 "અમૂલમાં ભગવો લહેરાયો...પ્રથમવાર પૂર્ણ બહુમતિથી અમૂલ ડેરીની ચૂંટણીમાં ભાજપનો ભવ્ય વિજય")
)
BJP's landslide victory in Amul Dairy elections: આણંદના ખેડા જિલ્લા સહકારી દૂધ ઉત્પાદક સહકારી સંઘના નિયામક મંડળની 12 સામાન્ય અને એક વ્યક્તિગત બેઠક સહિત 13 બેઠકો માટે ચૂંટણી યોજાઈ હતી, જેમાં ચાર બેઠકો પર ભાજપનો બિનહરીફ વિજય થતા કુલ 9 બેઠકો માટે યોજાયેલા મતદાનની મત ગણતરી આજે હાથ ધરવામાં આવી હતી, જેમાં 7 બેઠકો પર ભાજપનો અને બે બેઠકો પર કોંગ્રેસ પ્રેરિત ઉમેદવારોનો વિજય થતા ભાજપે પૂર્ણ બહુમતથી અમૂલમાં સત્તા હસ્તગત કરી હતી.
આણંદની અમૂલ ડેરીની નવ બેઠકોની મત ગણતરીના પરિણામ આજે જાહેર થતા જેમાં 9 બેઠકોમાં વ્યક્તિગત બેઠક પર ભાજપના ઉમેદવાર તેમજ 8 સામાન્ય પૈકી 6 બેઠકો પર ભાજપના ઉમેદવાર અને બે બેઠકો પર કોંગ્રેસ પ્રેરિત ઉમેદવારોનો બહુમતથી વિજય થયો હતો. અમૂલની 12 સામાન્ય અને એક વ્યક્તિગત બેઠક મળી 13 બેઠકોની ચૂંટણીમાં ભાજપનો ચાર બેઠકો પર બિનહરીફ અને 7 બેઠકો પર બહુમતીથી વિજય થતા કુલ 11 બેઠકો પર વિજય થતા ભાજપે બહુમતીથી સત્તા પ્રાપ્ત કરવા સાથે પ્રથમ વાર અમૂલમાં પૂર્ણ બહુમતથી સત્તા પ્રાપ્ત કરી છે. અને ભાજપનો ભગવો લહેરાયો છે.
આઠ બેઠકો પર મતદાન
ચૂંટણી પ્રક્રિયા શરૂ થઈ ત્યારે જ ભાજપે પોતાની તાકાત બતાવી દીધી હતી. ચાર સામાન્ય બેઠકો પર ભાજપના ઉમેદવારો બિનહરીફ વિજેતા જાહેર થયા હતા, જે ભાજપની મજબૂત પકડ દર્શાવે છે. કુલ 13 બેઠકોમાંથી, એક વ્યક્તિગત અને આઠ સામાન્ય બેઠકો પર મતદાન યોજાયું હતું. આ આઠ સામાન્ય બેઠકો પૈકી, છ બેઠકો પર ભાજપનો વિજય થયો હતો, જ્યારે બોરસદ અને કપડવંજ બેઠક પર કોંગ્રેસને વિજય મળ્યો. આ સિવાય, વ્યક્તિગત બેઠક પર પણ ભાજપના ઉમેદવારનો વિજય થયો હતો.
પરિણામ: ભાજપની બહુમતી
અંતિમ પરિણામો અનુસાર અમૂલ ડેરીની કુલ 13 બેઠકોમાંથી, ભાજપે કુલ 11 બેઠકો પર વિજય મેળવ્યો છે. આ વિજય ભાજપ માટે ખૂબ જ મહત્વપૂર્ણ છે, કારણ કે આ પહેલીવાર છે જ્યારે પક્ષે અમૂલમાં સ્પષ્ટ બહુમતી સાથે સત્તા હાંસલ કરી છે. આ ઐતિહાસિક જીત બાદ ભાજપના કાર્યકરો અને નેતાઓએ વિજયોત્સવ મનાવ્યો હતો. આ પરિણામોએ સહકારી ક્ષેત્રમાં પણ ભાજપની વધતી જતી શક્તિને સાબિત કરી છે.
