ગુજરાતના વીર અમર રહેજો! મા ભૌમની સેવા કરતા બરફના તોફાનમાં ચોરવાડના જવાન શહીદ

Junagadh News: લેહમાં બરફના તોફાનમાં ફરજ બજાવતા જૂનાગઢ જિલ્લાના ચોરવાડ ગામના વીર જવાન રાકેશભાઈ દેવભાઈ ડાભી શહીદ થયા છે. તેમની શહાદતથી આખા ચોરવાડ ગામ અને સમગ્ર જૂનાગઢમાં શોકનું મોજું ફરી વળ્યું છે.

CM ભૂપેન્દ્ર પટેલ આજે પહોંચશે બનાસકાંઠા! છઠ્ઠે દિવસે પણ સૂઈગામ સહિતના વિસ્તારોમાં...

બે વર્ષ પહેલાં જ રાકેશભાઈ અગ્નિવીર તરીકે ભારતીય સેનામાં જોડાયા હતા અને ત્યારથી તેઓ મહાર યુનિટમાં દેશની સેવા કરી રહ્યા હતા. તેમની ફરજ લેહમાં હતી, જ્યાં તાજેતરમાં બરફના ભારે તોફાનને કારણે 'સ્નો સ્લાઈડિંગ' થયું હતું. આ દુર્ઘટનામાં તેઓ શહીદ થયા.

ફરી રવિવારથી ગુજરાતના આ વિસ્તારોમાં ભારે વરસાદની આગાહી; જતાં જતાં મેઘો આતંક વરસાવશે?

શહીદ રાકેશભાઈનો પાર્થિવ દેહ તેમના વતન ચોરવાડ લાવવામાં આવશે. ગામલોકો અને સૈન્યના જવાનો દ્વારા તેમને ગાર્ડ ઓફ ઓનર સાથે શ્રદ્ધાંજલિ અર્પણ કરવામાં આવશે. તેમના અંતિમ સંસ્કાર સંપૂર્ણ લશ્કરી સન્માન સાથે કરવામાં આવશે, જેમાં મોટી સંખ્યામાં ગ્રામજનો અને અધિકારીઓ હાજર રહેશે.

ઇટાલિયા-અમૃતિયા વચ્ચે ગૃહમાં મોરેમોરો! જો મારા વિરુદ્ધ બોલશો તો તમારી ટિકિટ કન્ફર્મ

રાકેશભાઈ ચોરવાડની સીમમાં રહેતા હતા. તેમની શહાદતના સમાચાર મળતાં જ તેમના પરિવાર પર આભ તૂટી પડ્યો છે. તેમના બલિદાનને કારણે ગામ અને દેશને ગૌરવ છે, પણ તેમના અકાળે વિદાયથી સમગ્ર પંથકમાં ભારે શોક છવાયો છે. તેમનું બલિદાન દેશની સુરક્ષા માટે સૈનિકો દ્વારા આપવામાં આવતા સર્વોચ્ચ બલિદાનનું પ્રતીક છે.

સૌથી મોટી આગાહી! ગુજરાતમાં લંબાઈ શકે છે ચોમાસું, ખાડીમાં સર્જાઈ બે મોટી સિસ્ટમ, આ...