કરોડ રૂપિયાની લાંચ માગી હતી. જેની ડીલ 05 કરોડમાં નક્કી થઈ હતી અને 4.60 કરોડ ચૂકવવામાં આવ્યા હતા.
)